_siksiksik的個人專頁

📍廿一堂本身只係諗住隨便喺中環揀一間比較價錢親民嘅餐廳食晏，冇諗過比到我哋幾大嘅驚喜！牛肉65°C溫泉玉子茶漬丼🍱一上到黎見到呢一個嘅擺盤，比我想像中嘅茶漬飯更加靚🤩 首先嗰個飯上面除咗係牛肉，仲有蛋絲、茄子、秋葵同埋溫泉蛋😍 隔離就放咗一壺茶同埋一個大福做甜品🍬 另外呢個飯我哋就加咗一杯巨峰乳酸梳打🥤首先講咗個飯先，嗰個茶算係濃郁，到落去個飯度撈埋全部嘅配料真係好好食！🫶🏻 尤其是係茄子同埋秋葵，冇諗過呢個飯會見到佢哋，但係又真係異常地夾🥰 牛肉都有好多塊同埋切到幾薄，好味😋至於大福，其實都係出乎我哋意料嘅好味，作為甜品唔算太甜啱啱好🤤 相反杯梳打就真係稍為有啲甜，不過佢入邊就有椰果咬下咁，整體都幾好味㗎～鰹魚湯讚岐烏冬配關東煮🍢首先烏冬上面就有幾塊腐皮，至於旁邊嘅關東煮就有蘿蔔、福袋、冬菇同埋芋絲。烏冬嘅湯底係清清地嘅鰹魚湯底，烏冬口感煙韌😍關冬煮個湯底都幾香，啲料都好足。呢間嘢排頭似係快餐店，但質素就似連鎖日本餐廳，質素真係好唔錯！唯一係嘢食温度會唔夠熱🫢廿一堂 (中環)🍽️ 中環士丹利街33號地舖…查看更多

📍 ℂ𝕝𝕖𝕠 𝔻𝕚𝕟𝕖 & 𝕃𝕠𝕦𝕟𝕘𝕖1 standard set1 executive setStarter:Soup of the day: Cauliflower 首先是日湯係花椰菜，好少餐廳會有呢一個湯！嚟到熱辣辣飲落去好舒服，有好香嘅菜味，同事又好濃郁喎！👍🏻Beef Empanadas一開始見到呢一個名都係唔知咩嚟嘅，但係見到佢係話一舊脆脆地嘅入面包住啲牛肉而且有特別嘅醬料，所以就想試吓，真係冇嗌錯🥹 首先佢入面嘅肉汁係非常之豐富，而且佢嘅外面係咋得脆，但係唔會比入邊嘅熱到整到淋晒。重點係！佢連埋送上嘅嗰個醬料！入面嘅蕃茄粒凍凍地，但係佢嘅調味真係好香，倒落去個牛肉入邊係非常夾🥲 係可以encore嘅程度🥰Mains:Rigatoni係正常偏清新嘅長通粉，蕃茄醬味道都唔錯，仲有少少菇🍄 不過呢個相較之下就真係算正常發揮，冇咩特別驚喜，不過可以一試嘅🤣Cleo Wagyu Beef Burger 🍔一向好少食漢堡嘅我都覺得呢個burger好味😋 一上枱就見到呢個burger份量都唔細，而且入面嘅餡料都好豐富！入面嘅黃牛都非常之多肉汁，有入口即溶嘅感覺，連埋其他所有嘅材料一齊食，真係好好味🫶🏻Sides:Truffle Fries 🍟想讚吓呢度嘅薯條炸得香口之餘，唔會太油膩🥰 而且個黑松露醬，味道都好濃，啱哂鐘意食truffle嘅我地👍🏻想特別讚吓呢度環境真係幾靚😍 我哋仲坐咗嗰個「千秋」位，打卡真係一流🤣 而且啲職員都好親切，成個環境都好好🥰Cleo Dine & Lounge (中環)🍽️ 中環荷李活道30號Shama Place地舖…查看更多

📍船皇船皇湯麵 金邊粉 午市套餐由於唔食豬潤嘅關係，我哋都係走咗豬潤嘅😂呢碗嘢勝在夠餸多，可以一次過試晒佢啲餸😋每一款有一兩粒夠㗎啦！全部肉都幾嫩口，😈邪惡炸豬皮香脆，麵嘅煙韌度可以加強💪。最入味係個湯，但唔知點解第一啖飲有少少肉骨茶嘅感覺，不過食落又無咗，如果再熱少少就更好！豬肉丸、豬肉河粉 咁呢個我哋就係嗌河粉啦，上到嚟見到佢呢隻嘅河粉唔同，我哋平時一般食嘅個種，而係相對粗身，但係都會掛湯嘅😍 佢嘅豬肉片同埋豬肉丸都有每樣幾舊，份量都幾好，而且湯底一樣都係好濃郁，有啲喺泰國食船面嗰種嘅味道！🫶🏻泰式鳳爪其中一個叫咗餐，所以可以揀一個小食，而我就揀咗最想試嘅泰式鳳爪！佢嘅泰式鳳爪唔係辣嘅而係偏酸，而一碟都有五六舊好多，連埋啲西芹食味道啱啱好😋泰仔凍奶茶🥤入嚟食之前已經見到人哋post嘅相，呢度嘅奶茶都係用一隻碗裝嘅，咁特別就梗係要試吓啦！🥹想讚吓你杯嘢飲係好友呢個傳統泰式奶茶嘅味道，一定係相較我哋飲開嘅奶茶比較甜，但係佢嘅茶香都好出🤩熱蜂蜜柚子茶呢個就係因為我哋想嗌番杯熱嘅嘢飲，所以就嗌咗呢一個啦，你杯嘢飲都係正正常常，唔會話非常之甜，所以冬天飲一杯都幾啱😗🍽️船皇 (謝斐道) (銅鑼灣)銅鑼灣謝斐道526號地舖…查看更多

📍小草十八怪石鍋米線雖然係石鍋所以諗住佢要啲時間整，不過都算等得耐，催咗一次單，樓面唔係太夠人手🤔柴火麻辣湯 黑毛豬梅肉片 墨魚丸 豆卜 薯粉至於呢一個麻辣湯底嘅面，首先一上枱就見到成碗嘢係偏深紅近黑多過紅，一聞落去唔似我平時食開嘅麻辣味🤔 不過始終未到都係要試咗先可以判斷，一飲落去第一個感覺係有少少苦，好似有藥材嘅味道咁樣🫢 睇返個湯底係柴火，但係應該唔關藥材事(?) 入面嘅梅肉片有三塊，墨魚丸就一粒切開兩邊有四舊，豆卜都有幾舊嘅，淨係份量係平均偏少。至於薯粉就正常啦，不過因為索得太多汁食落去都有少少苦味，所以最後都食唔晒🥵極品蟹皇湯 十八怪照通炸醬 腐皮 生菜 米線乍醬唔係平時食開嘅味🧐但因為太咸所以都唔識形容係咩味，咸到咁細兜都食唔晒😂腐皮生菜呢啲正常啦😜米線係偏幼身嗰款，都正常嘅。個湯呢…我本身好期待，見到佢加咗隻蛋俾我仲好開心添🫠點知嗒落就好似清湯咁，完全無蟹/海鮮味🥲同行人話隻蛋係用嚟俾錯覺你，等你以為有啲蟹膏，個湯有啲質感🫣食到碗底有少少好細粒好似麵包碎，懷疑係蟹肉嘅嘢…😥其實無蟹肉唔緊要，我都係想要陣味啫…但真係無應該可以改名做：極清蟹皇湯底蝦膠釀豆卜呢個小食算係幾好味，係啲蝦膠釀落去啲豆卜度，入面嘅蝦肉都食落去味道豐富，如果豆卜炸得好脆，一咬落去有兩個層次而且味道好，都推介嘅👍🏻芒果凍頂烏龍茶呢杯嘢都值得一讚😂 份量夠晒大，而且入面嘅芒果味都好濃，唔會係死甜嗰種味道。話說食完嘅時候，我哋問收錢嗰個究竟柴火麻辣燙入邊嘅柴火係乜嘢，跟住佢一句「唔知喎」就完咗，諗住幫佢兜可能係用啲特別嘅方法整，所以有呢隻味都唔得😅 整體來講價錢都係算平嘅，不過值唔值得就見仁見智啦，而且我哋嗌三個餸係冇得自己加落去個碗度玩都冇得玩嘅😂🍽️小草十八怪石鍋米線 (旺角)旺角亞皆老街36-38號龍飛大廈地下3-4號舖…查看更多

📍王林記潮州魚蛋粉麵一向都好想發掘下香港呢一啲有一段歷史但係依然屹立不倒嘅平民餐廳🫣 咁啱去到筲箕灣於市就嚟試一試 Lunch嘅時間遙遠睇已經有人排緊隊 不過流動嘅速度都快所以等咗一陣就入到去啦👍🏻香蔥魚蛋麵🍜首先都想試吓最基本嘅湯麵！講到明係虛沖，首先一上就見到面頭放咗好多切靚靚嘅蔥🤩 飲咗一啖嘅湯底，都幾特別嘅一個味道，但又唔係話好重味精嗰隻～ 想講佢嘅魚蛋，係加埋咗少少嘅蔥花去打呢一粒魚蛋出嚟，咬落去唔會話好腍，同埋有蔥花嘅香味配合真係好好味🫶🏻 麵就正常麵啦，都係偏硬身，係我鍾意嘅麵😍切腩撈粗🍜點可以唔試吓佢呢度好多人叫嘅撈粗！平時食開嘅魚蛋粉店都好少呢一個可以叫 所以其實都唔係好知道佢係咩味 不過一嚟到就聞到好香😍 上面有好多芽菜，食落去嘅時候令到口感更加多層次😗 切腩淋又重牛味，啲麵濃味再沾一沾啲清湯，雪雪聲啜入口😋，正！王林記潮州魚蛋粉麵🍽️筲箕灣筲箕灣東大街10號東寶大廈地下A號舖…查看更多

📍ℍ𝕚𝕘𝕙 𝕊𝕥𝕣𝕖𝕖𝕥 𝔾𝕣𝕚𝕝𝕝之前夜晚食過幾好 於是lunch再食一次 一人叫咗一個lunch set😂Soup of the day: Green pea 綠豆湯🍲鍾意飲湯嘅我哋聽到係呢個湯之後 只係叫咗一碗嚟試吓 可能個人口味問題 呢碗真係唔算話好飲😀Fennel and orange salad 茴香香橙沙律🥗個沙律就正正常常啦 有舊橙清新過平時食開嗰啲set lunch 沙律🫡Beef tenderloin 烤牛柳 🐮呢個牛扒實在太多嘢可以講🥲首先前菜之後等咗好耐都未上主菜 但係我哋見隔離枱遲過我地坐低 都已經食緊牛扒 咁我哋就問侍應 佢就話嚟緊㗎啦幾分鐘之後就的確嚟咗 只不過一望落去就見到完全唔係我哋叫嘅五成熟 好明顯煮耐咗🫠一咬落去果然係咁 佢就好似係返熱過舊牛肉咁 完全係咀嚼不了嘅質感 我哋本身都諗住唔想浪費 食埋佢 但真係好難咬 於是我哋就叫佢再換過一舊第二次上嘅牛肉好明顯就唔同 雖然都唔係五成熟 但起碼可以咬到吞到🙃個汁就普通芥末醬味香煎三文魚🐟魚幾好 份量夠 少少過熟 如果配菜唔係三色豆就好了🥹甜品：跟餐廢蛋糕🍰幾好味嘅…粒士多啤梨食咗2啖無食😇呢間西餐，講真都開咗一段時間，入面都多人食，所以嗰日先至會揀，但係冇諗過最後個質素係咁樣😢 希望佢而家啲嘢食會做返好啲啦🙏🏻High Street Grill (西環)🍽️西環西營盤高街54及56號恆陞大廈地下4-5號舖…查看更多

📍 八拾台式串燒小鋪一間，毫不簡單；鋪頭細細，光鮮亮麗；調味認真，燒烤用心；價錢平民，會再幫襯。烤五花肉卷好味！肥瘦均勻，肉味香。捲住喺中間嘅迷你蘆荀（？）夾住食無咁漏。👍🏻烤豬仔髀比較少串燒舖有得食呢一種。可能因為我地放咗一陣先食，肉咬落去少少乾，不過都仲好好味，有啲似無咁肥嘅金沙骨。烤大漠羊肉串勁好奇到底咩係大漠🧐上到台一睇就知係佢。支籤係走大自然風，好似用枝樹支叉住幾粒羊肉咁😂食落去勁重香料味，同埋羶味比較重烤雞軟骨/2串一串都有五六粒雞軟骨 唔係好大粒 不過面頭都鋪滿咗勁香嘅調味粉 食完唔夠嘅感覺 好味🤩烤年糕本身驚佢會無乜味或太乾，但兩樣都唔使擔心！調味同濕度都啱啱好，外皮仲燒到有少少脆，好有口感！烤豆皮第一個嚟嘅串串就係呢個，佢個樣就唔太討好，但咬落去有驚喜！見識少，無食過呢隻燒豆皮，入面包住一啲蒜蓉，超香口又唔亁！😆烤翠玉瓜正常，吃落去有汁滲出嚟，香料味唔會蓋過本身嘅瓜味。烤饅頭又要讚了 呢四舊饅頭放低烘烘 面頭脆住放入口真係好味 仲有佢個煉奶甜但唔係死甜 而係啱啱好夾住呢個饅頭 食完完全唔會膩而係想再食🥹烤杏包菇有三舊真係好大嘅杏包茹 烤咗外面少少硬 一咬就入口即化 入面有好濃嘅汁😍清酒煮蛤蜊呢個煮蛤蜊99%係我心目中嘅味道🫶🏻 首先飲一下呢個熱辣辣嘅「湯」 有蛤蜊嘅鮮甜味同埋清酒嘅香 再加上蒜香真係好夾😭 同埋入面都有大概十粒肥美嘅蛤蜊 只有一粒係有少少沙 個1%係覺得可以再重啲酒味 但整體呢個價錢真係好抵👍🏻烤金針菇肥牛大細啱啱好，可以成舊食，唔使咬極都唔分開。金菇燒得啱啱好唔會太乾。烤台灣白鳝鱔唔算係太肥，但燒得好，皮脆肉嫩。烤四季豆加單想叫啲菜所以就叫咗四季豆，咁大串好抵食。烤甜玉米想大讚呢個🥰 以為得一條點知上到嚟係一人一條 燒得好香面頭脆脆地 咬落去又多汁又甜 食完飽得啱啱好🥹總體嚟講呢間鋪睇落鋪面細，裝修樸素，望落普通，但真係值得推介。個人嚟講覺得串燒最緊要三樣嘢：食材，調味，燒烤功力。雖然食材唔係食過最好最新鮮，不過呢個價錢我可以接受。另外，我真係好怕半啖粉半啖肉，好着重調味要豐富得嚟，唔好搶咗食材本身嘅鮮味，呢間確實做到調味加乘，唔搶風頭。燒嘅部份feel到用心，每次落單都要啲時間，製作用心。上到台又有個爐仔加熱保温，唔使攤到凍晒。同埋肉類處理得好好，食落去唔會太油膩。而且店面同廚房好似都係一家人小本經營，食落有份温暖感。🥰🥰八拾台式串燒 (旺角)🍽️旺角砵蘭街109-113號偉華商業大廈地下B號舖…查看更多

📍 一碗小麵本身想叫埋炒土豆絲 但係佢話好似無晒薯仔 要問下廚房😂但嗰時鋪頭開始多人 阿姐都唔太得閒理我地 默默地見到隔離嘅烤魚係有薯仔😗但係土豆絲就無了雞絲酸辣米線🍜可能因為其他枱都叫酸菜魚呀辣鍋嗰啲大鑊嘢 我地呢碗麵比預期中耐先上台🫠 無特別 辣得嚟無層次 食到流晒鼻水🥲 雞肉係普通米線舖嗰啲無味白雪雪雞肉😐下次有機會都係試返啲大碟嘢好啲😂 但係佢叫一碗小麵賣點好似應該係米線😀🍽️一碗小麵 (西環)西環西營盤英華台1-6號華輝閣地下6-7號舖…查看更多

📍Popstreet已經係一年前之前食，估唔到無去一排執咗笠添🥲 但係都照係到分享下啦！個陣一入去就見到裝修有啲色彩繽紛，再加木板，好似去咗公園咁🤣幾得意～前菜：芝麻醬玉子沙律🥗本身佢嚟到嘅時候以為黃色嗰塊係芝士，咬落去原來係玉子嚟嘅，算幾有特色嘅前菜👍🏻廚師精選扁意粉:辣肉腸卡邦尼意粉🍝每日嘅意粉都唔同，我哋去嗰日就係呢一個辣肉腸卡邦尼意粉。呢個意粉味道都幾濃，辣肉份量都幾多，整體食落去每啖都好豐富😋摩洛哥霹靂燒春雞(半隻) 🍗隻雞焗得幾香，雞肉係嫩嘅，同個醬料都幾夾，而且份量啱啱好，最邪惡嘅係啲薯條食極唔停口🤣蒜香雞軟骨🦴唔好睇佢細細兜，其實個兜嘅好深，兩個人食都夠！個蒜香味好出，又啱啱炸起熱辣辣，好好味🤤Jasmine tea☕️普通茶包茶，冇咩特別😬Lemonade🥃估唔到Lemonade都有得玩花巧嘢😂 整到咁嘅樣以為係蝶豆花🦋仲用埋環保飲筒添!加分💯 味道就係普通Lemonade🤣🤣其實嗰陣時食完一路都好想再去，因為最想試嘅係慢煮麻辣雞胸飯，但係嗰次就賣晒，冇諗過已經執咗了🥲 Pop Street (已結業)🍽️西環西營盤第三街70號地舖…查看更多

📍J.L. Private Kitchen 重要嘅晚飯所以隆重其實少少🤏🏻 有一次我地就去咗食private kitchen 一入到去當然招呼非常之好啦 佢就話我哋如果去like fb(?) 就會送蠔同埋白酒 但係由於我哋都唔識好極關係所以就直接要約白酒喇🤣 黑松露野菌忌廉湯因為我哋都好鍾意菇嘅關係 所以次次有呢一個湯都會叫我過嚟飲 嚟到呢一間本身期待會有小小嘅驚喜 不過飲完就覺得呢一個湯就正常發揮 冇話有咩特別 係正常嘅好飲😂法式干邑龍蝦湯龍蝦湯唔係周圍有得叫所以一定要黎試吓 呢一個都冇令我哋失望嘅 佢嘅龍蝦鮮味都幾出而且濃郁☺️鮮蟹肉粉紅汁燴意大利飯🦀呢個飯真係好好食 每一啖食落口都會感受到滿蟹味 而佢就唔係主菜嚟但係份量都唔算細😬炭燒美國安格斯西冷扒10安士🥩呢塊牛扒都算幾唔錯 我地叫咗medium rare 整出嚟就啱啱好香煎亞特蘭大鱈魚伴香草檸檬牛油忌廉汁🐠魚的話都煎得唔錯 唔會話好淋 而且同個汁都係好夾！有機鮮果自家製手打雪糕所有生果都非常之新鮮 而且顏色配搭好靚😍 雪糕係普通雲呢拿味 但係都好香好好味綠茶拿破崙拿破崙好味😋 綠茶味都好濃郁 作為甜品味道份量都啱啱好🥹🍽尖沙咀山林道23號2樓…查看更多

📍 𝕁𝕦𝕤𝕥 𝔼𝕒𝕥越南嘢不嬲都鍾意食 知道有呢間lunch就去試下😗😗😗濃味牛湯浸手切牛肉河🐮個湯真係好濃嘅牛味 但又唔會太味精 而且牛肉唔係全熟好嫩口 至於河粉我就轉咗檬粉 份量都算多👍🏻越式絲網春卷撈檬🥢個網春卷真係好味好特別🤤 上枱熱辣辣 個皮帶脆得嚟又唔會碎 同啲餡個比例夾得啱啱好 撈檬就正常 樽甜酸汁比較淡味少少 要落多少少先夠味😬…查看更多

📍ℙ𝕒𝕜 𝕊𝕠𝕚 𝔸𝕤𝕚𝕒𝕟 𝕂𝕚𝕥𝕔𝕙𝕖𝕟呢間餐廳有得坐室外同室內 不過個日12點到好熱就揀坐入去環境都幾好坐得幾舒服😬Combo Khao Mun Gai + Moo Grop w/Ginger rice海南雞併脆皮豬腩肉配黃薑飯🍚海南雞雞肉正常發揮啦 至於豬腩肉 肉同肥膏比例6:4 個皮仲要焗到脆卜卜😋點埋個甜酸醬食都幾過癮 兩款肉個份量都幾足 黃薑飯都幾香唔錯Pad See-iw w/Pork泰式豬肉炒河🐷醉愛pad系列 通常得pad thai食所以見有呢個就試下 果然都係炒得好香 豬肉都好多舊😗佢係真係泰式嘅河粉 唔係一條條係一舊舊比較煙韌 有啲似茶樓啲蝦餃皮咁Thai Lime Tea泰式青檸茶🫖個顏色比起港式檸茶混濁啲 飲起嚟有嗰種泰式香料味 飲唔慣既可能一時間會接受唔到 雖然走咗糖 但都唔會話苦 幾開胃🤤椰汁西米糕跟套餐送嘅一個甜品 食完就好開心好完滿了😙…查看更多

📍 ℝ𝕖𝕞𝕡𝕒𝕙 ℕ𝕠𝕠𝕕𝕝𝕖𝕤Premium Prawn Noodle 🦐覺得個湯底都幾濃 配菜夠多都開心 蝦同豬腩肉就比較薄吸唒湯嘅味道 都好味🤤🤤Dry Laksa乾喇沙好似平時好少會食到🧐所以特登叫嚟試 個醬其實就好似普通喇沙咁（略辣）個粉就特別啲 係類似銀針粉再長少少 其實都幾唔錯幾有趣🤓 但係就唔會好似平時啲粉咁索晒啲湯Kaya Toast 🍞多士好脆然後咖央醬都算多同濃😗 個時諗緊如果去到賣哂咁點 好彩仲有得試✌🏻不過呢間位唔多 我地六點幾去啱啱好可以入 再遲少少就要排隊了😗…查看更多

📍 船渦 見 open rice有午市優惠套餐幾抵就試下啦本身唔係款款海鮮同刺身都想食 所以揀咗一個最基本嘅套餐 諗住到時再單點其他嘢食🥰午市1人蒸氣火鍋形部尚書1人套餐個餐其實本身都好多嘢食 包括前菜 餃子海鮮4款固定加1款自選肉類3選1仲有個鍋底可以揀粥/粉/麵/飯基本上所有海鮮都好新鮮 處理得好乾淨👍🏻見到店內都有缸可以暫存海鮮 等食材可以保持新鮮 啲蜆肉十分甜美 所以忍唔住單點再encore咗一兜 上枱嗰時仲見到佢喺個殼入面郁郁下㗎枱面寫晒煮海鮮嘅所需時間 個蒸鍋有計時器嘅 所以都好方便😆食完海鮮有啲意猶未盡 唔好唔記得仲有個湯底可以食粥粉麵飯填飽個肚個湯充滿咗頭先蒸海鮮嘅精華 格外滋味！🥹唯一係呢度啲伙計冷漠咗啲 個爐嘅用法係我地自己揣摩 可能係我地嗰日太早去啦🤣以呢個價錢食到新鮮海鮮真係抵到爛當時用QR code落單見到其實有好幾款海鮮當日係無得點 但有得點嗰啲都係好新鮮 欣賞店家貴精不貴多咁準備食材 支持！🫶🏻…查看更多

📍椰小盅燉湯專門店想食清少少嘅煮家菜～ 然後見到太古呢一間有湯飲，於是就坐低諗住試下佢！😆螺片雞腿燉盅湯🍲呢個湯算足料，啲湯渣都喺晒個盅度，包括螺片佢煲到好淋好入味👍🏻 至於雞腿肉都好多嘅，雖然無晒味但都食晒咁濟🤣焦糖醋香排骨🐷真係住家feel 少油少鹽 🤏🏻 排骨都比較瘦，不過個汁酸酸甜甜咁，啱撈飯食！🤪紫薯飯🍚個餐就係跟紫薯飯🍠 有啲紫薯碎粒夾雜住飯，比起普通白飯更飽肚，口感都唔錯！個餐仲有羅漢果茶同啫喱，正正常常，但成個餐包咁多嘢都係一百蚊到，觀感上同埋食落都好滿足🥰 下次去都想試下其他唔同嘅湯🥹…查看更多