朋友仔生日，今次來到尖沙咀，THE ONE大力棒棒食野，食左先來小食，鴨胸片同店員推介是日例湯，哈蜜瓜燉老雞，鴨胸片好煙燻好好食，個湯火喉足夠，夠味，真正老火湯，煲得夠時間，而d湯料雞都仍然有鮮味，GOOD。晾衫白肉，好有心思的小食，你睇d青瓜同白肉晾起，好得意，青瓜同白肉片得夠簿，食時必定要點個辣醬，聽聞是秘製的，因我試過就咁夾起食係冇乜味，加起d夠咸夠辣既醬食就真係精髓所在。雞絲粉皮，d雞絲夠多好入味，但粉皮略為切粗左少少，d花生醬又唔太夠滑，但d花生醬味係OK既，所以整體都OK。飽受折磨，果名特別到唔知係乜來，好彩餐牌有相有介紹，是炸金菇來的，便試試，食落出奇既好味，好有心機做出來既一味小食，金菇應該係一條條浸炸粉炸出來既，所以每條都好脆好好味。七味脆西施，又係好特別既的名，呢果原來係炸豆腐，d豆腐好滑，d外皮炸得好脆，d粉果然有七種味即好夠味，細細粒易入口。大蝦球鍋貼，係多士上面有蝦，嘩，呢味真係超好食，多士厚簿適中夠脆唔油，蝦夠大舊夠鮮夠味。非常完美既配搭。士多啤梨蝦球酥盒，好似甜品既一碟小食，士多碑梨配上果沾，甜甜酸酸好開胃，蝦配起又唔覺怪，反而咸加甜配起剛好，要贊一贊果酥皮，真係做到名符其實一個盒盛住d餸，呢個酥皮整得又脆又香又夠熱，口感一流，必試。砵酒焗桶蠔，我其實一向唔鍾意食蠔，但都覺得呢個OK，蠔好大隻，一桶重有五隻咁多，咬開d蠔好乾淨好肥大，炸皮雖厚左少少，但都脆，甜甜的，整體OK。花膠杞子浸菜笛，呢味我最喜歡，雖則花膠少左d，得三隻，但因為價錢唔貴，三隻其實算多，花膠浸得夠林夠入味，而且真係好新鮮，杞子夠大粒，菜苗好＂林＂好清潔，又夠細棵，其實精華所在係d湯，夠哂濃，冇味精，d湯令到每樣餸變成格外好食，好食到最後我直頭連d湯都飲埋。富貴炒飯，名符其實，係好富貴呀，有鮑魚啦，帶子，大蝦，蟹子等貴價海鮮，d鮑魚真係大大粒架，好厚身，係靚鮑離架，帶子都係大大粒，好爽口，蝦又好爽脆，飯又唔油，一粒粒，好有鑊氣，超正既富貴炒飯呢！整體黎講，朋友仔們對呢餐好滿意，雖然價錢比係新界區貴，但尖沙咀地段算係甘，真係叫抵食。…查看更多
