steph11的个人专页

小心中伏！呢間野係雅蘭開返，已經變咗垃圾🗑️！員工態度極差！食品質素亦同以前差好遠！已登人生中差放題第一位！兩個小時用餐時間，每一秒都係背脊骨落，碟碟車落枱都算，食咗9個字至1個鐘之間，就開始催你走，就黎last order！問多兩問發現搞錯我地係第二個slot，話應該仲有半個鐘先last order，個qr就死咗，個個員工都話唔關佢事，推黎推去，最後真係俾佢地推到過咗鐘，就一句，過咗時，無得叫架喇～食物又唔係出色，態度，極差。為咗尊重自己，作為一個人，我全家唔會再去。一行十幾人，幾千蚊，俾人蝦到上心口，氣難平，香港飲食業搞成咁，就係因為呢d餐廳。…查看更多

無禮待客，永不幫襯！良景茜廊學人搞儲印仔送免費餐。上次食3個早餐，d阿姐一野吸落個3字到。今次就話咁樣唔計，只當1個印仔！好聲好氣同個收銀講，點知女經理同收銀，態度好無禮貌！唔通我會呃你39蚊個早餐咩？仲叫我俾張單你？你地幾時有俾過單d客？如果咁都信唔過，就唔好學人做優惠！一係就Train好d員工咪咁懶，吸齊d印仔！最後態度唔好咁吸返d印俾我！不過我走咗唔要喇！平時態度都唔係好！今日仲要咁差！咁樣唔得架，公司要教吓d員工啦！…查看更多

突然想食焗豬，經過Sogood門口見有即刻入去幫襯！焗豬扒飯唔係焗，對我來說已是很大打擊。只係淋d茄汁同少少芝士係白飯上面，用火熗燒兩燒……係絕對稱唔上焗飯。味道其實還不錯，真係爭個焗字！好可惜！作為焗豬完全不合格。應改名為茄汁豬扒飯。焗豬無炒底，本來就死了一半。無焗到卻自稱焗飯，是意料之外。豬扒亦煎得不夠，仍需改進。希望店家努力改進，相信大家能克服人手和時間問題。加價也是可以的，很想吃真正的焗飯…查看更多

今日喺屯門市中心越棧食下午茶。一入門口，完全無人理。就算主動話兩位，都只獲得冷淡回應。不過已經好肚餓，唯有快快坐低點菜。最後碗粉黎咗，阿姐話係豬頸肉湯濛。我心諗，吓！我要豬排湯濛喎！原來塊豬排太薄太細，個阿姐都誤會咗係豬頸肉......最後兩三吓就食完，四十蚊，出到門口，我都仲係咁餓。…查看更多