helloangel_48的个人专页

相信去開觀塘附近嘅人都會試過cobber，最近知道佢哋開左間食mochi嘅分店，今次專程去試下新店😁呢間分店嘅特別之處係只需要每人order一樣食物就可以享用佢哋出面嘅自由斟bar，有四款飲品可以無限refill😋餐包+餐湯+沙律 +$20好欣賞呢度嘅餐包係牛角包🥐，湯方面當日可以揀西蘭花湯/黑松露湯，我地揀左黑松露，湯嘅質感唔會太厚/濃，入口順滑，黑松露味濃郁👍🏻明太子忌廉蝦肉三文魚子飛魚子紫蘇葉意粉 $148意粉夠creamy、多汁，食得到明太子味之餘吾會太鹹，蝦肉份量亦非常多，除左完整嘅蝦之外仲有切碎左做一舊舊嘅蝦☺️黑松露忌廉磨菇雞肉燉飯 $148燉飯同樣夠creamy，入口係cream嘅奶香味混合黑松露味，比較特別嘅地方係呢個燉飯入面仲有一塊塊嘅瘦肉明太子薯條 $68份量超級多🥹薯條本身有調味，炸得金黃酥脆，齋食已經好出色，點埋明太子醬就多一種風味焦糖巴斯克蛋糕 +$48賣相好靚，味道就更加驚艷🥹可以話係我食過最好味嘅巴斯克蛋糕，蛋糕面有一層燒左嘅焦糖，而蛋糕本體嘅質感係超級細滑，有微微嘅流心效果，芝士亦都唔會太rich，必食！抹茶雪糕麻糬 +$20麻糬薄薄一層，但好大塊，超級煙韌，配合埋抹茶雪糕食落好滿足😋…查看更多

一直都好想試呢間泰國菜，啱啱開張嗰陣就好多人排隊，所以等到近排先去試到🥹平日晏晝去都要排吓隊，不過大概10至15分鐘就入得😬 餐廳概念同泰國thongsmith一樣+各種地道泰國街頭美食，廚房、樓面都係泰國人，而大廚更加係米芝蓮泰菜出身！重點係價錢好貼地😍和牛船麵（蛋麵） $88可能因為餐廳9成食材由泰國直接入口，包括蒜頭、香料，船麵食落同喺泰國食一樣😋湯底濃郁，配料仲好豐富，除咗和牛之外仲有丸同炸豬皮，和牛有返咁上下厚度，口感豐富Pad thai $88Pad thai上枱嘅時候熱辣辣，炒得好惹味，味道酸酸甜甜幾開胃，蝦都大大隻，口感彈牙😋燒豬頸肉 $88同朋友一致大贊呢個燒豬頸肉，份量多之餘每塊肉都好大塊，上枱嘅時候同樣熱辣辣。豬頸肉肥瘦適中，外層燒得好香，有咬口得來又唔會難嚼。另外個個汁都超級好食😍芒果糯米飯 $78糯米飯篜得啱啱好，軟糯煙韌，椰漿味濃郁，芒果都好新鮮，夠曬香甜😋店員姐姐仲同我哋講佢哋係用新鮮嘅椰青水自己整椰漿😮睇得出餐廳好比心機做好每一樣野食🥹泰式奶茶 $8見到餐牌嘅時候俾呢個價錢震驚到😧質素好掂，入口順滑，以泰式奶茶嚟講唔會太甜，一定要嗌😍…查看更多

新蒲崗隱藏咗好多小店，前排去到呢間Pizza Monster，估唔到有驚喜千島海鮮 （中） $1382個人食order中size就啱啱好，我地揀咗厚批，因為即叫即整所以都要等一等，上檯果然熱辣辣，就算係厚批都夠脆，上面嘅海鮮仲好多，夠曬足料檸檬蜜糖雞翼 $36呢個價錢有4隻雞翼都幾抵，雞翼焗得好靚，蜜糖嘅甜加埋檸檬嘅微微酸夠曬開胃🤤焦糖窩夫配雪糕 $38呢個窩夫好驚喜，店員整嘅時候就一路聞到牛油香，果然食落好香牛油味，質感相對比較結實，外層脆脆地，好好味👍🏻雪糕方面我地揀咗豆腐味，味道都幾濃郁，口感比起平時嘅雪糕會rich d…查看更多

下午茶時間最啱去小食店食翻d小食😛阿華田格仔餅🧇格仔餅好厚，外層夠脆，而且蛋香味十足😍夾住滿滿嘅阿華田醬同埋脆脆，勁好味，一定會再encore😋炸魚蛋魚蛋新鮮炸出黎，一拎上手熱辣辣，加埋椒鹽冇得輸芒芒特濃鮮奶 $38杯嘢係淡淡嘅奶黃色，芒果鮮奶加埋大大粒嘅芒果粒，口感更加豐富，感覺都幾健康椰汁紫米西米鮮奶 $38飲落似係稀版嘅椰汁紫米露，西米同紫米增添咗成杯飲品嘅口感，想食糖水嘅時候飲番杯又唔會太Heavy…查看更多

hashtag b前排喺旺角開左新店，最近又出左新品，呢日經過try try佢愛爾蘭咖啡撻一如既往勁大個，千層酥皮夠曬酥脆，喺焦糖蛋撻嘅基礎上加上咖啡同可可嘅香味，高質必食😋士多啤梨窩夫旺角店限定嘅item，要即食，窩夫係酥皮質感，mix埋cream同士多啤梨，作為下午茶小食一流提拉米蘇下層係hashtag b招牌嘅千層酥皮，上層就係tiramisu嘅cream，酥脆混合cream嘅順滑，層次豐富藍莓cream cheese bagelbagel本體好煙韌，cream cheese同埋藍莓嘅份量都好多，兩者嘅味道搭配得好好😋…查看更多

作為米線愛好者留意到新蒲崗呢間米線近期好hit，於是約埋朋友一齊食下自家製手作蝦多士 $26幾乎檯檯都有嗌，蝦多士好大舊，多士金黃酥脆，蝦嘅部分就好彈牙，點醬食好過癮😋八味豆腐 $28超級大碟，份量勁多😱豆腐新鮮炸起，上檯嘅時候熱辣辣，外層薄得黎好酥脆，內層嘅豆腐就超級嫩滑🥰豬頸肉米線+魚腐 $65餐廳招牌嘅豬頸肉米線好抵食，豬頸肉係分開上嘅，大大碟，燒到微微燶邊，點個醬汁食一流。而魚腐都好高質，魚肉味道濃郁。米線嘅口感都啱啱好👍🏻豬軟骨米線+腩肉+雞軟骨春卷+肥牛 $80好貪心咁叫咗好多餸，黎到好大碗，每樣餸都好足料有好多舊😍豬軟骨大大舊，入味得黎又夠腍，估唔到腩肉係厚切嗰隻，食落好滿足😋雞軟骨春卷都幾特別，彈牙得黎又有脆骨嘅口感，而肥牛都大大片，厚薄適中，勁抵食😍…查看更多

More yogurt 旺角D24榴槤乳酪奶昔 $48榴蓮愛好者必試！yogurt嘅上面有一大球榴槤蓉😍😍D24嘅榴槤香味好濃郁，榴蓮口感綿密😋😋而底層嘅yogurt亦奶香味十足，呈冰沙嘅口感，等yogurt開始融就會變成一杯榴槤尾十足嘅yogurt👍🏻…查看更多

bookmark咗呢間餐廳好耐，終於有時間試到。小店座位唔多，平日夜晚可能都要等一陣焗芝士蟹醬軟殼蟹飯 $98飯本身跟埋餐湯，當日係白湯，味道正正常常。而個飯就好有驚喜喎，軟殼蟹大大隻，炸得金黃酥脆，飯嘅表面鋪滿芝士，望落都覺得好邪惡，最重要嘅係味道非常好，個飯帶有濃濃嘅蟹味😋威靈頓牛柳 $98威靈頓牛柳應該係呢間餐廳最出名嘅一道菜。我哋嗌咗五成熟，牛入口都算嫩滑，重點係$98就食到，主打性價比。芝士煙肉焗蠔 $38/1焗蠔都算大隻，入口飽滿，芝士味濃，冇得輸Yakult +$15加$15就可以揀特飲，呢杯係益力多味嘅沙冰，嚟到嚇咗一跳，超級大杯😋Lychee Lemon +$15同樣大大杯，入面仲有荔枝肉，味道清新，適合解膩…查看更多

呢間餃掂喺好多地方都有分店，次次經過都見唔少人食，今次一於試下佢龍鳳松茸煎餃（8隻） $98呢度有松茸煎餃好特別，其他地方食唔到😮分別有4隻黑松露同4隻白松露煎餃，兩者嘅松露味都好出，亦都煎得金黃酥脆👍🏻韭菜湯餃（7隻） $46食餃子一定要食嘅韭菜餃，大大粒，餃子皮又薄又滑，韭菜餡超級爆滿，韭菜味十足💯煎壽喜燒牛肉餃（7隻） $58同樣好特別嘅口味，食落有洋蔥嘅甜味，亦都感覺牛肉嘅餃子豬肉餃少左d肥膩嘅感覺蜜檸薏米水 $20大大杯，飲落好清新潤喉👍🏻山楂雪梨水 $20山楂酸酸地配合雪梨嘅甜味，好開胃🤤…查看更多

前排見到Outdark而家做緊10周年抽獎，去Outdark堂食就可以抽機票，呢啲機會梗係唔可以錯過😬另外門口仲有一部韓國好興嘅影收據相機，等位嘅時候可以免費影返張同朋友留個紀念海鮮炒年糕 $328賣相非常吸引，超級大嚿嘅炸魷魚擺喺面，金黃酥脆，底下有好多蔬菜同煙靭嘅年糕，醬汁就係經典嘅韓式辣醬味，但唔係好辣。個爐邊有芝士、腸仔、爐邊蛋、紫菜飯、泡菜，超級豐富，海鮮同年糕點芝士食超級滿足，同時都好邪惡😈海鮮蔥煎餅 $138海鮮份量好多，包括有魷魚、蝦等等，超級足料，不過略嫌煎得唔夠香脆，有部份仲唔係好成形，相信煎耐少少會好好多Cheese stick $38$38有四舊都算抵食，細細條食落唔會太膩柚子米酒 $38柚子嘅清爽混合微微嘅米酒香，成個組合好夾，解膩一流…查看更多

香港嘅夏天真係好熱，最近約friend食飯都會揀啲可以坐得耐嘅餐廳，呢間部屋咖啡室唔單止坐得耐，仲有好多board game可以玩😆二人餐 $388千島夏威夷pizza呢個Pizza係薄底，上枱嘅時候熱辣辣，個底仲好脆香辣虎蝦海鮮意粉意粉好大兜，煮得啱啱好，除咗虎蝦之外仲有青口，意粉都算掛汁，味道適中炸蟹餅份量都算多，有成六舊，外層炸得微脆，而內層嘅蟹餅就好彈牙，啱晒一路玩board game一路食豆腐芝士蛋糕 $50蛋糕質地夠滑身，口感綿密，豆腐中和左cheese cake本身好易膩嘅問題，成個組合清新得嚟又滿足到想食cheese cake嘅慾望水果茶 +$33水果茶一壺咁上，入面有好多唔同水果，夾埋嘅味道都好夾好fresh😋加$33就有一壺好抵飲😜…查看更多

最近突然好想食茶漬飯，見到T.O.P呢間餐廳有，一於約埋朋友一齊試吓慢煮三文魚配三文魚子茶漬飯 $128賣相好靚，除咗茶漬飯之外，仲有玉子燒同埋蕃茄沙律作為前菜，上枱嘅時候店員同我哋介紹咗三個食法，分別係就咁食、加湯食、加埋Wasabi，三種食法都各有風味，可以轉換口味。而三文魚肉質細嫩，食到魚油香味，而三文魚子就增添咗口感，令到成個層次更豐富油甘魚刺身明太子山藥茶漬飯 $138同樣賣相好靚，刺身大塊得嚟又好厚身，味道新鮮，仲配上好多吞拿魚蓉。另外山藥令到成個飯嘅口感更加順滑、黏身，就咁食嘢好唔錯👍🏻洛神花玫瑰茶呢個係唔使加錢嘅set Drink，味道酸酸甜甜，感覺好養生、養顏😜士多啤梨抹茶益力多 +$28賣相好吸引，整體士多啤梨味會比較出，唔係好飲到抹茶嘅味道招牌提拉米蘇波波 （2-3人份） $108Tiramisu賣相好得意，餐牌上都有特別標明含酒，酒味同咖啡味濃郁得來又唔會搶咗彼此的味道，口感亦都好細滑😋…查看更多

唔知有冇人到咗夏天會冇咩胃口食嘢，prefer食啲感覺健康啲嘅嘢食👀今次路過旺角呢間小店，平日下晝都幾多人幫襯喎，價錢超級抵$60就有交易😧胡椒豬肚雞鍋 跟米線 $62一嚟到真係嚇親，成個鍋咁上，勁大份！湯底味道濃郁，豬肚爽口彈牙，雞係最驚喜嘅，估唔到可以嫩滑成咁😋除此之外，仲有好多配菜，包括蘿蔔、木耳等等。而米線係另上嘅，煮得啱啱好，滑得嚟唔會太硬或者太腍胡椒豬三鮮鍋 跟薯粉 $60湯底同好濃郁，豬三鮮分別係豬潤、豬粉腸同豬心，三樣都洗得好乾淨，食落唔會有異味。同埋又係勁足料，好似食極都食唔晒咁🤣薯粉方面都正正常常，煮得啱啱好，爽滑Q彈👍🏻香芹墨魚餅 $36墨魚餅炸得金黃酥脆，咬落去好彈牙😋點泰式辣醬食冇得彈…查看更多

近年好興一人燒肉，旺角呢間燒肉smile喺來自台灣嘅No.1燒肉店，價格豐儉由人，平日午餐低至$58！性價比超高！全店使用冷藏肉，肉質更鮮甜軟嫩多汁😁Smile盛合套餐 $138套餐內容豐富，除左肉之外亦包括湯、泡菜同飯，仲要唔係白飯咁簡單，有幾款可以揀，我揀左牛筋飯，食落好香口。而肉類就包括牛五花、牛橫膈膜、豚五花、鮮蝦、鮮魷魚、鱸魚，肉類色澤好靚，睇得出好新鮮，輕輕一燒就可以食，牛肉肉味濃郁、juicy，蝦同魷魚都好彈牙😋牛肉盛合套餐 $138套餐嘅配置一樣，肉類方面就包括牛五花、板腱牛排、牛橫膈膜、蔥鹽牛舌。牛舌厚薄適中，食落彈牙得來又唔會太韌，帶有微微嘅蔥味，我哋後尾食完亦都再散嗌多份牛舌😋雞松板 $38份量同味道都正正常常，雞肉嘅肉質幾滑嫩每日精選甜品 $10呢個甜品嘅下層有一層奶凍，個奶凍好好味，滑得來充滿奶香味，而上層就有一啲碎嘅刨冰，食完燒肉之後嗌返個都幾解膩…查看更多

原來喺台灣一年銷售900萬鍋嘅火鍋品牌—築間幸福鍋物開到黎香港，仲要佢哋嘅第一間海外分店😮地點喺旺角夠曬方便。平日午市嘅價錢好抵！主餐＋自助吧任食100分鐘最低$88起😍而套餐附湯底＋主食＋任食33款蔬食自助吧100分鐘＋飲料＋甜點$165起🤞🏻我地當然order咗最高價位嘅極奢套餐，每人都只係$279就可以任食100分鐘，呢個價錢就可以任食黑毛和牛😻而湯底方面係以一人一鍋嘅方式選擇，我地揀咗台式麻辣奶香鍋，同埋松露燦金雞湯。麻辣奶香鍋好有特色，喺經典嘅台式麻辣湯嘅基礎上多咗一層奶香味，兩者融合得好好，可能因為有奶嘅緣故令到食嘅時候食到麻辣嘅香但又唔會太辣👍🏻而松露雞湯都好驚喜，入面真係見到松露嘅蹤影😮松露味比比想像中更加出😍肉類方面，豬、牛、羊、雞、海鮮選擇都好多😆一睇肉類嘅色澤就知唔錯👍🏻食落的確高質，厚薄切得好適中，肉質嫩滑得黎肉味濃郁👍🏻海鮮都好高質，全部都大大隻，尤其是蝦🤞🏻而蔬菜同丸類就可以喺自助吧自取，選擇都好多，而且蔬菜望落都好新鮮👍🏻值得一提嘅係因為係台式火鍋店所以飲品都提供台式飲品😋我地試咗台式奶茶、冬瓜檸檬、鳳梨冰茶燈都唔錯噶，依家喺出面閒閒地買杯廢水都唔平，呢度可以任飲！甜品方面都好特別，有焦糖燉蛋、奶酪等等。推薦黑糖白玉奶酪，奶酪本身奶味濃郁之餘口感夠滑，而且仲有刨冰喺隔離解膩。…查看更多