今晚同朋友食飯，一行七人，行過呢度比間餐廳個名吸引，＂好兄弟＂，GOOD吖，就喺呢度食。睇完餐牌叫咗餸等上菜期間，老闆比咗我哋一人一碗蓮藕豬骨老火湯，好夠火喉。我哋叫咗兩隻蟹，一隻避風塘炒蟹，夠惹味；另一隻蛋白蒸蟹，蛋白好滑仲有陣陣花雕酒香，正～ 個人鍾意香口嘢，除咗避風塘炒蟹，仲叫咗避風塘雞中翼，好味，仲有其他避風塘系列，下次要試。除咗相入面嘅餸，我仲叫咗豉汁蒸倉魚，魚好新鮮，豉汁夠味，啲汁送飯一流。特別推薦佢啲炒菜，我哋叫咗芥蘭同西蘭花，覺得好夠鑊氣，老闆話一般街外炒菜會先飛水再炒，但佢哋就生炒，唔怪得咁正。仲有凍檸茶都唔可以錯過，好有茶味，檸檬同茶同糖水比例啱啱好，食完香口嘢飲杯凍檸茶真係一流享受。…查看更多
