cccnnnyyy的个人专页

呢度最有特色嘅就係佢嘅裝修好復古 周圍擺咗好多懷舊嘅擺設 雖然野食唔算超級特出 不過環境特別同埋坐得舒服今日試咗4個lunch set1. 茶燻雞佐烏龍茶漬飯 - 呢個係幾個set入面最好食 茶燻雞好香唔會燒到好乾 因為上一次食晚餐嘅時候叫過茶燻雞但就燒過龍 烏龍茶漬飯個人幾鐘意 因為好清新 2. 滷肉飯套餐 - 一般正常滷水味 個海帶幾好食夠入味 滷肉飯都幾大碗同埋食到底都仲有汁3. 麻醬麵套餐 - exactly 係腸粉嘅味道 如果自己一個食晒應該都幾膩 個餐仲有碗貢丸湯 試左一啖超級鹹:S4.紅燒牛肉麵 - 以普遍牛肉麵嘅價錢黎講佢算幾平 仲有三大舊牛腩 可惜 超 級 硬 佢d筋係完全未炆腍 最後放棄真係咬唔到我哋落完單食緊野嘅時候分別有兩個staff過嚟問咗我哋三次嗌咗d咩 最後忍唔住住問佢哋係咪漏單因為問咗好多次同埋個牛肉麵好耐都未到 佢先話係廚房漏單啊所以咪問你哋爭咩 不過可能lunch time比較繁忙所以有d甩漏 偶爾想同fd揾個環境好d嘅餐廳可以揀呢間 不過食物質素真係唔太高 同埋記得要訂枱如果唔係通常都無位…查看更多

聽講呢間係2020全球最佳漢堡 係中環怡和大廈個food hall 開左分店 今日lunch time就去咗試 我哋12:30pm去到 等左5-10分鐘就有位 三個人叫左兩個set加一個burger Cheese burger set $148 跟一個小食同野飲小食嗌左Tater Tots 同Chili fries (+30)薯條上面鋪滿左芝士同肉醬 不過有少少凍左 同埋肉醬偏乾身 薯寶就正正常常 都係暖暖哋唔夠熱 不過兩個份量超級多 加埋個burger食到好飽個burger望落唔算好大但食落好飽 最鐘意個包脆脆地加埋半溶嘅芝士 我個份嘅漢堡扒略嫌熟左少少 不過咬落唔柴仲好juicy 我fd個個就好粉嫩好少食到有唔好食嘅burger 呢個都算不錯 好食過幾間好出名嘅美式漢堡連鎖店 不過稱不上我食過最好食嘅漢堡~…查看更多

前排ig 見到好多呢間店嘅廣告講到好好食咁都想試下 趁佢開左業一排無咁多人就揾日lunch time去左 我哋walk in 12:30pm前去到唔洗等位就入得環境都幾大同幾靚 我哋四個人安排左張卡位好闊落 每個lunch set嘅擺盤都超靚 我哋叫咗四個唔同嘅lunch set1. 鰻魚蛋包飯定食 $136 - 鰻魚都算大塊 個蛋幾滑 同埋d飯好多 不過太淋 如果硬身d就好2.銀鱈魚西京燒定食 $162 - 銀鱈魚煎得啱啱好肉質幾滑 不過個汁甜得濟 擠多d檸檬汁中和返好食d3.腐皮御饍 $176 - 有choice A同B揀 我哋揀左B因為有左口魚！可能d人講得太誇張 食完覺得幾好食嘅不過無咁驚艷 蟹膏三文魚子d三文魚子有少少腥 左口魚最好食 拖羅蓉都ok4. 牛扒伴唐揚炸雞定食 $178 - 呢個set最抵食 一見到塊牛扒嚇親因為勁大塊 不過估唔到炸雞得兩舊 牛扒顏色睇落好粉嫩 但食落有dd硬 唔係柴嘅 調味都好食 每個set都有兩碟小菜 一碟炒菇同一碟魚糕 兩個都好食 炒菇好香牛油同黑椒味Lunch set計埋加一個人覺得少貴 未至於吸引到好想下次再食 不過野食同環境都靚 試下同打卡都ok…查看更多

食完晚飯諗住打食評先發現d食評好壞參半 不過個人覺得無d負評講到咁可怕😂 有d都ok 可能叫嘅野食唔同~先講嘢飲真係好一般 不過好彩唔太貴 1. 龍眼冰 $28 - 甜甜地嘅水加幾粒龍眼肉2.奶茶 $26 - 本身係叫泰式奶茶 而家睇返單先知落錯左 唔怪得一飲覺得似普通奶茶.. 奶味偏重 無咩茶味3.芒果沙冰 $38 - 好大杯 都有d芒果味不過係芒果糖漿嘅味道 算係呢幾杯野飲入面最好飲野食雖然無太大驚喜不過都幾抵食 全部都好大份1. 泰式炒通菜 $68 - 炒通菜最好食 豆板醬加辣椒 係食到有辣味嘅 仲有d辣椒粒幾好食2. 串燒拼盤 (大) $118 - 有豬牛雞各兩串加燒豬頸肉 串燒都一般 比較乾身同柴 豬頸肉就幾好食3. 泰式豬手 $128 - 好腍好腍 d肉同骨係完全分離嘅 無乜太特別4. 泰皇咖哩軟殼蟹 (4隻) $198 - 呢個好抵食 軟殼蟹好大隻 仲有蟹膏 又唔會有勁厚嘅炸粉 咖哩就普通 咸咸地點薄餅幾好食5. 鮮蝦炒金邊粉 $88 - 味道ok甜甜地 入面都有d急凍蝦同豆乾 超級大份 本身有蛋係面包住左都唔覺咁多 一撈勻就發現超多 最後食唔晒要打包6. 蒜蓉包 +$30/ 薄餅$38 - 兩樣都好食 蒜蓉包夠脆 不過無咩蒜味 薄餅最遲黎一上碟係熱辣辣嘅 表面仲有少少脆 環境方面我哋四個人坐卡位都幾舒服 我哋叫咁多野食張枱都夠位擺 其中一隻碗有污漬 不過又未到超級唔衞生嘅…查看更多

呢間任食火鍋已經食過好幾次 之前都想寫好評不過太懶無寫到 每次約fd係旺角想揀任食火鍋呢間一定係首選🌟 要記得提早訂位因為好full! 一開始店員好親切咁介紹湯底 佢推薦卜卜蜆煲 不過我哋想叫兩個湯底所以無試到 最後揀咗鴛鴦鍋+$20 好足料嘅湯底1.🍅蕃茄牛腩 - 幾濃郁 入面有新鮮蕃茄 薯仔 同好多舊牛腩2.🌶麻辣 - 無問我哋揀咩辣度 都好食嘅唔算太辣不過無咩麻味 入面仲有好多豬皮同豆卜 食物方面都好多選擇 有d其他店少見嘅食物 最推薦紫菜響鈴 我哋四個人total食左12個😂 仲有好多特色餃 試左黑松露蝦餃 韭菜餃同魚皮餃 每款都好大粒！丸類都有好多 最鐘意芝士墨魚丸 細細粒一咬入面真係有芝士噴出嚟 不過會辣親😂 每枱仲會送一個海鮮拼盆 有鮮蝦 帶子 魚片同蜆 d蜆好大粒 我食左兩三粒係甜嘅 不過fd話佢個粒有沙 服務方面都超好！除左一開始入門口reception 個位店員態度就一般 同我哋講嘢時語氣幾惡 之後有兩個fd填紙完紙仔無主動比返佢因為以為有人會黎收 點知佢行過黎點數個時發現佢哋無交就有少少大聲咁呼喝話要一入嚟就要交紙 但係其他店員都超級nice 上菜同收碟都勁快！尤其是有個年輕d嘅男職員見到我哋個枱嘅湯底未到 已經不停咁話唔好意思好快黎架喇 仲不時行過會望下我哋有咩需要 其他同事都有主動過黎收碟 服務態度好好🌟🌟…查看更多