貓仙人Winnie的个人专页

老老實實有咁好題材，認真做好食物不好嗎？好難回頭打手太勁，差評可以到Google 搵一星睇，個D才是真實，本身睇Menu 都覺得幾吸引，食完真係好差，呢個價錢CP值極低！$128 五香薰衣草乳鴿 | 職員一放低就話係八成熟既，其實外皮都好燶下，但入面有D位基本3成熟都唔知有冇? 完全咬唔開lol$148 立鱗燒馬頭魚，酸菜湯魚 | 湯凍囉大佬…………………$58 紅柳枝羊肉串 | 幾粒羊肉收$58 已經好進取，最慘係D羊肉醃死左，好難食$52 焦糖牛油粟米 | 咕嚕肉咁既做法，好油膩，條芯又係到，要吐返出黎？唔知點解要咁整法？$128 新鮮白鱔陳皮豆豉汁 | D鱔還好但完全同上面D配料亳無關係，唔知點解要放埋一齊$188 金不換蜆煲 | 仲話係特別菜單，蜆瘦$38 鹹蛋燒飯團 | D飯全黑 lol食炭，鹹蛋汁好溜$58 雞皮仙貝 | 呢個口感還好，但係冇味既隻乳鴿真經典，職員收碟時見到成大隻髀都咬唔開就照收，然後埋單先皮笑肉不笑地問今晚D野點，全部都差到一個點，真係講都廢事，冇下次！🏠店名：酒虎詩龍 Dionysus & Loong🚘地址：天后清風街3號地舖#天后 #天后美食…查看更多

生煎包無得輸 & 被耽誤的糖水 ❣呢間係形點既堅信號成日都要排長龍，今日行過下午茶時間唔洗排～ 即時衝入去食個Tea 先 🤣$49 老上海蔥油拌麵$68 上海排骨擔擔麵$37 堅信號生煎包 (4個)$10 灌湯小籠包 (2個)$10 加配手工冰粉$16 十勝紅豆燒仙草老老實實麵就無乜特別記憶點，不過生煎包真係招牌，皮薄又多汁，你要小心既只係太熱個時好易辣親🤣 同埋甜品又真係唔錯，甜度岩岩好，唔會太甜，份量都多！而價錢就好相宜既，不過櫈就有Ｄ硬唔算坐得好舒服，餐廳係行平民路線～ 會再幫襯❣🏠店名：堅信號上海生煎皇 (形點 II) 🚘地址：元朗朗日路8號形點 II L1樓A115a號舖…查看更多

最愛T300我最愛Tea WG既T300 鍚蘭烏瓦高地BOP紅茶，好香又夠茶味，雖然$48/杯都貴貴地，不過間中飲下都無妨！最好係會跟埋一枝糖可以調教甜度，同埋係玻璃吸管，感覺幾高級又環保，屋企已經收埋左幾枝～馬卡龍就未試過，因為個人不太喜歡馬卡龍，同埋都比較貴；今次見到最近流行的茶味小熊軟糖，下次再試～！店員服務就一般般正正常常咁，都會再幫襯既～🏠店名：Tea WG Boutique (海港城港威商場)🚘地址：尖沙咀廣東道3-27號海港城港威商場3樓3327號舖#尖沙咀 #尖沙咀美食…查看更多

唔錯星馬菜 ~其實好少機會食到星馬菜，見到海港城開左呢間Can Lah 就襯今晚去試下^.^環境都幾靚係落地大玻璃，隔離應該係同一集團既八一漁八~今次食左下面呢D ❣$88 沙律百花釀油條 | 幾特別出面脆卜卜，入面好彈牙，加埋D肉鬆口感好豐富$168 乾燒豬手鳳爪煲 | 麻麻地，燜得太淋又好鹹$178 亞參咖喱海斑配印度薄餅 | 超級多魚肉，印度薄餅就好似牛角酥咁，點埋咖哩好夾$138 馬來甘榜炒飯 | 會跟多串串燒，就咁食已經好夠味，點醬就太鹹～$58 楊枝雪糕椰子凍 | 好多層次又唔會太甜，好好味一定要試～$68 士多啤梨拿破崙 | 適合做生日小切餅，好鬆化總括黎講大部分菜式都有水準，甜品都好出色，環境唔錯適合慶祝～店員都好有禮貌 ❣ 會再幫襯～🏠店名：CaN LaH 🚘地址：尖沙咀廣東道3-27號海港城港威商場4樓4101號舖#尖沙咀 #尖沙咀美食…查看更多

我心目中既世一日式Lunch ❣一定係稻庭養助，以前食過紅磡個間，已經見到好多日本客人食就知咩料🤣一定係夠正宗先有咁多日本人食❣然後係尖沙咀發現有分店真係超開心，我一定要推介既係呢個$148 既特上便當午餐！因為呢個價錢佢已經有天婦羅、燒魚、刺身、網燒牛肉，有埋沙律、味噌湯同埋白飯，仲要全部都好有質素，食呢個餐已經好飽，但我每次都一定要加多個$15凍烏冬，佢個凍烏冬真係超級出色，又滑又爽，真係誰吃誰知道❤❤❤加埋一都係$180～～ CP 值好高❣🏠店名：稻庭養助 Inaniwa Yosuke🚘地址：尖沙咀北京道12A號太子集團中心17樓#尖沙咀 #尖沙咀美食…查看更多

日本FAT FAT 炸三文治 🤣做緊優惠~ 好抵 $8 就可以食到日本過江龍Age.3招牌鮮奶油炸三文治~ 每人限買2件，雖然只係$8 不過都好多料，咬開個時會有D奶油咇出黎 ~~ OK幾好食既，鮮奶油好滑好滑，不過一個人食完會有D滯滯地咁，亦都食到麵包有少少油益味~ 仲有一件我試過放入雪櫃第二日先食，我覺得雪凍好食過即食😎店舖係簡單裝修，不過有D懷疑如果長期做$8 優惠，仲會唔會有人食$38 UP 既款呢 ~ ? 題外話外賣仲會送個奶油三文治既萬字夾，都幾靚 XD！🏠店名：Age.3🚘地址：旺角太子道西193號MOKO新世紀廣場MTR樓M41號舖#旺角 #旺角美食…查看更多

服務一般 Hotel Icon Buffet💔以前好難訂位的Hotel Icon Buffet～ 宜家都變得容易訂位了，有時都係事出有因，主要係自助餐都唔係平，服務水平不夠，就好難怪人不留港消費 💔食品同飲品款式都多既，質素都ＯＫ但唔係話去到好好食個隻，甜品比較出色，見到一大碗榴槤蓉都幾開心既。然而服務員態度OK的，係燒蟹腳個廚師真係… 當時其實都係得三個人排隊，先生行開左想放低隻杯，咁岩岩好又排到我，廚師大大聲咁話兩份要再排過 😅 望下後面其實得一個人排緊，搞到好似我好貪心咁樣要拎兩份，廚師把聲又大當刻真係超尷尬 💔 你都可以話佢渣正黎做既，但我俾成$900 幾一位都唔係黎受氣的 ：（然後因為係週年記念有請餐廳幫我寫個甜品Happy Anniversary，黎到變左Happy Birthday 💔 … 真係有D 無言，今餐食得唔係好開心，所以短期都唔會再黎了…🏠店名：The Market🚘地址：尖沙咀科學館道17號唯港薈2樓#尖沙咀 # Hotel Icon …查看更多

日系の中目黑 ❣又到搵Lunch 時間~ 搵到呢間日式餐廳，位置都比較隱蔽，門口有一排清酒同一個大燈籠歡迎你！入面可以揀TATAMI 式座位，環境好日系～！有少少離開左香港既感覺！Lunch 都唔算太貴，$98 ~ $238 都係豐儉由人，出於唔好虐待自己既關係我決定揀個$218 究極の舟盛定食～定食包括炭燒咖啡或烏龍茶，有前菜、沙律、味噌湯、白飯、甜品～？！淨係見到個船仔既儀式感已經值回票價🤣 種類都好豐富，食物唔錯，刺身幾新鮮，炭燒咖啡超香！服務都幾好，會再黎Encore 🤣🌟🏠店名：なかめのてっぺんが中目黑🚘地址：尖沙咀彌敦道19-21號九龍酒店B3樓B3-01號舖#尖沙咀 #尖沙咀美食…查看更多

抵食午市韓國餐～同場9折🌟又係海港城搵野食，見到呢間雪下覓炙午市價錢幾抵，都係$88 起，門口職員好有禮貌，仲提我地同場有9折😎所以都好多人排隊！等左一陣可以入去啦，環境都幾闊落，坐得幾舒服～再望真D 個午餐牌仲要有飲品，仲要唔係D Hea 汽水，係有水果既梳打😎 加分加分，今日叫左部對鍋拉麵再加個牛肉韓式飯捲，等多一陣原來仲有五款韓式前菜送，食完真係飽到反轉 🤣 野食都唔錯！下次再幫襯❣❣🏠店名：雪下覓炙 SEOLHAMYEOK🚘地址：尖沙咀廣東道3-27號海港城海運大廈地下OT G47-48號舖#尖沙咀 #尖沙咀美食…查看更多

真係唔知由邊到開始吐槽 💔食生日飯，睇Openrice 個時發現左呢間少見既海洋館餐廳，其實餐廳概念係幾好，但係其他方面配合唔到硬件基本上係扣哂分，真係唔知由邊到開始吐槽 💔1.首先餐牌定價已經係陷阱題，如果你係兩個人Share一個餐然後+主食就要留意，4-Course 主菜中間揀香煎斧頭豬扒既話另外要加$68，另外加個意粉就係$298 ($688+$68+$298 = $1054)，但如果你4-Course 主菜中間揀意粉另外加香煎斧頭豬扒既話，就變左($688+$398 = $1086)，爭左$32，然後當你個一刻唔清醒，侍應就會話其實差唔多，然後幫你落個貴既 🤣 差唔多，你幫我比嗎 ? 2.無tag water 提供，一定要飲收費水；3.落漏單，冇點人頭有幾多個主菜，追左兩次差唔多收工先補返入單，餓到就快暈；4.香煎斧頭豬扒兩份都唔熟，換完餐就變左件迷你豬喇，因為大件難熟丫嘛；5.餐廳環境係昏暗，食食下檯頭枝燈又愈黎愈暗，乜都睇唔到咁滯，叫侍應幫手換，又淨係換一枝，要叫幾次先幫你換哂正常既燈；6.主菜未上齊，已經熄哂水母館D 燈趕客啦 🤣 宜家又唔係我唔想走，你D 野都未上齊，做咩啫🤣 🤣 🤣😎 食左$700/位，一流環境同價錢，九流服務，食品質素一般，食完都唔飽，如果想生日都又餓又激氣既話就去試下啦…🏠店名：Cube O - Journey with Seajellies 🚘地址：荃灣楊屋道88號Plaza 88 8樓#荃灣…查看更多

難得入圍方圍方開左咁耐，終於有機會入黎食下野行下街～今日試下呢間美中·鴨子，望真Ｄ原來係美心集團既～入到門口職員都好有禮貌咁同我地打招呼同帶位，餐廳環境好闊落同裝修得好靚😎 餐具又好精緻，唔算太多客人可以慢慢坐呢🌟小炒孜然羊肉 | D 羊肉好大件，有D韌🌟金湯酸菜魚 | 食極都仲有，又幾抵食 🤣🌟鹽水鴨 | 有D鹹，口感唔夠嫩滑🌟 紅米炒飯 | 呢個好好食 😎 合桃炒得脆脆食品黎講中規中矩啦，價錢中等，坐得都舒服既，感覺都好岩一家人或者商務人士坐低食飯傾計～～🏠店名：美中·鴨子 M&C‧DUCK🚘地址：大圍車公廟路18號圍方5樓501號舖#大圍 #大圍美食…查看更多

儀式感日式燒鳥，但燒鳥質素不太穩定～自從上次食左串亭之後，發現隔離呢間燒鳥 Tsukada都係同一間集團而又係日本師傅主理，襯住生日迫左先生黎同我食 🤣 一路都有客人入黎，相信應該訂會位會好D，而呢到亦可以點到隔離既串揚食品～可以望住日本師傅煮食，據稱係由炭爐燒！而廚房亦有塊牌仔介紹今日既師傅，分別係吉田師傅同山口師傅。今次叫左$698 Omakase 套餐，當你點完套餐師傳會執好一盤肉然後介紹，幾有儀式感！之後就一路食前菜一路等串燒啦，一路食就前半部份其實都可以既，肉係燒到岩岩好，但係串燒整體都係比較淡味，而客人檯前面只係有一味粉同七味粉定山椒粉，無得加鹽…去到後期開始汁燒，汁燒既又全部好鹹😅後尾走既時候經理派卡片，見到原來係塚田農場既集團，就唔知點解扣哂分了 🤣😅一開始塚田農場岩岩係香港開其實我都間中幫襯，但到後期變得好難食。雖然同一集團但串亭我覺得唔錯，串燒就唔係好穩定，所以今餐都有少少失望～～🏠店名：燒鳥 Tsukada 🚘地址：尖沙咀堪富利士道8號格蘭中心地下01-03號舖#尖沙咀 #尖沙咀美食…查看更多

婚宴靚景場，午餐抵食～又到唔知食咩Lunch 既時間，上網搵到呢間The Glam 環境好似唔錯！咁就訂位試下了，The One 20樓全層都係餐廳範圍，一出𨋢就見到了，環境好靚好田園風，睇得出係婚宴場地，樓底好高，仲有城景又見到少少海景咁～Set Lunch $178 up，包左湯/沙律同甜品、飲品都OK啊。今次揀左Set Lunch $278慢煮頂級封門柳、薯條、紅酒汁，前菜方面揀左意式海鮮沙律，甜品揀左Tiramisu 同咖啡，餐包係比較少見既朱古力牛角酥，味道都唔錯，沙律有好多海鮮係到！封門柳份量唔算大，不過好有肉味，Tiramisu就比較甜既，食完成個餐都好飽下～～ 質素都係中上的！晚餐立下眼望好似$500左右就唔算平，不過午餐係呢個環境我覺得幾抵！🏠店名：The Glam 🚘地址：尖沙咀彌敦道100號The ONE 20樓#尖沙咀 #尖沙咀美食…查看更多

全港最難買的蛋卷手信?聽聞係全港最難買的蛋卷手信? 皆因佢一星期只開兩三日舖，早左賣哂就無～ 亦唔接網上訂單，只能排隊購買，而且每人亦係限買兩罐🤣 今日一場黎到就即時買左兩罐試下先！我係工作日上午11:00左右，幸運地只係排幾個人就買到價錢唔平，可能因為是人手特制？🌟 $125 家鄉雞蛋卷 (400g)🌟 $130 鮮牛油蛋卷 (400g)試左兩隻味，老公話鮮牛油蛋卷係兒時既味道，我無乜特別感覺，不過都認同鮮牛油係好香牛油同蛋味，不過我就唔係好食得出同普通蛋卷既分別？同埋都比較多油，入面張牛油紙都好多油，為左健康著想都唔好食太多了～🏠店名：德成號🚘地址：北角渣華道64號地舖#北角 #北角美食…查看更多

入味滷味店～平時係元朗滷味淨係會食肥平平，不過今日晏左肥平平已經關門了～ 係附近轉兩個圈睇睇有咩食先～？呢間新潮豐潮汕滷味專門店其實都係元朗開左好耐，仲有得賣就等我試下先！老闆都幾熱情招呼你入去，不過臨收工已經無太多野賣，今次淨係買左鵝翼，等左十分鐘左右啦，啲翼唔算好大隻，好入味既，覺得有點鹹左，好在今日係送啤酒啫～個人都係鐘意肥平平，重口味既朋友可以試下呢間～🏠店名：新潮豐潮汕滷味專門店🚘地址：元朗阜財街宏豐大廈18號#元朗 #元朗美食…查看更多