Tabb的個人專頁

大坑tipsy , 早前食過已經返尋味。 現在罕見抗疫半價優惠， 雖然有優惠，但絕對冇馬虎， 同樣比到食客高質高級享受。 Sea urchin pasta 必點！ 呢個意粉個人認為係必點，啖啖超濃郁海膽味，意粉al dente! 泡泡係fennel ,賣相一流， 重點係超級無敵咁好味， 再幫襯一定因為佢！ M6 ribeyes (medium rare)呢塊和牛一啲都唔油膩， 係月半肥瘦 ， 帶濃濃肉香， 師傅功架好， 燒得到位！ Beef tongue salad 唔知係咪和牛條牛脷， 特別鬆化！ Taro chips 配 牛油果醬 送啤酒一流呀 ， 睇到餐廳有心機，唔係用一般現成貨黎serve。芋頭片好脆口，但略嫌多左少少油。 Hk yau draught beer 香港人梗係飲香港友 啤 。應該係香港製造🧐環境寬躺舒適光猛，鍾意嘅仲可以坐室外chill。 下次再encore …查看更多

疫症肆虐， 出街食飯都要諗過計過， 最好就去有露天或對街或有得隔離面壁既餐廳 。 仲要最好平時多人食要排隊既餐廳。 最後㨂左灣仔pici ！ 嗰日餐廳 都full House， 已安排我哋可以坐偏僻嘅吧枱。 所有員工都有戴口罩， 感覺安心。 我哋揀咗Testing Menu，$290 per person ，我哋兩個人，有兩個頭盤，三個意粉，兩個甜品。 仲要免收加一。 頭盤我哋叫咗個 cold cuts , 同radicchio salad 。 pama ham , 好軟熟， 好有咸香， 鐘意 ～ 沙律 dressing olive oil 同埋醋, 冇乜特別，但勝在用料夠新鮮。 而且份量足。 麵包係送嘅， 用嚟送ham 都唔錯。 叫咗杯cocktails ， 就有點清水似的。 意粉叫咗三個有黑松露， pappardelle 同 ravioli. 三個都係手工意粉，意粉好彈牙， 好有蛋香味， 個味道其實有啲似粗麵， 淡淡的， 同平時食開嘅意粉好唔同。黑松露份量勁多而且係切片上， 好香～ Pappardelle 就係意粉配上香濃嘅燉牛肉～ Ravioli入邊係三文魚芝士餡， 呢個比較啱重口味嘅朋友， 我就覺得有啲偏鹹。 甜品係Tiramisu 同panna cotta Tiramisu 食到令人有幸福嘅感覺呢個一定要試， 真係一定要試。 panna cotta 其實都好好味不過真係唔夠tiramisu好味…查看更多

一切由打風開始， 颱風山竹既時候，ig 官網既一幅圖令到我覺得呢間cafe 真係充滿住創意同藝術。等我親身去體驗一下佢地既藝術。 不得不試既絕對係龍蝦🦞意粉！ 完來唔係淨係Mrs.689 先識得龍蝦既藝術。 呢度個🦞意粉仲真係會砌返個蝦頭比你， 用意粉卷返個蝦身，美中不足既係差左個蝦尾， 就等我發揮少少藝術天份用小畫家補返。龍蝦汁好濃， 濃得黎又唔會有苦澀味， 個汁岩岩好痴住每一條意粉。 意粉口感是QQ的 。 反轉蝦頭仲有蝦膏。OMG . 好想再食。 是日晚餐set , medium rare 牛扒。 牛扒反而冇咩特別。 驚喜的是放係牛扒上面的原個焗蒜蓉。粒粒都好甜好多汁， 但女士們留意你個伴食唔食蒜，皆因蒜香味撲鼻，一講野就出事🤣間野叫coffee 當然要試下。 天氣好熱就叫唔到 special print coffee 。分別叫左iced lychee coffee & iced mocha 。 ummm 都係龍蝦意粉開心d …查看更多

事情是咁的， 我地一行三人諗住食餐好， 見PMQ taste kitchen 好特別就於是book 位食lunch .. 餐廳staff 仲電話回覆左confirmed 我地今日既booking .. 今日夏日炎炎烈日當空之日我地身水身汗去到PMQ 竟然成間餐廳門都冇開， 電話又冇人應！！！ 今時今日咁既服務係唔得既， 其實你地餐廳有事都可以打個電話通知聲. 唔洗我地白行一湯. 真係好失望. …查看更多

自好幾年前幫襯過在太子的牧羊少年， 一直都係牧少的愛好者， 但自上一次食完葵芳牧羊少年，失望又勞氣後就冇再幫襯。 今次係K11 我地又巧遇， 決定食多次呢位少年。 環境好舒適， 鋪位細但有空間感， 唔會同隔離枱靠得太近太迫。 👍🏻Menu 簡潔俐落， 款式都唔少， 有一整頁的創意咖啡， 全部都好有心思得黎，仲要全部都好似不錯喝～ 可惜個日我不能喝太甜， 創啡又唔可以少甜， 只好叫杯普通啡先， 下次試iced plum wine coffee or banana paradise 先見到個紅菜頭葡萄藜麥沙拉唔錯， 就叫佢～ 一上枱， 真心驚喜左一下， 好大碟！ 我不嬲可以食勁多菜， 但呢碟沙拉，我真係飽住爬多2 啖先食得晒， 性價比高！ 希望往後一直保持水準同份量啦！ 再黎黑糖拿鐵 少甜， 唔該～ 杯咖啡真係好香濃， 比出面其他地方飲既厚身一點～ 咖啡味比黑糖味濃， 比例做得好好！ 拉花又靚， 個咖啡師其實都幾靚， 靚人沖靚咖啡～ 我會再黎的牧羊少年…查看更多

係西環, 想搵個地方坐低傾傾個歐洲之旅。 緊係搵間歐洲風一點。 Winstons coffee岩晒心水。 地方小小， 座位不是好多， 我地都係門口等左一陣。 座位唔係太舒服， 但格調一流， 我地坐鋪尾位， 岩岩見到出面既公園景， privacy 感高， 同朋友自成一角。 雖然係bar 枱， 但有腰骨既人絕對唔係問題， cafe 裏唔會太嘈， 我地都傾得好舒暢。 叫左二杯cappuccino , 一份三文治。 呢款三文治出面比較少見， pesto avocado cheese sandwich. 係用sourdough ! 😍我的最愛。 pesto 份量就比較少， 可能成本較高， 但應該唔係用現成樽裝， 仲有夾住新鮮basil ,有啖啖新鮮basil 味。 avocado 醬份量都足但就被pesto 蓋過. cheese 都有4 片小小的， 但個人覺得都夠足料。 咖啡espresso 底味道比較普通， 迎合大部份人嘅口味，奶打得十分之滑，可惜整杯咖啡唔夠熱， 溫度係微溫偏涼，如果再熱啲杯咖啡一定再好飲D . 拉花好靚好鮮明！ 🤣 同一個花紋，我朋友的明明冇事， 但我個杯就勁似器官， 🤣 係咪有暗示， 🤣🤣🤣…查看更多

兩姐妹又出街搵食。 經過呢間彩色餃子，又記得某雜誌介紹過，就入去試吓。雖然佢有一大個櫥窗等人望到彩色餃子嘅製作， 但其實個鋪位都幾唔顯眼。 入到去得一兩枱人仔， 以為今次中伏了。 好彩唔係。 我地輕輕點左三樣， 七彩餃子， 雞絲粉皮同埋去濕薏米檸檬水。 七彩餃子顏色真係幾靚幾鮮艷， 五種顏色黑，白，黃，綠，紅，五款唔同味嘅餃子。餃子皮值得一讚夠晒煙銀。黑色係元貝海鮮味，元貝味好出！白色係剁椒魚餃， 呢個以為會有香辣味， 點知其實好似普通餃子皮包住魚皮餃個餡咁。 黃色係香菇豬肉， 呢個最普通，香菇又唔夠香菇味。紅色係蕃茄牛肉，呢個唔夠元朗梁記好食，如果多啲蕃茄粒同蕃茄味會開心啲。 綠色係韭菜蛋蝦，韭菜味好香又夠多。 餃子會跟埋餃子汁，個餃子汁係幾升華餃子嘅味道，但食完隔左一日， 成個口都仲聞到蒜蓉味🤣。跟餃子嘅湯個人就覺得冇咩特別。雞絲粉皮反而好有驚喜！ 雞肉同蔬菜都算多。粉皮可惜唔係我鐘意食既透明版，係薄河粉版。 嗰醬汁唔係芝麻醬汁係豉油底蒜蓉香蔥芫荽調味， 鹹就鹹咗小小， 但係好味道。 檸檬薏米水勁足料！ 煲到出晒味又唔會有一陣苦澀味，春天飲黎去濕啱晒！ 呢杯嘢飲真係必叫！ 呢間位於灣仔嘅餃子都真係值得一試～ …查看更多

一行好朋友食完飯打算搵個地方坐低吹吹風吹吹水^_^ 原先去左另一間飲手工啤酒， 點知坐低左先知間野冇左酒牌😑就係咁既機緣巧合下我地試左WTF ! 一試就愛上呢個地方😍 我地一入門口就被熱情款待。WTF主要係飲cocktail, gin & tonic 😋 個menu 花多眼亂， 杯杯都好似唔錯咁， 最終bartender 忍唔住過黎重點推薦. 杯杯都好好飲之餘仲好多生果， 直情成個果盤係頂咁。 第一杯He love me , He love me not。 應該係新drink . 個名好冧豬， 但由一位男朋友點， 男bartender 送上。 成件事都幾he he 🤣淡淡的earl grey 味， 又靚又好飲襯晒我個男仔朋友啦杯野！ 第二杯我的London to Tokyo , sake + gin +cucumber +yuzu n apple juice , 呢個組合so fresh ！ 酒精味一點都唔重， yuzu n apple 味多d 鐘意fresh 感重d 既人一定要試呢杯。 但個杯就有d 唔襯， 似something tropical 🏝 多過London tokyo ， 但以一個mug既份量咁上真係好抵飲， 老細仲問我地覺得點, 我話need sth more , 佢仲豪氣咁上左杯vodka, 之後仲有彩蛋第三杯 silky road 呢杯簡單d passion fruit 既味道第四杯pink diamond , 都係比較簡單peach 🍑 味道 。 Cocktails 好飲之餘， 仲要有唱得好好聽， 令人聽出耳油既live solo. 可惜我之後都要返工要早走， 如果唔係一定聽耐d ! 老闆仲唔捨得我地， 請我地飲杯tequila shot。 好高興😍不醉無歸👍🏻老闆一定係好意想我有藉口射波唔返工。 一於下次再去！ …查看更多

為食朋友前前後後提過數次， 力推松茸餃。 今次終於黎試， 一入門口見坐無虛席， 都知一定係好野。 一黎就叫左 <龍鳯松茸雙灼餃> 配狀元九鼎湯， 個松露味係幾突出， 個餃餡係又多， 係好味既！ 但重頭戲都係後面的韮菜餃🥰韮菜超級多， 好香好新鮮，一啖落口就成口充滿韮菜味， 鐘意食韮菜既朋友一定要試！ 唔鐘意既食隔離雙併既元貝豬肉， 但元貝其實唔係好夾， 怪怪的， 但都可以一試！ 超級最好味推介既係 ～ 芫茜豬肉餃！！唔鐘意食芫茜既朋友唔洗驚， 因為我可以幫你食晒。 芫茜味冇得輸, 出面好少有得食， 豬肉變左大配角只係負責痴住d 芫茜， 好好味， 必試！ 小食麵食就普通野， 黃金皮蛋其實同其他黑色皮蛋冇咩大分別。 木耳調味都好普通。 麵就真係一個麵 咁。 …查看更多

是日人日，生日快樂， 約埋去Blue Butcher 食塊Tomahawk steak! Blue.Butcher x E字頭 app 推出超值優惠， 使用e 字頭app 訂坐有高至30%-50% 的優惠。 訂座時間日子選擇多， 又不限信用卡咭， 要注意的是飲品是沒有折扣優惠的噢。 開返支紅酒慶祝一下， 店員十分有心的推介， 跟所有食物都十分配搭～ 價錢又不昂貴 。 主角斧頭扒出場！ 即叫即揀即煮！ 選了medium rare 雖然等了15-20 分鐘， 但絕對值得， 不同部位的斧頭扒有不同口感和味道。 最頂肉味最濃。 中間最嫩最juicy 。 底部帶焦最香口。 脂肪酥香而不膩， 入口即溶。 真的十分回味。 配上了牛骨髓， 口感滑溜溜， 濃濃的牛酥香！ 好像超濃味牛油般. 再值得一讚是薯條， 條條新鮮條條脆口！ 甜品時間店員推薦 blue lagoon. 其實是火焰雪山， 上枱時會淋上rum 酒點火， 好有兒時回憶， 雪山裏是椰子雪糕和雜果， 山腳是脆脆 。 好味。 好滿足的一個人人生日飯…查看更多

週末上環絕對是好去處， 咖啡小店特別多。 是但都會搵到一間好店。 今次黎到common ground ( 名字對我來說有點難記 🤔） 周邊環境帶著濃厚老香港風情， 樓上綠色玻璃窗， 對面小小大排擋式的茶記， 還有老闆善用鋪外的長樓梯做特色咖啡席 ，加上鋪頭位置， 令人滿放鬆悠閒的。 可惜外面坐席已滿， 我地坐店內， 也不礙事。 Menu 精而簡， 冇花巧。 Cappuccino x 2 杯， avocado toast and Beef burger 配 chips with truffle mousse . 全部有樣有份量又好味道。 Cappuccino 用小巧玻璃杯上， 個人偏愛陶瓷杯， 因玻璃杯不太保溫，但上枱時咖啡夠熱， 只是要喝得要夠快。 咖啡味道有自家特色，帶果味， 少少酸， 好香， 但奶再滑一點點就更好。 牛油果多士， 是一整個牛油果的！ 簡約的放在sourdough 上加了cheese , lemon zest and dill . 牛油果質量好，又新鮮， 食落好清新的。 再來beef burger 🍔 , patty 夠厚又juicy , 配料又多。 hot chips 真是熱的， 鐘意truffles 既朋友唔好錯過佢地個truffle mousse 夠晒truffle 味…查看更多

貨真價實！ 真係冇改錯名， 確實啖啖燕窩～ 話說一家人團年飯想豪一豪，賀一賀佢！ 係 IG 見到啖啖推出套餐優惠， 平均$600-800 既價錢， 就有一樽1060ml 大燕窩 搭 一樽大1060ml桃膠/ 雪燕/ 花膠 , 價位係有d 豪氣得黎但又 負擔得起 ， 今次試埋，真心覺得 買去拜訪 未來奶奶或未來外母絕對 合長輩心意，大方得體， 之餘自己又有得食好西～ 我今次係訂單家中收貨。 啖啖whatsapp msg 回應得極為快速， 基本上一問就有人回覆， 仲有今日訂明天發貨的承諾。 好趕既話仲有得商量。 係有heart 既套餐花多眼亂， 無限配搭下。 我今次首選套餐三 招牌椰汁燉燕窩（大）+ 北海道3.6 牛奶杞子紅棗燉花膠（大）= $860。 又燕窩又花膠今次真係好補。我前後揀左一粒鐘先決定到， 皆因啖啖既套餐組合真係好多， 款式又多， 淨係揀燕窩都要諗半粒鐘 啦。 送貨的又準時又快， 仲跟埋個保溫袋比你。 打開隔住個樽都見到好足料 。 眼見好似好細樽， 但真係足足夠分到 5 個大飯碗的份量！ 童叟無欺～ 招牌椰汁燉燕窩。 一羹落去就見到燕窩一絲絲，燕窩份量超多， 你想要淨椰汁都幾難。 甜度適中， 做到少少甜多多椰香味。 椰汁稀杰適中， 岩岩包住每條燕窩。分到5 半碗仲有得做埋年年有餘， 每人再分半碗。好意頭！ 北海道3.6牛奶杞子紅棗燉花膠。 第一次食甜味燉花膠， 一開蓋聞落有點腥腥。 但見牛奶燉到帶花膠黃色， 仲要係變左jelly 咁， 可想像到幾足骨膠原。 跟住教學，慢火加熱。食落完全冇腥味。有成5 舊大花膠。紅棗超大粒超甜， 杞子就略嫌少左d 。啖啖黏住個咀仔， 精華係個3.6奶度， 飲落奶香帶有紅棗甜花膠膠。 又好味又補身， 送禮自用冇得彈。 …查看更多

Bakehouse 絕對強烈推薦！ cp 值奇高， 絕佳的味道，一般的價錢。 每次去人龍都出現。 今日weekend 排15-20 分鐘， 即有靚仔waiter serves 。 Avocado 🥑 toast with poached egg 自家制的 Sourdough toast 烘得脆脆。加上應該有一個份量的牛油果蓉，牛油果調味豐富, taste like guacamole, 帶點點酸的配搭，味道極之清新。 Poached egg 暖暖蛋黃流心配上 hollandaise sauce ， chives 一絕！ 人間美食！encore 菜式！ Bakehouse cubano : pulled pork 🐖 , cheese 🧀 , ham , pickles, mustard. 烘得香脆的多士， 滿多内餡的， 重口味人士一定鐘意。 必食新鮮scone with cream & jam Scone 有plain and raisin , plain 是我最愛的。 滿滿的蛋奶香， 表面香脆，入口鬆化， 又不會乾口。 配上鮮奶油 和 有果粒的鮮果醬 。 叫人再三回味！ Cappuccino and mocha Cappuccino 咖啡幼滑， 比較奶香。 Mocha 朱古力味十足！ …查看更多

大範圍露天咖啡茶座在寸金尺土的香港來說真是罕見。 坐在露天位置聞著嘆著咖啡的香醇，真是別有一番風味的（個人覺得，雖然總會遇到在旁吹煙的人）。 Hazel & Hershey 門面靚靚， 仲有咖啡工具賣， 愛咖啡人士一定鐘意。 Cappuccino (white) 有2，4，5，10oz 既選擇，但無論任何size 都只得一 shot coffee ， 喜歡濃味朋友可加$5 加extra shot。 試了2 shot 的其實咖啡味又太苦。 1 shot 的咖啡味又嫌唔夠。 口感滑， 拉花都靚。 咖啡中規中矩，但在露天茶座的映襯下變得好好飲。Avocado 🥑 tomato 🍅 bacon 🥓 cheese 🧀 sandwich 🥪 。 雖然$70。足料。絕對真材實料。 牛油果多得快滿瀉。蕃茄厚切。啖啖煙肉和芝士。 麵包烘得十分脆口。 最後一提的是如果服務能再好一點。那就太好了。 …查看更多

小妹最愛炸豬扒， 每隔一陣子就要食下豬扒飯或麵頂頂癮。 以前住元朗好鐘意在巴士站的紫荊江南或梁記。 現在銅鑼灣，我最愛炊豕屋！❤️不論平日或假日， 一到食飯時段就會出現人龍。 鋪面只能容納十多人， 但食好西要等是常識吧😭是值得的💪🏻豬扒超厚超級大塊的。 醃得入味。 味道又特別。 煎炸得鬆脆。加上肉燥，真係好好好好味。 配埋大大碗飯底～ 真的滿足得很！ 另外叫了一客炸魷魚鬚。 我們更以秒速KO ! 炸得香！脆！魷魚又新鮮🤩…查看更多