chenryhang的个人专页

呢間餐廳環境幾好，不過梳化位有污積未抹走，定係抹完未乾？食物份糧唔錯，唔係細細份。不過所有菜式都係偏咸，本人覺得係極咸，仲要樣樣都咸。無叫飲品就出左事 ... 最失色係蝦餅，唔係蝦餅，係膏餅。無蝦味，好似食緊煎膏餅咁。所以無食晒 ...當晚用餐：特式綜合牛肉湯檬粉，街頭香芧牛肉飯，馬拉盞通菜，越式炸蝦餅特色茶餐廳，價錢略為偏高 ... 太咸了…查看更多

食過台灣馬辣，所以就試下呢間，不過唔知佢係唔係台灣馬辣？定只係抄人地個名？鍋底叫到大辣，都只係得少辣。味道同台灣馬辣差好遠...上菜速度一般，要等，所以食一半要即叫，等住上菜。牛肉任食黎講，唔可以有期望。其他食物鮮味都無期望。問服務員攞野，等半個鐘都未有 ...最衰係個啤酒任飲，俾個細杯你任飲 ... 個杯咁細，飲開啤酒既人，願意係個場內走幾多轉 ? 問服務員有無大杯，無！咁不如正正經經限量，用個大杯斟俾人。我只係聯想到周星星電影先有呢 D 橋段 ... …查看更多

好耐之前，因為餸太少，所以無幫襯一段時間。見重新大裝修之後，咁啱經過，幫襯下。地方，佢一向企理乾淨，讚！不過，新裝之後，個位窄左好多 ...疫情期間，卡位半張枱，坐直，都唔可以正常舉手，係枱面玩電話 ...  ... 居然 ? !叫左個 "什果咕嚕雞肉飯" ... 黎到，變左 "無什果咕嚕雞粒仔飯" ... 其實味道係 OK 的 .... 張相望落好似可以，其實真係食唔飽 ... 雖然食量無得比較 ...我忘記用支匙做對比，不過用飯粒黎做比例就知雞粒係細細粒 ...如果要食晒 d 飯，只可以用汁撈 ... 叫凍奶茶少少甜，就不計成本，好鬼甜 ...例湯幾好飲的 ... 整體黎講，真係少少失望 ... :)隔離間野都賣緊 $28 二餸飯，大大碟，雖然人地無堂食 ...另一邊都一連串幾間餐廳，都無咁少餸 ...又雖然生意難做，但都唔好咁細粒 ... 我諗，呢次真係應該 ... 唔敢再回頭了 ... …查看更多

世界杯總決賽, 滿懷歡喜去搵個地方一齊睇波, 高興下,搵左呢間西式餐廳酒吧. 雖然有最低消費, 正常.去到見到無咩人, 餐廳又開得一半,  心諗大鑊, 一定無氣氛, 不過呢 d 位置都可以既, 唔可以要求咁高.1) 最估唔到既係餐廳內其中一部電視十分矇, 克羅地亞球員, 格仔衫, 矇到好似打左馬賽克. 反而投射電視就十分清楚. 應該係電視機問題.成場波睇到好攰 .. 眼都花埋 ...2) 球賽完場後, 啤酒幾杯未飲完, 就被要求離開. 其實我地唔介意盡快離開, 但球賽完場, 餐廳都應該俾多少少時間,等顧客食完野先走掛? 戲院散場趕客走咩? 其實由一開始既想轉位, 到最後想坐多陣, 著住類似經理服裝既人,都無理過, 關門果陣仲要唔見左, 得返 d Waiter, 我都明白 Waiter 未必話到事, 咁既服務 ... 真係食飯都唔好去!最後公道少少, 食物係可以的.…查看更多

幫襯左呢間野都好多年, 但份量越黎越少,以前大大碗, 雖然叫既餸, 都唔會特別多, 但我一般叫三餸, 最少加埋菜類打底等等, 塞滿一碗.幾個月前已經係咁, 諗住俾多次機會佢, 但呢次仍然係咁, 我都明白而家搵食難, 但佢既外賣碗, 已經比以前細左, 三餸都只係俾得半碗你, 實在無言. 我想話我唔大食, 仲要 70% 飽已經 OK, 但呢個份量, 真係無一半飽都無. 食完要再搵野食.睇相都見到 d 餸係 BB 份量, 一小撮. 或者咁講, 啱女仕們食, 男仕一定要叫其他野,然後, 出去再搵野食.側邊睇就見到係半碗份量.我係打開蓋影的, 我未開始食架. 雖然佢味道 OK, 晚餐計, 佢又未算貴 ...但附近咁多選擇, 譚仔同樣價錢, 我已經飽凸.所以, 我決定唔會再俾機會佢. 我好少堂食, 唔知堂食份量係咪會大返 d ...…查看更多

讚 :- 有人示範, 即場煮蜆, 幾特別, 蜆算大大隻- 服務都比較主動幫手, 可能當晚只係一半滿彈 :- 整體黎講都係偏貴- 小食類都係細細碟, 幾啖無晒- 腐竹呢類疏菜真係超貴, 一個碟仔, 菜底仲要一堆椰菜 "朗" 起疏菜- 肉類比較好睇, 不過只係碟大 ... 算啦 ... 度度食都係咁- 叫左幾款牛, 得一款有牛肉味- 大部份肉類丸類都未解冰- 只收現金, 一班人食飯, 無得碌咭唔方便…查看更多

好耐未食過食神套餐了. 凍飲有咁多冰得咁多冰.食完餐飯, d 冰未溶過咁濟. 證明冰夠凍.本來想影相, 算啦.干牛河就係得睇見呢3件半肉, 背後, 底, 全部都係河粉.但最大舊果舊, 係咬唔開, 又唔似係牛肉. 唔敢食.以前都唔係咁架, 雖然係下午茶餐,  唔係正餐.附近咁多野食, 又唔係平過人, 唔敢再去了 …查看更多

好耐無食過馬德里 , 諗住再試下, 唔駛等就搵到位.叫左個黑椒牛肉炒公仔麵, 份量細  , 不過都唔係最大問題, 好食就得啦.點知 ... 咸到九彩, 咸到係無飲品, 絕對食唔落 ... 但飲品又遲遲未上, 追左二次先上飲品 ... 短期內唔敢再去了 …查看更多

新裝修大家樂, 格局唔同晒.外賣干炒牛河, 點知搵晒全盒, 只得 2 片牛肉? 又無味, 好在仲有少少芽菜, 九黃 ... 爭 d 想成盒唔要 Lunch 淨食炒河粉, 雖然職員效率快. 但係 ...不如去食茶記早餐, 或者麥記都無咁嬲! 激死!可能另一盒有好多件. 希望下次分牛河既師傅, 分得好 d ...…查看更多

茶餐廳黎講, 不過不失. 24小時營業真係極度方便. 我點左份干炒牛河, 加杯凍奶茶少甜. 牛肉經過處理, 好淋. 味道合格. 美中不足係配料唔多, 同埋有 d 油膩. 不過用餐環境, 一直都咁差,   每次去, 地下都好多垃圾, 又唔打掃... 今日經過附近食野, 想去既茶記仲未開, 咁就再試德豐. 呢頭點完餐, 果頭好似踩到野, 望下地下... 一堆滑"生生" 既垃圾... 真係好想即刻走... 希望店舖認真改善下環境...  …查看更多

呢日去食午餐 , 因為一段時間無去 N1 , 所以就去下 . 其實呢間餐廳俾我感覺係環境幾好 , 菜式選擇多 , 但上菜慢 , 好多時飯菜都唔夠熱 , 食物質素麻麻 . 不過 , 位於工廠區 , 以套餐價錢黎講 , 算係咁上下啦 . 可以間中試下 ...今次叫左個海南雞飯 , 等左好耐都無上 , 唔知係咪因為成間餐廳得果 3, 4 個人寫單, 落單, 所以落唔切? 唔知廚房又有幾多人工作? 我同事都差唔多食完, 我三吹四請, 先上左我叫既海南雞飯.講返主菜 : 海南雞飯1) 雞件係唔熟, 帶血, 而且唔熱2) 我最喜愛既紅色酸汁, 完全變左另一款汁3) 雞油飯, 只係顏色稍為變左. 不過, 就算係白飯, 我都無所謂既.所以, 我又三吹四請, 麻煩阿姐幫我送返去廚房加熱返 d 雞. 再三吹四請 , 我碟雞返黎.結果, 就變左張相咁啦 ... 肯定係加熱過度啦 :( ... d 阿姐又惡, 無得追究 ...雞件過度加熱後, 縮晒水, 變做干淨淨 唉 ... 無辦法既情況下, 唯有照食, 照俾錢 .... 咁樣既套餐, 就收左我 $44, 實在太唔抵食了 ... Black List 呢間餐廳 .... …查看更多

約左遠方黎既友人晚餐 , 見到食評 & 環境唔錯 , 所以提前訂左七點 .由於友人 shopping 太開心 , 遲左過去 ... 不過 , 餐廳留位可以延遲半個鐘 . 原來入場時 , 入座率只得 4份1 ... 服務員態度良好 :)二個人點左:1) 1 Caesar Salad - 味道唔錯 , 但份量有 d 少2) 1 Mushrooms Pizza - 味道偏淡 , 批夠脆3) 1 Rib Eye - 我點 6 成熟 . 黎到係 8成, 因為已經熟到無乜紅肉了 . 不過都幾好味 , 份量都係偏小4) 1 Lemongrass Martini因為環境浪漫 , 所以相對價錢都比較貴…查看更多

因為呢間店係新開張 , 所以去試下 ... 因為都成 2 個月前去食 , 果陣食完埋單 , 覺得價錢好唔合理 , 但已經食左 , 諗住上黎報料 , 但又唔記得左 . 剛剛醒起 , 就上黎寫份簡短報告 ...湯底 : 小弟唔記得左囉 , 係叫左個比較平既 , 唔係特色湯底 .食物 : 小弟唔係太記得 Details ... 大約係一碟肥牛 , 二碟菜 , 山根 , 丸 , 蝦 ( 最記得呢樣 , 因為得蝦比較好味 , 5 個人 , 每人 2 條 ) ... 好似仲有腐竹 , 同埋幾樣 .. 記得唔係咁清楚 ...讚 & 彈都講下啦 :讚 :) 1) 晚餐時間 , 可能因為新開張 , 入座率只得 30% ... 房間就唔知 , 所以唔駛等 .2) 待應經理們既招待都好因勤 , 態度好好 ! 呢樣真係值得讚 !3) 地方干淨 , 整潔 , 可能因為新張啦 . 非常簡單既裝修 , 但呢 d 裝修 , 係火鍋既環境 , 過一段日子就好容易變殘舊 .彈 :( 1) 湯底淡到好似水 , 料又少 .2) 上菜慢 , 等左好耐先開始上菜 . 但開始上菜 , 就好快一次上齊 .3) 最搞笑係我朋友叫既白飯 , 凍既 !! 換左 3 轉 , 第 3 轉先有少少暖 . 換到我朋友都唔好意思再換 .4) 火煱配料 , 好一般貨色 .5) 呢個要重點講 , 在下係認為 , 牛肉係火鍋必食既食材 . 但係 ... 叫左一 round , 已經無再 order ... 牛肉都係一塊塊硬既 , 滾完入口唔淋 , 鐘意有咬勁既人 , 可能會比較適合 .6) 食左大約 $250 ( 呢個係約數 , 因為 5 個人食左 over 1千 , 埋單果下 , 我好意外 , 無乜叫貴價野食喎 ) , 個個都食唔飽 .. 死未 ?總結 其實呢間火煱唔係咁差 , 只不過 , 佢價錢定位偏貴 , 因為荃灣要搵好野食 , 大把地方 , 唔難 . 如果要我定價 , 我覺得 , 我地叫既野食 , 只係值大約 HK$150 / 位 .因為缺乏詳細情況 , 我唯有用幾間店去比較 , 俾大家參考 :第一回 VS 旺角新星---------------------------呢間店完全比下去 , 輸到尾燈都睇唔到 . 新星任食價錢大眾化 , 食物選擇 OK 多 , 任飲任食 , 如果唔夠仲可以額外叫其他食物 .第二回 VS 德興---------------------------在下覺得湯底同食物質素差唔多 , 但就貴過德興成倍價錢 .第三回 VS 小肥羊---------------------------在下已經 2 年無係 HK 食過小肥羊 , 2 年前食過一次 , 雖然 , 每位價錢同佢差唔多 , 都係偏貴 . 但係小肥羊無論湯底 , 火鍋料都鸁到盡 !…查看更多

以前呢間茶餐廳既野幾足料 , 所以曾經係我係深水步區常到既餐廳之一 .但係近幾年 , 食親乜都係覺得佢 ... 偷料 ... 減料 ... 唔足料 ... 唉 ... :(先講今日去午餐 , 叫左個快餐 , 碟火腩飯黎左 ... 大家幫我數下有幾多條火腩 ? 自問唔係一個對食特別麻煩既人 , 一日三餐茶餐廳都得 .但係佢份快餐 ... 火腩飯 ... 火腩少唔緊要 , 仲要好似手指咁細條 ...( P.S. 我唔係肥人 , 但佢 d 火腩仲幼過我手脂 )加埋冬瓜 , 都唔足夠餸晒 d 飯食 ... 唉 ... 我將火腩撥埋一邊俾大家欣賞 ... :(成碟飯既餸就係咁多 ... 我都明白通漲既影响 .. 諗下計仔啦 ,填滿少少嘛 ... 既然係快餐 ... 我都無野好講 ... 之前試過點其他正價餐 , $4X 蚊既咖喱豬扒飯 , 將切條既豬扒 , 拼埋 , 只可以拼到一塊豬扒左右 ...本來諗住以後唔去呢間 , 今日試下 ... 又係咁 .. 激死 ... 我投降了 .... 再見福榮茶餐廳 !! :(…查看更多

當日晚餐 , 打算出旺角食壽司 去到元氣 , 排長龍 ... 去到羽 , 就 Annual Dinner , 早收工 ... 去到板長 , 又係要排隊 ... 最後 , 諗住睇下女人街入面既日本野 , 點知就中晒招 !! 去到呢間金川 , 睇完價錢 , 每位 $138 , OK 啦 ...2 個人 , 唔駛等位 , 正 ! 入到去 , 咦 , 裝修 OK 喎 , 地方尚可 , 整潔 , OK !食物種類都 OK 啦 ... 開始點餐 .. 就知中招啦 !第一 : 隔離台發現埋單有假日費 , 下 ?! 點解會有呢個費用 ?出面又唔講明 !!第二 : 上菜時間超慢 .. 遞完紙 ... 同朋友一路吹水 .. 等左好耐 ,一碟都未上 .. 唉 ... .... 食完一碟 ... 又要繼續等 ...第三 :第一碟上既菜 ... 坦白講 .. 我以為係垃圾 ... 俾十分鐘你估係乜 ... 最後開估 !第四 rder 左既燒物 .. ... 係凍既 ...超硬多春魚 ... 燒到燶苦味既燒三文魚骨講返句公道說話 , 佢既三文魚壽司 , 三文魚刺身 ,甜蝦刺身 , 仲有幾款壽司 , 汽水 , 都係 OK 既 ...唔係專登攞汽水出黎講 , 最少佢既汽水有汽 !! 唔係糖水 !個人只係覺得呢餐完全唔值 HK$160 ( 其實找左幾蚊既 ) .其實好難一個一個 point 去話佢唔好 , 其實又唔係太差 ,之但係 , 佢咁既價錢 , 我諗唔到有乜原因可以去佢呢度食 ?我終於明白 , 點解唔駛等位 ?簡單講句 , 唔會再去 !! 除非佢價錢做到去 HK$100 , 其他野完全不變 . ** 張相入面既 , 一件係芝士炸蝦卷 , 一件係加州卷 ... U__U" **…查看更多