garybo的个人专页

朋友介紹下，今晚和家人試吓土瓜灣新開的串燒店「近畿」。我們點了幾份串燒精選發辦套餐，再加上預訂了蟹腳和喜知次。套餐包了1道前菜、6串串燒（近畿雞肉棒棒・手羽先・安格斯牛小排・新鮮白鱔・純豚五花腩・日本青椒仔），串燒每款都好有水準，食材新鮮，調味適中，肉汁豐富，吃得出師傅燒烤的功力。我們還額外預訂了從北海道直送的蟹腳和喜知次，兩款均鮮甜可口，尤其喜知次，魚皮香脆，魚肉嫩滑多汁，油脂均勻，很讚。套餐還包括1道主食，1碗湯及1道精選甜品。令人意想不到的是，主食竟然是海南雞飯。雖然餐廳是主打串燒，但是海南雞飯都十分精彩，雞很嫩滑，飯香而不油，湯是椰子雞湯。到了甜品，當大家以為只是雪糕或者奶凍，廚師為我們帶來的卻是幾款賣相精緻而好吃的甜品，真的令人充滿驚喜。原來這裏是有兩個廚師，一個做串燒，一個做海南雞飯和甜品，兩類食物雖然風馬牛不相及，但都同樣出色，令人感到驚喜和滿足。一間用心製作的餐廳，一定會再來幫趁。…查看更多

昨天和朋友慶生，一行六人去試新嘢，地點又方便👍🏻前菜叫了鴨舌和黃金炸魚皮，炸魚皮好正，夠薄又脆，咸蛋黃比例啱啱好，唔會食到好油同好「漏」。我唔食牛，但朋友食咗牛頸脊話好味，仲有黑毛豬同羊都好滑好有肉味。叫咗兩鍋湯底，海鮮魚湯同麻辣，個麻辣湯底好正，侍應話比較辣但食落又唔覺，叫埋鴨血同冰豆腐真係好夾🤣墨丸彈牙又有滑，雞都唔錯水餃、鮮淮山，午餐肉，桶蠔正常無特別今次海鮮只叫咗桂花蚌同龍躉片，都係正正常常，見餐牌仲有刺邊同爐端燒，有機會再試甜品得棗紅糕、流沙包同壽包，棗紅糕👍🏻仲有一樣好，就係免開瓶費，我哋開咗5枝酒，食得開心，飲得暢快，真係好適合朋友聚會嘅好地方！…查看更多

作為街坊，久唔久都幫趁呢間，喜歡佢食物有水準之餘環境較舒適。但最近一次午餐令我覺得好失望。。。我幾乎每次都叫COB salad with chicken同Marinara spaghetti, 今次亦唔例外，salad保持水準，味道配搭得宜。但個spaghetti 就好咸，初時諗住算，但見間中都嚟就諗住好心提吓，點知個女侍應話咁咸係正常，我嗰吓真係呆咗，我話我食過好多次都唔係咁，但佢堅持"it's normal"。算！我叫佢俾碗水我等我冲淡啲汁，點知佢俾凍水我！真心失望！…查看更多

有次探朋友見到呢間餐廳，見openrice食評幾好，今日專程去食。見係cafe，叫咗cappuccino同latte，點知超失望，一入口，只係微暖，熱咖啡要熱真係好基本，味道仲要係好麻麻。 跟住叫all day breakfast同海鮮意粉。all day breakfast, 啲茄汁豆原來壞咗，好在隔離枱有個阿姐提我哋唔好食。  :( 個海鮮意粉，唔熱，個醬汁好似係罐頭即開即用嘅蕃茄香草汁，啲意粉超淋，仲要係碎段，唔係一條條，啲海鮮唔熱又唔新鮮，食咗幾啖埋單走人。 可能啲甜品ok啩，但已經唔想再order。…查看更多

住西貢但好少有機會係西貢食晏，今日難得有機會，終於試到成日想食嘅"好煮意"。初初睇外面以為係普通茶記，但原來唔係嗰回事，環境乾淨，座位舒適。食物種類唔多，但樣樣都幾吸引。我同家姐叫了醉豬手米粉$48同喇沙$68，跟餐包飲品。醉豬手好食，個湯底好清甜，用咗20個鐘"淆"，無添加調味！豬手都好入味！仲可點吓佢哋嘅自家製辣椒醬！ 喇沙估佢唔到咁正，好正宗，個底有油麵米粉兩溝，料足有份量，隻蝦新鮮，仲窩心到剝咗蝦身嘅殼，方便食。👍食飽仲外賣多一客醉豬手$68。一定會再幫襯！P.S. 食完好耐都唔覺口渴，無味精確係堅！…查看更多