yeahvenus的个人专页

今日同老公行完旺角再經奧海城行返大角咀，行到差不多返屋企覺得有點肚餓，想係附近買d野食返屋企食，但又唔想食M記，係M記條街一路直行，見到呢間漢堡包店，就試一試下我點左芝士漢堡+$20套餐要沙律佢入面個黃色汁幾好食，同個包好夾，入面都好足料，有蕃茄有菜厚身牛肉同芝士，個包烘到好鬆脆呢個和牛漢堡都唔錯（圖中加左$20套餐要薯格），但我比較喜歡芝士漢堡個汁多D,勝價比又高D，總括一定會有下次，但唔可以成日食，因為比較熱氣…查看更多

呢間真係睇住佢開，附近無乜台灣餐，所以一開就去試。一開頭味道正常，飲品都ok。唯一係野食出得太慢，近排返黎再食，食物唔駛2分鐘就送到枱上。明顯係整定筆出黎，d野食乾瞪瞪。好明顯煮左好耐。飲品變到無味。又趕客走。越做越差好難返轉頭…查看更多

長沙灣同深水埗都好多小店，呢間位於元州街既漢堡店由幾位後生仔打理，絕對係有心之作，漢堡即叫即做而且夠厚身好juicy，薯條佢用兩種混合，兩款口味熱辣辣好好味。唯一係只有吧枱，帶小朋友去食就唔多方便，情侶去係一流…查看更多

無名隱世小店呢個名真係完全貼切呢間鋪頭，因為佢連招牌都無，但每日都有人龍排隊。入面只有約十二個吧枱位置，而且好窄。沾麵質地適中又掛到湯，湯底夠熱味道唔會咸，好香蝦味。但比較油。久唔久食一次覺得好野味。值得推介…查看更多

陳漢記絕對係深夜飯堂，食過好多好多次。都見過謝安琪張繼聰等等好多藝人去食。白鱔煲仔飯係必食之撰。但講到最好最好食既，一定係簿到透明既腸粉，好味到一個人食3-4碟都不是問題。所以區外朋友來大埔我都推介佢地黎，不得不試…查看更多

呢間野都開左好多好多年，由以前細鋪食到大鋪都有幫襯。最難得係味道依然保持到，好多好多食店都係開頭做得好，過幾年就唔同哂味道。仲要大間左鋪 都無變味，值得一讚。大埔諗親雞煲都係諗起佢，雞煲唔太辣岩我，響鈴一流。其他食材都合理，定價都做得好。大埔雞煲首撰…查看更多

一入鋪環境似日本居酒屋feel 店鋪細細。感覺幾好，可惜係坐吧枱位置，嗅到好大陣酸臭味。絕對影響左，麵質同湯底都好普通，應該都係濃縮味精加湯膽溝成。所以整體只係普普通通，絕對唔覺得係食評中咁好食。經過試下都ok既…查看更多

前幾日公司攪左個活動，同事話公司請大家食lunch，大家都議論紛紛食咩好，返正公司請，我地就諗食d貴野先，不過都有限金額千之味第一間店就係大圍開的，見幾年個人氣同評價都唔錯，就一於試下 成個落單過程及付款都非常方便，用whatsapp 落單，付款方式是過數或payme 又或者轉數快都可以，我地就早一日落單穩陣D我地想12:00-1:00左右到，當日12:20司機就打電話比我話1個字左右到，叫我地準備落樓取pizza 外賣就叫得多，但壽司就第一次叫，感覺都唔錯，壽司質數都比我想像中還要好，一定會有下次…查看更多

今日朋友心思思想食刺身同壽司，咁啱係附近行街，就即刻介紹朋友帶佢過去食值得一讚個海膽軍艦，係大大塊既加拿大海膽黎架好鮮甜，龍蝦沙律及芥辣八爪魚軍艦都唔錯～炙燒三文魚腩超肥美，魚油出哂出黎北寄貝刺身食左一半先記得影相個赤身刺身係藍鰭吞拿魚黎架，通常出面食吞拿魚都唔係真正既吞拿魚（冇咩味道），而藍鰭吞拿魚個味道一食就知係真正既日本吞拿魚個八爪魚刺身都好出眾，好厚，口感好彈同好有肉汁仲有叫串燒，唔記得影相，番茄豚肉串燒得好香口野味，串燒牛舌就一般，但總括都好滿意，呢次我可以用我張vip卡有8折…查看更多

每次黎都會專登撰下午3點左右先黎，唔駛排隊。酥皮叉燒包好味道，次次都會叫呢個，潮州蒸粉果就係最喜出望外既點心，超簿皮又好足料。暫時係香港內食過最好吃的潮州蒸粉果。燒賣 咸水角都係推介之一。唯一不太接受就係d碗同杯 太大陣漂白水味道…查看更多

大埔韓國餐廳我諗呢一間應該算係開得最耐最有歷史既一間，印象中都有十年以上，每次都係為水冷麵而來，佢連舊冰都係用個汁黎雪。唔怕溶左後整淡個味。另外泡菜煎餅都係值得推介，煎得好香脆。另外佢都有做炸雞，份量都好大，cp值都幾高…查看更多

呢間野新開張時 以$18滷肉飯下午菜作招來，雖然無試過個$18滷肉飯。但個宣傳已經令好多人認識。之後去食午餐都好抵食，有炸雞扒滷肉飯都係$4x攪掂。又有台式飲品。所以耐唔耐都會黎食下，味道唔錯。絕對對得住個價錢…查看更多

亞婆豆腐花呢個名真係由細聽到大，不過成日經過都未食過。因為唔知到抵係味講講呢一間，咁岩天氣熱到爆想食碗凍豆腐花就試下。點知真係超級有驚喜，滑到不得了。第一次食豆腐花係想再添多碗。一定會再黎…查看更多

已經食過3-4次午餐。次次都要排隊，因為真係有質素同價錢平。比起格離德美更加有實力。大埔越來越多有質素小店，希望間間都做得住，等大埔人更多撰擇。吞拿魚蓉飯無得輸，而壽司拼盤先一百蚊左右，有飛機貨食真係好抵食。牛舌串燒係用牛舌芯位置，仲要厚切，口感一流。直得推介…查看更多

以前住大埔已搬出有幾年，幾年後今日再返去食，野食質數好明顯下降好多，雞絲粉皮就最穩陣，糖醋骨，上菜時暖的，唔知係咪冷氣令到好快凍哂，同埋佢個質數好似出面3餸1飯既飯盒既味道，仲叫左個炒年糕，年糕有雪味:(，小籠包同擔擔麵正常，但不是叫好食，紅油抄手唔好食，埋單$315唔算貴，但我應該都唔會再去食…查看更多