Ahahayoo的个人专页

以前我試過你哋嘅$18焦糖脆脆咖啡，味道真係好好飲，當時好期待每個月你哋會轉新Menu。結果第二個月變成香蕉朱古力奶昔，第三個月就係士多啤梨美式。但嗰杯士多啤梨美式真係好難飲，死甜。我等咗幾個月想睇吓有冇新選擇，點知連續三個月都係嗰杯。既然你哋宣傳「每月優惠每月驚喜」，點解唔係每個月轉下Menu呢？期待咗咁耐，幾時先有新變化？明明以前焦糖脆脆咖啡嘅時候好多人排隊買呢杯嘢，自從轉咗呢杯士多啤梨美食都冇人排隊，你哋都知咩事啦！…查看更多

最近去咗呢間買魚蛋，簡直係一次極度失望嘅體驗。女職員態度極差，成個過程都黑口黑面。明明當時後面冇其他人排隊，見到你好多嘢拎住，仲係咁催你。佢嘅言行舉止仲係顯得非常不耐煩，甚至好似趕客咁樣，大大聲唔禮貌咁錠找嗰啲錢比我，令我感覺唔受尊重。作為客人，嚟消費係希望有基本嘅禮貌同友善服務，但呢度嘅員工完全冇做到，仲破壞晒食嘢嘅心情。服務態度咁差，實在令人無法接受，呢次經歷已經足夠令我決定以後唔會再幫襯，亦唔會推薦俾其他人。希望能夠正視問題，檢討員工嘅服務質素，否則只會繼續流失顧客。…查看更多

我以前成日黎食呢間麻辣燙 味道環境氛圍都好好。一個禮拜點都會食一次。但自從重新開張後，以前氣氛冇晒 d嘢食冇咁好食 但最重要嘅係！成間舖嘅背景音樂係大陸民歌。我阿媽都唔會聽，阿嬤都唔會攞黎跳廣場舞嗰啲！嗰陣新開張，一入去聽到呢啲已經唔對路...係係度播村歌..eg（妹妹你坐船頭，哥哥你岸上走..）呢種！！求下你播返d正常流行歌la...以前真係好好㗎 起碼唔係播村歌！！！…查看更多