devil_gal的个人专页

之前食過發哥海鮮火鍋觀塘分店，聽朋友講發喺大圍顯徑邨開左分店，於是就約朋友一齊去試一試。 本來今次想試吓發哥嘅雞煲，但朋友唔食得辣，所以都係食返海鮮首先送上熱辣辣嘅時令燉湯，今晚係響螺雞腳湯，足料燉制，夠滋補。主角海鮮拼盤，蟹同龍蝦新鮮劏，上碟仲識郁，龍蝦厚肉鮮甜，聖子皇夠大隻，啖啖肉，貝類無沙，值得一讚。食完海鮮拼盤，可以自選8款配料牛魔王必揀安格斯牛肩肉牛肉味濃郁，厚薄適中，一啖一片，有淡淡嘅牛油香味。我哋仲揀咗順德魚腐，魚皮餃，美國肥牛，自家製墨魚滑，海蝦等...美國肥牛雖然無安格斯牛咁香肉味，但整體唔錯。墨魚滑食到粒粒墨魚肉，彈牙。拼盤有海蝦，鮮甜唔會霉，所以自選再揀海蝦食到尾聲，職員會加南瓜，粟米，芋頭嚟煮粥，所有海鮮精華就濃縮喺鍋粥裏面，又一次食到捧住個肚走，滿足！ …查看更多

平時比較少去觀塘食飯，因爲覺得唔就腳，今次係就朋友所以過嚟，餐廳都係朋友介紹，地點比想像中方便，而且係地舖，唔難搵有3款套餐，我同朋友揀咗海蟹餐先嚟2款開胃小食，拍青瓜同泡椒雞腳，泡椒雞腳好入味，食到停唔到口除咗罐裝飲品，仲有自家竹䉀茅根水蒜蓉泰醬焗青口，我本身不太喜歡食青口，但加咗泰式醬，效果唔錯再嚟足料燉湯，姬松茸燉湯好好飲，推介食完一輪前菜，主角終於出場海鮮夠新鮮，鮑魚仲識郁，蟹有膏，好鮮甜另一個主角安格斯牛肩肉，肉味濃郁之後就到自選8款配料美國肥牛同日本黑豚肉都唔錯順德釀冬菇，呢個配搭幾好食物份量十足，食晒其實已經好飽，但粥底蒸海鮮，又點少得最後加米煮成粥，有蟹有蝦有貝類，煮出嚟個粥真係好鮮甜，食埋個粥真係十成飽…查看更多

生日月第一餐生日飯，由朋友發板，帶我嚟到兒時居住嘅地區石籬，好多年無返嚟，估唔到呢度會開咗間海鮮小菜火鍋餐廳，舖頭唔算大，但環境舒適今次我地先試小菜，下次約多幾個朋友先打邊爐杏汁白肺湯，未飲已經聞到好香杏味，豬肺洗得乾淨，十分足料，飲完感覺好潤油鹽水浸蜆，老闆話呢隻叫蕃薯蜆，比較大隻，食落啖啖肉黃金海生蝦，連唔太喜好鹹蛋嘅我，都覺得個蝦香味十足，連殻都可以食埋呢個日式木魚花燒魚係老闆介紹，第一次食燒黃腳鱲，外皮燒到脆脆地甜甜地，魚嘅油份封咗喺入面，肉質保持鮮嫩，食到停唔到口，真心推介食完條魚其實都飽飽地，但係見到石鍋金銀蒜蟹飯，又好想試吓，$128有大大隻蟹，鮮甜多羔，個飯好大鍋，2個人真係食唔晒要打包最後餐廳送上糖水，紅豆沙甜道適中，呢餐真係好滿足P.S. 唔知係咪開喺舊區會有人情味d，老闆、店員都好好傾，食物質素重要，待客之道更為重要，值得支持…查看更多

平時去開吞POT旺角總店食lunch，食物質素一向不錯，今晚就朋友嚟油麻地分店，試吓佢個雞煲同總店一樣，門口有個大魚缸環境寬敞舒適醬料每位$12，個人最喜歡麻辣醬King size飲品，一杯夠飲成餐飯由於朋友唔食得辣，於是點咗滋補螺片花膠雞煲半隻，未食之前先飲碗湯，味道濃郁，雞件嫩滑，跟住就食花膠，估唔到花膠都幾厚身，仲有唔少塊，呢個雞煲絕對足料，一路食一路飲湯，兩個人幾乎一滴不留，食完雞要加湯先打到邊爐推介自創爆芝響鈴，新鮮熱辣上枱，唔駛點醬，唔駛浸湯，原條食，真係好邪惡，但係好好味，必試我同朋友都係牛魔王，點咗呢碟頂級安格斯牛小排，油脂均勻，肉味適中象拔蚌片，快淥幾秒就食得最後加個菜，平衡一下兩個人可以試嘅款式有限，下次要再約三五知己嚟試埋其他嘢食，埋單先知原來滙豐卡有9折…查看更多

今日嚟黃埔shopping，為咗爭取時間，選擇去food court快食，凍凍地食返碗熱辣辣嘅拉麵感覺一流，吧枱設計可以睇住師傅煮麵嗜辣嘅我揀咗赤豚骨拉麵，先試一啖豬骨湯，湯底香濃，再食一啖拉麵，煮得剛好，麵質有咬口，之後就將辣醬撈勻，對我來說不算辣，但香味十足朋友揀咗味噌豚骨拉麵，味噌夠濃，適合愛重口味嘅朋友另追加一份餃子，略嫌煎得不夠香口一向認為food court係填飽個肚就算，食物質素不要太講究，但誠拉麵就超越了一般food court水準，不妨一試…查看更多

心情不好，相約好姊妹出嚟談心，佢喺銅鑼灣返工，想搵個可以坐得耐慢慢傾計嘅地方，於是搵咗薯仔屋呢間樓上Cafe，上到去，地方不算大，但可說是五臟俱全，而且很舒適，店員很親切，好有一種回到家嘅感覺如果三五知己上嚟，可以打機，玩board game，仲有好耐無玩過嘅桌球機今晚諗住盡訴心中情有排傾，所以叫咗2人至尊份量套餐加配無限任飲特飲飲品選擇應有盡有，咖啡，花茶，果汁，冰沙......第一輪我地揀咗兩杯唔同味嘅意大利梳打雪糕特飲，主要係為咗個雪糕頭盤芝士蒜蓉包熱辣辣夠香脆小食蜜汁雞翼，賣相不錯，雞翼入味主菜店員推介佢地嘅得奬菜式醬燒豬仔骨配鋪天薯條，豬仔骨好好味，肉質唔會煮到散晒，薯條有驚喜，絕對唔係配角，肉醬好味，芝士可以拉絲，食到停唔到口食到呢到已經飽飽地，隔離枱帶咗switch嚟邀請我地一齊玩，一玩就玩咗唔知幾耐，攪到個千層麵已經凍晒，店員好細心幫我地拎去加熱食到好滿足，之後叫多杯熱可可同花茶，一邊飲一邊傾計，下次嚟會再試埋其他特飲唔記得咗原來套餐有甜品，欣賞佢地有心思擺設，簡簡單單已經令個泡芙升lv 就係咁食吓玩吓就過咗一晚，心情回復開朗…查看更多

極尚大瀛喜喺元朗都開咗一段時間，媽咪同事話好食，但都幾full，所以一直未有機會試，就趁呢排無咁忙，搵日放早，同媽咪去撐枱腳平日5:30-7:30特價時段，每人$200+10%，非常抵食坐低第一時間睇下menu有咩食，落咗單就去望下自取嘅食物，雪糕甜品飲品嘅款式十分齊全，望下都開心放題第一擊，一定係食刺身，推介油甘魚，厚切更顯肥美之後就食串燒類，先吃幾片燒菠蘿，感覺上可以幫助燒化呢度嘅串燒唔錯，特別推介雞軟骨，燒得香口又唔會乾，結果我點咗幾次之後到燒物，隔離枱點咗羊鞍，一大碟上枱好震撼，可惜我同媽咪都唔食羊比目魚西京燒，皮脆肉滑，媽咪要encore迷你手卷值得一讚，唔駛俾壽司飯填滿個肚，海膽鮮甜，美中不足係翻單再點時紫菜已經唔脆相比之下，一品料理就較為遜色，薑汁魷魚煮到過淋，竹柳粒都係不過不失但鮑汁繪花膠就有d驚喜，夠厚身，有金華火腿粒，墊底嘅菜吸晒味，好味最後唔少得喺candy corner夾下糖，好有童年回憶，真係一次過滿足到n個願望食飽懷住愉快嘅心情埋單，有時間我都會再嚟…查看更多

因為天鴿嘅關係，原定同表妹慶生計劃被打亂了，於是星期六同表妹補慶祝，等表妹放工就去食lunch先，餐廳係表妹揀的，較少到港島區，原來餐廳所在嘅大廈有唔同類型嘅食肆門口有張貼set lunch menu，應該是星期一至五供應吧主餐牌有不同味道嘅烤雞、pizza、鍋物....烤雞係必試之選，表妹怕辣，所以揀咗照燒汁烤雞烤雞配有一碟酸蘿蔔，據餐牌介紹，食材是用火山岩爐高溫烤焗，難怪食落皮香肉嫩，推介我地仲揀咗炸八爪魚配薯角上枱後，店員會幫忙剪開八爪魚說似炸，但食落不覺油膩，爽口夠入味兩款菜式份量足夠，我和表妹都食到飽飽最後點兩杯飲品，餐廳環境舒服，可以邊飲邊傾計…查看更多

食完晚飯趕唔切睇戲，求其搵間糖水食下呢間飯糖有做午市，同事食過評語普通，附近咁多嘢食，唔會回頭揀呢間，不過糖水未試過即管一試雜果西米露，無預期係芒果汁底，偏酸雪糕焦糖燉蛋，偏甜，食唔出蛋香食物一般，個差評係比某店員，態度極差餐牌雪糕焦糖燉蛋$32，張單寫$42，問下點解啦，一個女店員解釋話揀味要加錢，一般只會比朱古力/雲呢拿，解釋都合理，但應該落單時講聲，咁我話轉返普通唔揀味，個店員就去收銀機改，原先幫我落單位店員就大大聲話：咩呀，佢自己要綠茶味咪加$10囉，咁而家即係點呀餐牌其實無清楚講明揀咩味要加錢，作為第一次嚟幫趁嘅顧客又點知呢都係果句，附近甜品都唔少選擇，唔會再嚟呢間…查看更多

有一排無嚟旺角新城呢邊食嘢，原來有間放題無咗，轉咗做御前牛盛，見到個牛字，男朋友就話要試，咁就一於試下新嘢食物，飲品，湯底，火鍋配料，前菜選擇甚多刺身要加$30，新鮮好味，不過要留肚食火鍋，唔敢點咁多雙拼湯底加$18，我地揀咗麻辣&御前芝士火鍋竟然另上一碟2種口味芝士，一路食一路加，真係芝味無窮鹿兒島豚肉片，油脂分佈均勻，淥耐咗都唔會嚡牛有美國牛同加拿大牛肩胛，2款各有千秋其他配料都好新鮮，有男朋友鍾意嘅田雞脾，佢覺得最後仲可以食杯雪糕，食粒糯米糍，為呢餐畫上完美嘅句號下次要再嚟試下其他湯底…查看更多

復活節假期，媽咪忽然話想食泰國菜，於是爸帶我地嚟試呢間小店食泰國嘢梗係要嘆返枝冰凍泰啤椰青清甜，椰肉嫩滑先食個泰式鳳爪開一開胃3個人所以點個細冬陰功，蝦新鮮，湯好飲串燒豬&雞各3串馬介休炒通菜，爽泰式豬手，夠淋夠入味泰式烤魚，燒得啱啱好，肉質新鮮嫩滑，點唔點汁都咁好味，重點推介已經無位置食炒粉麵，所以點咗客蒜蓉包，即燒真係唔同d，香脆可口，飽都要食多塊老闆娘好人又細心，如果唔太食得辣嘅朋友，可以落單時同老闆娘講定…查看更多

都有一排無嚟宮崎，適逢朋友生日，食放題就最好不過讚好facebook專頁送任飲，款式齊全食物種類繁多除咗畫紙點的食物，有三款係入座時揀的，每2人可揀一款，我地4人去揀咗以下兩款憤怒火牛仔，帶微微辣味，呢個好想encore仙境純情豚都唔錯另外因爲朋友生日，白羊座送咗一份琵琶蝦第一次食琵琶蝦，肉質爽甜雞泡魚乾第一次自己燒，細火每邊燒1分鐘就食得，好好味，推介本人係牛魔王，牛胸腹，牛小排，牛肋骨肉，食到滿足其他食物如刺身，炸物，壽司，質素不俗已經食到捧住個肚，最後都忍唔住食杯雪糕加件cheese cake，食下傾下就過咗愉快嘅一晚…查看更多

早幾日媽咪要去西環睇牙，我陪媽咪一齊去，不太熟西環的路，走下走下就發現呢間精緻嘅cafe，媽咪揀咗雜苺waffle，我就揀香蕉朱古力crepe，未試味已被外表吸引，waffle香脆，配士多啤梨幾醒胃，濃濃的朱古力雪糕，加香蕉同crepe係絕配，好滿足，如果下次再嚟我會試埋咖啡，慢慢享受下cafe個環境:)…查看更多

睇報紙介紹完滿心歡喜咁約埋三五知紀去試首先叫左涼瓜．雲耳．皮蛋三款小食．要中辣中辣都唔辣．雲耳幾爽皮蛋半透明．糖心黃．呢個值得一讚．連一向唔食皮蛋我都忍唔住試再黎叫左口水雞．涼拌粉皮．三絲涼麵．食到呢到．大家都覺得全部野得一個味口水雞好咸．唔夠滑仲有唔辣侯頭菇．呢個又係好咸仲有禾花雀同水煮魚大辣禾花雀算係最驚喜．肉幾爽水煮魚大辣一ｄ都唔辣．同一般食ｇｅｉ水煮魚唔同成窩野係味精味為主總括．一行六人一致認為唔會再有下次食物大重味精．主打辣．但全晚都唔覺有咩辣唯一係．價錢唔貴．呢餐平均每人＄５３．算係咁事後我地仲要食糖水補飛…查看更多

勁鍾意食譚仔米線．之前去開深水埗食見到元朗開譚仔．本來勁開心呢間元朗譚仔剛開時．去過一次．仲見到三哥本人果次因為同侍應溝通問題．佢比左個小辣我我本人勁鍾意食辣．叫佢加辣佢竟然話唔得心諗．唔係嘛．麻辣加＄１咖喎．唔夠辣竟然話唔比加最後同三哥講．佢都話本來唔加得．但都幫我整喎結果．．．第一次食都試唔到我想食ｇｅｉ辣但係印象已經麻麻尋晚心血來潮好想食．就姑且試多一次今次我叫左特辣個米線黎到．辣就真係夠辣啦不過始終唔夠０係深水埗食開咁香明明係同一間野．可以差咁遠結論係．我寧願搭車出深水埗食另外仲叫左大土匪雞翼＄２３／５隻的確係新鮮熱辣辣．可惜唔夠入味都係深水埗好味ｄ兩個人埋單＄５０．因為我男朋友無食米線．只係陪坐…查看更多