13579的个人专页

今年中秋做節，老人家屢勸不聽，話再俾次機會"煌城"，訂了一圍$5000，除了乳豬可取，其他一般過屋邨酒樓，最過份嘅兩宗罪：1. 補了錢換海參，結果是海參未"淋"照上碟，硬到連後生仔女都話硬，咁老人家更加唔駛食！2. 老人家諗住俾多d錢，唔食青班，食好d，食老虎班，點知呢間無良酒家，將條瓜咗都幾耐嘅老虎班冰咗佢，留番俾我地，一食落口，無鮮味都算啦，仲係好臭！其實上年擺了兩圍，每圍$4仟幾，兩枱嘅炸蟹鉗，都是酸宿"的，投訴後，只換了白灼死中蝦，說是店內賣剩的。中秋節前夕，老人家約了飲午茶，叫了個灌湯餃，餃子內的料又是酸宿的。客觀分析，午市價錢割頸價錢來吸客，晚市水靜河飛，咁d海鮮去貨去得慢，所以要客食死魚死蝦死蟹，睇怕都可以好快關門大吉。…查看更多

上年去了金田，今年睇到報紙廣告新開張，試下新野。輪價錢$168再加一，同金田差不多，但金田有4個鐘，大吉得兩個半鐘，要好準時到，兼唔好漏單，金田略勝，唔駛食到趕喉趕命。樓底好矮，檯與檯拍得好埋，感覺幾焗促。當晚6點至8:30，得5-7張檯有客，但等刺身要15MINS，落ORDER時全場得兩張檯有客，上野好慢兼漏單，叫罐PEPSI 共叫了四次(同3個WAITER講)，才記得俾，死未！1. 蒜片牛柳、吉列蠔比金田好，天婦羅蝦、一口芝士、蟹粥、牛舌、鰻魚芝士壽司、日式豬大腸不錯2. 加州卷D 飯不成形，每件大少不一，好似小朋友學搓泥膠；壽司的紫菜是淋，不脆的；火焰牛肉壽司的牛肉得丁屎咁細片又薄，好鬼孤寒，舊飯就大大舊；軟殼蟹壽司的飯又係好大舊，食完都唔覺有軟殼蟹！3. 第一ROUND來的刺身竟然有三文魚腩，咁好死，好好味，擺碟賣相同金田差一皮，好似配給，每款刺身執藥咁執上碟，賣相唔掂，第二round再叫三文魚，點知今次無魚腩，d 三文魚唔新鮮又無味無道兼梅梅地，唉！4. 負責刺身同sushi係好後生的師傅，又無帶口罩；金田d刺身師傅年紀較大，有帶口罩。5. 無羊架，得羊扒，又乾又鞋又un，好似食緊豬扒，毫無羊味，可能入了下價貨。我自己係百佳買的羊扒，仲整得好食過佢！以往去金田，羊架係必食兩round，好彩今次每人試了一塊，都怕了！5. 甜品就少得可憐，一小個雪糕糯米滋(好似街邊賣獨立包裝麻薯咁丁粒)，仲縮皮過金田，其實金田個甜品都已開始縮皮，點知大吉仲差。6. 全晚不停播日本rock music，仲要開到拆樓咁大聲，震到無晒食慾。有一半人客(6:00-8:30個輪)包括我張檯吃了未夠個半鐘就走，係金田好少見到客人咁早走，原因食物種類唔多，同埋坐得唔舒服。一行四人，食完今餐，都覺唔抵食，去金田好過，可以坐耐Ｄ，d位無咁迫，食物種類較多，上菜快好多。除非佢地減價，同改善食物質素，否則都唔會再來！…查看更多

上月某星期五，點了一個套餐，先來個燒味拼盤，大份兼新鮮熱辣，味菜白球，"正"，好味，殊不知喝過燉湯後，整個人覺得呆滯兼心跳加速，同其他人都有同樣感覺，心知不妙，燉湯必定加了重手"師傅"。同個部長講，佢竟然答:"你地唔食得味精，可以一早叫我地唔好落味精入D湯到！" 個部長都黐黐地，你D湯夠料就唔駛加味精啦！仲講到理直氣壯！其實鬼唔知酒樓好興落味精，但諗唔到呢間係酒店酒樓落得咁重手，不過個部長佢都知衰，即刻免收茶芥。坐半粒鐘，先至好D，D 食都攤凍晒，好錯唔駛call 白車。…查看更多

睇完兩個劣評，我唔知係咪算好彩。平安夜一家四口，睇完食評，第一次幫襯，serve 我地waitress 好nice，不停添茶，全晚都係漏一張單，食物算新鮮，即叫即整，除魚生外，牛舌、羊鞍、牛柳粒、芝士年糕，叫完再叫，好好味。我地一致同意會再去，等遲D keepfit先啦！…查看更多

今晚去了"雍雅" dinner，very bad，犯下3宗罪。第1宗，個waitress開檯時掉了妹妹帶來餵BB用的兩個飯壺內蓋，又敷衍了事話找不到，妹妹堅持話無叫佢掉，要佢賠$，轉頭個waitress就話找到了？？真攪笑！第2宗，我地房裡有TV，睇緊TVB"高朋滿座"，個waitress無程程去change channel to ATV，我地出聲話睇緊TVB架，佢先白痴地轉番TVB！第3宗(無可救藥)，一窩紅豆沙裡，係一窩，得10零20粒紅豆，加糖水，得個甜既紅色糖水(走紅豆)。complain完，再來一窩有湯圓走紅豆既紅色糖水，but 湯圓未熟，一舊大粉團包住得咁大粒既花生餡，難怪咬落去實dig dig，係我平生以來食過最差既紅豆沙& 湯圓！又再complain，個manager say sorry 話太好生意，所以....一大埋reason，買晒d紅豆沙，就加d水同糖，撈埋煲底d 渣，俾客食，成3仟幾蚊一圍！"雍雅"又話走高檔，點知....唉！最後，我地話要個manager減收$200，個manager入kitchen取了兩碟芋頭紅豆凍糕，扮晒可憐叫我地唔好投訴，算吧我地放下$(無俾tips)，下次唔再來啦！…查看更多