ellesan17的个人专页

一直以來，我認為乳豬只會係中餐出現，好難想像西餐會點樣煮佢。今次再去到呢度食，真係令我大開眼界。原來呢度用左一種叫”kalua”既煮法。乳豬外皮非常香脆，肉質非常嫩滑多汁，而且味道非常濃郁。再伴住唔同蔬菜同乳豬一齊食，中和左乳豬油膩既感覺，而且亦比較健康。食完罪惡感都冇咁大!…查看更多

我地一班FD聚會就係呢間cafe訂枱，去到佢就俾左間房仔我地。比起出面，間房隔音算唔錯，因為出面都真係幾嘈下。但係間房略嫌太細，我地十幾人都坐得幾逼下。不過呢間cafe食物都幾好，食物份量按人數而定，食物唔僧唔夠食，又唔會煮太多浪貴左，呢點真係好值得讚賞。Cafe遊戲種類都幾多，而數量都足夠應付晚上的需求。而個餐仲會包埋免費添飲，傾到口乾都唔驚。我地係cafe都坐左好耐，最後埋單每人都係百五左右，價錢都幾相宜。…查看更多

呢間餐廳係馬鐵站旁邊，位置都算幾方便。餐廳入面裝修都幾整潔，不過係D卡位比較迫。至於食物方面，我就叫左個西多，味道不過不失，唔算係好出色，係正常西多。不過價錢就唔算好抵，都要成30蚊，但係就得一塊西多同一杯野飲。我朋友就叫左炸雞脾同薯條，但份量比想像中少，雞脾都比想像中細。不過呢度員工服務態度都唔錯。…查看更多

因為係拍拖週年紀念日，所以就同男朋友去食下好野。之前聽朋友介紹過呢間餐廳好食，所以就去試下。原來佢平時lunch都幾full下，我地預先訂左位先食到。佢個menu main course有好多選擇，有\選擇困難症嘅我當然係唔知揀咩好啦。最後頭盤我地就揀左salad bar，main course我地就揀左三文魚同燒春雞，最後甜品就有雪芭。呢間餐廳salad種類好多，食材都好新鮮，有好多平時見唔到嘅食材都有。去到主菜，三文魚賣相非常靚，佢外皮非常脆，魚肉多汁，分量適中。而最後雪芭酸酸甜甜，如果鍾意食酸野可以試下。呢度食物同服務都吾錯，好值得去試試。…查看更多

之前上網睇到呢間餐廳既西多士好出名，就決定一試。鋪頭裝修雖然唔華麗，但係好有懷舊同傳統既味道。一入去店員就好熱情咁招待我地，幫我地搵埋位，叫我地慢慢睇下食咩。因為我係食午餐，所以就叫左個麵同神級西多。店員見我冇叫野飲，就主動送上茶水，真係好貼心。等左一陣西多就黎左，西多上面有好多煉奶同一PAT牛油，中意食煉奶既朋友就岩晒，西多係即叫即炸，夠晒熱。西多中間搽滿左花生醬，真係好好食呀!呢D小店真係買少見少，好藉得去試…查看更多

之前上openrice搵下有咩好食餐廳，諗住同朋友一齊食，就見到呢間。見到佢咁多好評就以為應該都會幾好食啦，點知...完全兩回事。一去到見到間餐廳咁少人已經覺得奇怪，明明係食飯時間，唔洗等位就入到去食。我地一行人三個就叫左懷舊飯盒、炸醬麵同飯卷。份量超少，完全唔夠食，食完好似冇食過野落肚咁。個飯卷完全冇味，炸醬麵D炸醬有D稀，而且入面得幾舊薯仔。個飯盒味道不過不失，但係份量真係好少。好彩水唔洗收錢，不過要問佢攞先有。D野食都要四十幾、五十蚊，性價比極低，我以後唔會再去呢度食。…查看更多

 呢間日本野真係好好食架，每到中午同晚餐呢D高峰時段門口都有好多人排隊，每次等少則20分鐘，多則半個鐘。因為間餐廳好細，所以就suggest大家可以係food gulu攞左籌先，然後等到咁上下先行過去，如果唔係真係等到發霉都似XD 我今次就叫左咖喱豬排飯食，佢d豬排炸得好香好脆，而且D咖喱唔係太spicy，適合香港人口味，而且飯既份量適中，唔會太少，午餐就要四十幾起跳，價錢唔算太平但都唔算太貴，藉得一試，包保你有驚喜。…查看更多