KKS2241的个人专页

本身無打算係tko gateway 食嘢，但路過見到人地食嘅海南雞飯幾靚仔就入咗去食。招呼幾熱情，見到門口有人就帶位。海南雞幾滑同幾多件份量算多，油飯唔會好油，軟硬程度岩哂我，算抵食，星期六lunch$60海南雞飯，+$5有凍飲。好多老一輩嚟食，餐廳都full 。枱面衞生幾好，好過好過連鎖茶餐廳 。👍👍唔錯，好食過好多自稱海南雞飯專家…查看更多

性價比低7隻水餃要5十幾蚊，水餃皮好厚，餡普普通通，啲人講到個湯底好正，結果好失望，好淡好淡，淨係飲到粉葛味，好似係無味精嘅..啲人又話雞翼好好食🥲🥲好差…用雪藏好耐好耐嘅雞翼嚟整，啲肉已經梅咗，而且完全無啲人所講嘅煎到皮脆，味道只係普通，7仔叮叮好食過佢😂7蚊一隻唔貴但唔好食。杯山楂雪梨飲$20 幾貴，隻味似來貨野，可以叫返豆漿。餐廳地方不規則好窄，食物同環境完全跟唔上價錢😅😅新都城好多餐廳都比佢好 。…查看更多

仲諗住有鼎爺做生招牌就算開係山頂水準都唔會太差，點知做爛咗自己個名咁。餐廳菜式選擇唔多，得點心，燒味同湯。叫了腩仔飯同叉燒飯，肉同飯分量都多，但腩仔不是腩仔，係燒肉；叉燒肉質唔好食，一絲絲。一般燒臘檔飯盒仲好食。😕點心點咗蝦餃同蒸排骨，蝦餃厚皮，但入面嘅蝦同筍幾好食，👍味道不錯。而排骨就好差，😑😑非常不新鮮，味道也差，排骨差過任何一間嘅酒樓。但點心一食就知係交貨嚟，佢一係唔好提供點心。😟香港餐廳10間有9間埋單都唔會講多謝，遊客區都係咁……查看更多

今日去竹園拎件 肚餓順便食個lunch，見到有間新冰室時日午餐有味菜炒豬頸肉就試下，$60難得Lunch set 仲包湯+熱飲，而唔係是但一樣，凍飲加$3，湯仲有中湯、羅宋湯、忌廉湯選擇，揀咗羅宋湯，幾好飲，有湯料，唔係求求其其。味菜炒豬頸肉色香味俱全，雖然豬頸肉係好薄，但炒得幾有鑊氣，大大碟又多肉，飯一碗都唔錯，軟硬適中。係杯凍鴛鴦麻麻地，叫咗少奶但都太甜太多奶。環境好闊落，坐得舒服！下次會試常餐，見到隔離枱炒蛋幾滑咁……查看更多

1.唔抵食： 佢寫常餐，$68一個常餐，原來常餐唔似平時咁，個餐係唔跟蛋同麵包，得一碗野，主食定咗唔可以轉米粉米線通粉，包熱飲但凍飲要加$6… 中環尖沙咀都係+$3 +$4😞2.第一次食雞翼仲有毛，4隻雞翼3隻都有幾條大大條雞毛，係街市買急凍平雞翼都唔會咁大條雞毛啦😞😞大條到跌落湯度3.服務差，明明有位但唔安排入坐，好似唔想招呼人咁，又唔俾餐牌，地方迫都算始終香港租貴，睇返食評先知原來其他香港非打手食客都話服務好差😞4.味道一般無特別，無咩好講未試過咁差嘅冰室茶記，呢間只岩遊客一次性幫襯填飽個肚…點解太古地產會租俾佢趕客…依間餐廳係Citygate入面係平價，但性價比差，寧願俾多少少錢食好d服務好d。…查看更多