misssorbet的个人专页

附近見客，又唔熟觀塘區，經過見到一幢叫愛琴坊，入去類似係food court既環境，見呢間「二少廚房」都幾多人排，就試吓🤩紅棗杞子飽魚雞湯 $42好足料既燉湯👍🏻裡面有真材實料既鮑魚，仲要有兩粒架😍，$42真係咩都抵曬啦🙈仲加咗圓肉紅棗杞子，湯底好滋陰補腎咁，個人都感覺健康咗😅薑蔥手撕雞飯 $28開頭未落薑蔥果陣就咁試咗個手撕雞，已經好入味，加埋薑蔥之後，個飯成個味真係不得之了，味道係再濃烈咗，加分不少😍…查看更多

係銅鑼灣食完晚飯，去到鵝頸橋天橋底附近既一間糖水舖「綠林甜品」食埋個糖水先返屋企；發現呢度既自家製生磨系列，甜度竟然可以自由揀無糖/少甜😵甜度由您自定🤗好貼心呢😍👍🏻即刻揀左我最鐘意既 - 「芝麻糊」$27好濃既芝麻味，香濃滑溜，好可惜係落左單先睇到有得揀甜度😔不過好彩正常甜度都唔會好甜，接受到既👍🏻🌟紅豆豆腐花小丸子加榴槤雪糕 $48🌟豆腐花好濃豆味，香甜嫩滑，連埋小丸子一齊食，更煙靭可口，榴槤雪糕都濃濃既榴槤香味，食完身心冰涼😍…查看更多

之前原本開係西營盤地段果陣，一直都食唔到，太多人次次都摸門釘，今次襯住下午茶時段，就黎碰下運氣，好彩唔洗等位，一入到去好難得地有張係吉枱，開心😍🤗呢度明顯係比之前舊店大間好多，而且入到去成個感覺都充斥住台灣既感覺，店員都係講好地道既台灣口音普通話😆可惜既係我同朋友今次係為左佢地既「肉鬆起司蛋餅」而黎的，但原來menu已經轉左了😣不過都無破壞我地既興致，分別點了：✨「沙茶魷魚焿米粉」$50✨朋友好鐘意食台灣既花枝羹既關係，見到呢個魷魚焿就話要食 ，魷魚係一整條的，湯底飲落係有少少酸甜既感覺，配米粉，味道一流🤤⚡️「鹽酥雞」$37✨炸粉夠薄，食落唔會好油膩，粒粒都大大粒，好滿足😍✨「台南擔仔粿條」$36✨湯底有好濃既蒜香味，粿條感覺似係香港既河粉，但就比較闊身啲，口感好滑流👍🏻✨「珍珠奶茶」$24✨因為唔鐘意飲甜野既關係，叫了走甜，飲落有好濃既茶香味，同埋珍珠有少許甜味，整體飲落都唔會好苦🤗✨「紫薯芋泥」$30✨飲品分左三層，影完相之後，要搞混先好飲，啖啖都充斥住香濃既紫薯香味，好飲👍🏻紫薯控必點既飲品之一🤩…查看更多

附近返工既關係，每次食lunch諗唔到食咩就會黎到，無論一個人定一大班同事黎都會坐得落，因為有兩層的，唔驚會無位坐唔落，不過有陣時如果太多人都要碰下運氣有無大枱；同埋每次都只會食酸辣麵加雲吞，鐘意飲酸辣湯夠開胃，又貪佢大大碗好抵食，都只不過係$48碗🤩酸辣湯既湯底好足料，其實唔係好肚餓，可以叫酸辣湯加雲吞都夠飽；雲吞都大大粒，裡面既餡都係無偷工減料的🤤而且呢度都有一定既歷史，除左食佢地既上海菜之外，呢度既人情味都係其中一個繼續幫襯佢地既原因❤️…查看更多

無意間發現呢間車仔麵小店，呢間同出面市面既車仔麵最大分別係個湯底，飲得出係花過心思去熬製的，飲落係好濃郁既牛肉湯，味道有少少似馬來西亞既肉骨茶味道，有少許藥材湯味🤩而且湯麵和餸菜係分開另上的，可以同朋友一齊開心share之餘，又唔會污染到濃郁既湯底，一舉兩得😆👍🏻分別點了白麵同米粉，個人認為白麵比較出色，口感比較彈牙，而米粉亦不差，係幼身米粉，似粉絲既感覺☺️唯一美中不足既係飲品方面，可能人手關係，飲品都係預先準備好了，檸檬茶、奶茶都只有凍飲選擇，甜度就劃一，無得少甜、多甜或走甜😣…查看更多

放假路經呢間「吾系茶記」，見到早餐款式都幾多選擇，加上新裝修，環境乾淨企理，就入黎試下🤩點左個茄湯配蕃茄牛肉通粉配煎蛋加牛油厚多士，真係同餐牌形容既一模一樣，係新鮮既蕃茄湯配牛肉通粉，比平時食開既鮮茄濃湯淡味，湯底飲落係好清既新鮮蕃茄味🍅 煎蛋方面，如果呢個價錢$40的話，煎雙蛋都不會太過份，可惜係普通煎蛋，有點到喉唔到肺😅成份早餐既加分位會係杯熱奶茶，係做到茶味濃郁，飲落口感香滑😋食完埋單出黎，已經到午市時間，午餐黎講，選擇係頗多既一間餐廳，有成14個選擇咁多👍🏻😍…查看更多

每逢星期六日放假，就想舒舒服服咁落低食個早餐，靜靜咁嘆杯「大快活」既熱奶茶☕️；我覺得連茶餐廳既絲襪奶茶都比唔上呢度既奶茶，真係百飲不厭🤤而且呢度既早餐都相當價廉，依家普通一間餐廳食個早餐平均都要$35-40或以上；係呢度都只不過係$29.5；仲可以慢慢坐，唔會比人趕😆除左普通粉麵之外，仲可以揀健康既無糖牛奶麥皮；如果唔想要炒蛋，可以揀另一個餐係烚蛋；更加輕怡健康👍🏻放假天想飲杯好飲有質素既熱奶茶，真係非「大快活」莫屬😍…查看更多

襯住平日放假，想去睇早場，順便去飲個早茶，就係附近搵間茶樓，點知撞正有職員派傳單，話早茶點心半價，但要7-11am入單，12點前埋單離座，時間真係岩岩好，睇11:30早場，就可以12點前埋單，諗都唔洗諗，即刻上去拎位；諗住平日會無咁多人，點知都要等；不過有樣好，可以用手機QR code scan 有位就會通知，唔洗企定定係度等😍對住咁靚既景飲早茶，寧舍心曠神怡🤩🌟香麻脆芋餅 $19🌟估唔到係熱辣辣的，好香口，外脆內軟😋🌟原籠馬拉糕 $22🌟每次飲茶都不可缺既馬拉糕，但食落就比較甜，不過就好鬆軟👍🏻🌟海龍宮腸粉盤 $48🌟用料絕對襯得上呢個名，裡面分別有鮑魚仔、帶子、石斑魚、鮮蝦；上面仲鋪左三文魚籽，一齊食起上黎，味道更佳🤤🌟天鵝榴槤酥 $28🌟鐘意食榴槤既一定要試呢個😵咬開又係熱辣辣的，要襯熱食，唔係凍左先食味道就差啲；一咬開濃郁既榴槤味就散發出黎🤤連個天鵝頭都食得架😝🌟傳統煎釀四寶 $22🌟好耐無食過呢啲街頭小食了，如果係四款都唔同就更加好😝食左8籠點心，$200都唔洗，唔洗搭枱又有靚景睇，邊度搵😍整體黎講，係好食既，無論環境、食物品質、服務都比預期中高，下次黎到銅鑼灣飲茶又多一個選擇🤪…查看更多