Marcusyth的个人专页

That arrogant young waitress told me that it’s closed at 11 when I entered around 10. She kept asking me what to order and what to drink. Also, she kept saying the chef is leaving very soon with a very bad attitude. I mean she is really terrible. It feels like she is my boss ordering me to be hurry. When I tried to ask her what drinks do they have. She was really annoyed. Crazy af. Never gonna come here again. Thanks…查看更多

平時都有去開食下點心，直到有日有個姓周嘅女樓面出餐過嚟，發生嘅一連串嘅事，我就發誓以後唔會再去嘅間咩來發館 同佢另一間「萬發」。某一日，我因為都幾鐘意食佢地嘅皮蛋瘦肉粥，所以就自己一個人過去坐低叫咗一碗食。出嘢速度都算快，以往食呢一個粥，我哋都會問要唔要胡椒粉，然後我就話唔使，覺得都幾好，有得俾我揀。但係今次呢一個姓周嘅樓面（平時見到佢都黑口黑面）送過嚟，就已經落埋胡椒粉，因為我對胡椒粉敏感，所以要同佢講唔好意思我唔食得胡椒粉，想要換過一碗（其實都覺得好浪費，但係冇辦法我真係食唔到），佢竟然同我講話落咗少少咋喎，意思即係焗我要，我反問返佢，平時唔係都會問聲要唔要胡椒粉嘅咩？佢理都冇理過我就走咗，咁之後我就搵咗另一個夥計同佢講想要另一碗，另外個同事就好爽快話冇問題。到我差唔多食完嘅時候，因為我朋友啱啱食完飯，就話過嚟坐吓等我，佢入到嚟，飲咗我個杯茶幾啖，冇食過任何嘢，純粹等我。姓周嘅呢一個樓面拎晒碗碗碟碟過嚟開個位俾佢，我以為佢咁好心，都同佢講聲話唔使了，因為我都差唔多食完走，我朋友係入嚟純粹等我，所以示意佢可以收返啲碗碗碟碟，佢黑口黑面同我講啲嘢照放喺度。咁我都擔心佢難做，諗住快快脆脆食埋啲嘢就走，點知出到去俾錢嘅時候佢就收我兩個茶位。我當場嬲到同佢據理力爭，佢一句說話都唔回應，完全覺得好似係俾人老屈咁。最後聯絡左另一個姓陳嘅男經理，同我講唔好搞咁複雜，話俾返$8我，講多幾句開始唔好老脾，話自己十幾萬鋪租，所以收茶錢合理，又話佢有權呢樣嗰樣，又話我朋友有飲我嗰杯所以要收，又話自己代表到老細。我話一係面對面同佢傾，最後話我恐嚇佢。從佢嘅話語中，好明顯知道佢係想應酬我，覺得係我唔啱。我明白每間酒樓有每間酒樓嘅做法，但食肆都離不開一樣野——「服務態度」。老實講，自己平時去食又唔係多多要求，又唔係成日煩啲伙計嘅食客。我炆嘅唔係一個茶位$8嘅問題，係啖氣嘅問題。如果你真係要收我朋友茶錢，我本來就示意左我差唔多走，我朋友入嚟陪一陪我，如果唔啱你咁尊貴嘅大店嘅規矩，其實係咪都可以選擇去馬上示意我朋友要即刻離開或者問聲我點決定？咁我都可以決定我個朋友好唔好繼續坐係度等我，而唔係明知我朋友唔係要食嘢，而且成個場又咁冷清，我地又冇阻住做生意，點解都要做到咁老土？我唔知我咁執着係咪麻煩客，可能有人會話我朋友有飲我杯茶都的確係要計個茶錢，但我對成件事最失望係點解一個態度卑劣、自把自為落胡椒粉、粒聲唔出收人茶錢嘅樓面，竟然冇俾公司責備？反而係我要委曲求全，陳經理所謂嘅唔好搞到咁複雜。我要嘅唔係$8，而係一句唔好意思/對唔住！食嘢食得咁冇尊嚴，我地仲點解要去你度食？…查看更多

入去俾個位，後面成張枱未抹對住我背脊，咁我就同個樓面講可唔可以轉位，佢話冇問題，轉個頭個事頭婆同我講話我咁調位會好麻煩，又問我點解唔同佢講聲，我話我已經問咗你嘅同事，跟住就一連串嘅責罵。中間仲要同其他客有嗌霎，可見呢一個老闆娘嘅佢真係好有問題。嘢食中規中矩，冇話特別好食，亦都唔係難食。特別一提嘅菜飯，真係唔係特別好食，口感欠佳。而豆漿算係不錯。最後俾錢嘅時候再同個老闆講聲，如果下一次唔俾掉位早啲出聲，佢話係為咗我哋好，但係我真係唔知佢為咗我哋乜嘢好。然後就係好敷衍嘅一句唔好意思，趕我哋走。片你哋保險呢件啊危險危險以後永不幫襯…查看更多

平日經過冇試過，今日決定嚟試一下，午餐多數都係40幾至50幾蚊。入到去坐，其中一個短髮樓面表演飛餐具盒，我就首先唔明白點解一個餐具盒唔可以輕輕力放喺度而係選擇飛埋嚟。之後叫咗個午餐，上菜速度算快。嚟咗呢一個叫做茄汁水蜜桃鴨胸意粉，午餐嘅溫度唔算高，應該已經放置左一段時間喺廚房，所以餸菜速度先咁快。味道方面，茄汁冇茄汁味，完全係超級淡而無味。份量極少，得4塊細細地嘅鴨胸肉。呢間野完全係失望。我諗我唔會再嚟呢間度食，多謝晒…查看更多

買咗兩盒午市外賣飯，$30一盒收錢嗰個阿嬸好似欠咗佢咁，然後比張單我$62.5首先係$60兩個飯，然後每一個飯另外加多$1外賣盒，再有$0.5膠袋，然後佢收咗我$63，然後隔離嘅男人買飯係冇收膠袋錢，我上前對質，佢話呢個係政府規定，然後我話點解你唔收隔離呢個男人膠袋錢，佢話俾佢外賣嘅膠袋係唔同，咁我就話我要佢嗰隻膠袋，就唔使收我錢，仲有點解$62.5會收咗$63，個收銀員阿嬸馬上發難，俾返$1我，然後等我嘅外賣等咗半個鐘，返到屋企佢連餐具都冇俾，然後打電話俾佢同個經理講，個經理問返我轉頭咁你想點，唔啱咪過返嚟俾返你囉。真係好想講呢間野啲員工質素真係垃圾…查看更多

在新蒲崗偶遇這間餐廳，朋友也說吃過感覺不錯，便去吃晚飯。在門前踏進去，馬上傳來一陣舊時跟我外公去冰室吃下午茶的味道，看看周圍的每張桌子和椅子，都是保留在80 90年代的格調，除了價錢，不過也相當合理。我叫了一點楊州炒飯和西多士，比較有趣的是，我喜歡西多士加煉奶，這個要求他們也能夠滿足，真的值得一讚。味道方面，雖然炒飯的份量對我來說少了一點，但味道的確不錯。至於西多士，$20能夠吃到這樣的西多士，我只能說香港沒有幾間能做到這樣的水準。最後老闆跟我們說，這間冰室在1966年開，直到現在，即使旁邊多了mikiki、其他日本餐廳，他們也希望保留一點點香港原有的特色。對於我這樣比較情懷的偽文青，這冰室會是我們下午茶的好去處。…查看更多

我平時都有間中食開，味道的確係唔錯嘅，芋圓都幾好食，雖然係硬咗啲，所以今次我一開始就同佢講話少芋圓，咁我心諗佢應該會放返多啲西米，冇理由成碗野真係少左啲芋圓，然後成本野都真係少咗㗎。今次有啲出奇嘅係，平時佢一收到order就即刻整，今日佢係雪櫃攞出黎，好少西米，成本野一半都冇，明顯係一早整定左，然後同我講話而家即刻有，叫我等一下，之後我以為佢會放返多啲西米，點知佢就咁放左幾粒就收工。 我諗我下次要講明，少芋圓，多西米！☹️我返到屋企見到咁樣，真係眼都得埋，真係夠膽死成碗野俾一半我，食嘢最怕就係食得好唔滿足。…查看更多

我真係覺得好奇怪，未試過有一間餐廳食完飯先俾例湯，我差唔多食完，個阿姐先俾例湯我，真係要俾個叻佢哋。凍檸茶少甜，佢就俾咗杯正常，我屋企人個杯正常，佢就俾咗杯少甜。我哋有三杯，佢淨係比咗兩杯，三催四請，先至俾埋最後一杯我哋。啲樓面阿姐好似第一日返工咁:)其實你價錢收得都算貴，我覺得一分錢一分貨，你俾唔到一個相對嘅服務，咁就唔需要再幫襯。都唔係話要你好好招呼，但係起碼你搞得清楚杯嘢飲係少甜定正常先啦係咪啊？呢間南豐，不了…查看更多

上周下午到此店外賣一個$39的pizza加上$5的一杯朱古力作下午茶。下單後，速度也算挺快的，差不多5分鐘就可以取走。回家後，先不說看到這塊pizza有多難堪，我馬先上來一口朱古力，不知道是不是他們忘記下少了一匙朱古力粉還是什麼，這味道跟水沒大分別，就像「朱古力味覺水」，再看那Pizza，份量小而且有夠難吃，同樣也是三十多元，Paisano's Pizzeria也大獲完勝。我也忍不住致電跟他們說一下這情況，不但道出心中不快，更希望他們會改善什麼。那一名女員工的態度真夠爛透，說：「我們的朱古力跟McDonalds的是不同，我們用粉沖出來，你喝不慣嗎！ 不爽就回來換，OK?」 我說這明顯是不夠朱古力粉吧。我覺得食品不令人滿意也不是重點，態度爛透就是令食客不爽，我也不是抱有吃着5星級的要求，為什麼搞得像我欠你一樣呢？:(最後，我也沒有回去店換，怕「加料」，反正以後不會再去了…查看更多