露露酪的个人专页

將軍澳海傍有咁多餐廳如果想坐近啲海邊睇風景其實佢唔係首選無戶外座位、窗邊位好曬好熱定價偏貴然而食物只係一般得個樣附近有咁多選擇 依間無下次了➡️咸蛋黃炸山藥$68上枱好香食落無乜味本來山藥都無乜味既但咸蛋味都無乜➡️明太子忌廉意粉$168成餐最好食的，夠味夠creamy唯一唔明既係意粉點解要落葱😅😅賣百六蚊黎講份量太少了➡️法式焦糖班戟$108最期待個pancake! 有三層高睇落好鬆軟只有面個層有醬⋯第二三層就齋食塊pancake咁好乾雖然有蛋香但無醬食唔到 好劑…查看更多

依一邊一整排既餐廳都好靚可以坐外面望住個海chill我地5點幾去 唔洗等位因為好好食所以黎左2次了🤪➡️抹茶卷蛋$48中間既cream有濃抹茶味而又唔會好膩外面既蛋糕鬆軟➡️紅莓卷蛋$48酸酸甜甜又少女心既卷蛋🥰味道清新➡️伯爵茶戚風蛋糕$52蛋糕好鬆軟 有淡淡伯爵茶味加埋上面既奶蓋，食落輕盈無負擔➡️海鹽焦糖蘋果批$68依個我唔太識欣賞🙈可能因為我唔愛玉桂味不過佢好足料，個餅皮都好鬆脆➡️CBD蜜糖冷萃焙茶$58佢係加左CBD既焙茶，幾好飲不過略貴➡️72%特濃朱古力$50的確係好濃朱古力！朱古力控表示可以再濃啲！拉花好靚😍…查看更多

觀塘工廈有好多網店🤣依間出名千層蛋糕今日特登過黎試！要左件tiramisu味千層蛋糕同芋泥罐罐蛋糕但個人比較鍾意罐罐蛋糕！有好多層！上面oreo碎下面有拉絲麻糬再下面有芋泥最下層係奶凍一啖食落口好開心好好食！好食到我對tiramisu千層無乜記憶…而食物方面個lunch set幾抵食呀有湯有沙律有餐飲有雪糕！另外再叫左個薯條好有驚喜~下次再黎食lunch會淨係食罐罐蛋糕😆ps.想讚下侍應好溫柔好有禮貌…查看更多

排緊人龍coffeeshop時無意中發現既泰式fusion food！座位與座位之間唔會好迫，坐得好舒服出面既位好chill好適合打卡✨炸水牛芝士條$42香濃芝士條，因為影相放耐左先食但入面都仲係軟軟既芝士✨青咖哩雞肉意大利飯$85好特別既意大利飯!青咖哩唔辣但有個種香好易入口，好快清晒✨炸軟殼蟹星洲蕃茄醬意大利麵$88比青咖哩意大利飯略為遜色但軟殼蟹好大隻，炸得外脆內軟✨泰式奶茶$24我本身都鍾意飲泰式奶茶覺得好好飲！濃又不太甜用樽仔裝又好適合打卡…查看更多

近排一直有種想食辣既癮，終於！今日同朋友黎到長沙灣既有間客棧食川菜😍舖頭不算大，但感覺都舒服平日晚上7點已經坐滿左7成客menu內容豐富…好多野想試但今日係想食水煮魚既feel✨水煮百花鱸魚片$128記得第一次食過大陸同學煮既水煮魚之後就念念不忘…今日食到既比回憶中既味道更好味！我地都食唔到太辣所以係叫左少辣，但下次可以再辣點😎大大碗入面有嫩滑既魚肉、芽菜仔、薯粉鮮紅既湯底好香，睇落又辣又油但食落絕對係油而不膩差d想飲個湯！✨辣子黃金蝦$128每隻蝦都好肥美！鹹香同辣味都齊備連我依d唔慣食有殼蝦既人都食左好多隻😂✨涼拌青瓜$38重口味之選！青瓜酸酸的又好爽口，有大量蒜係上面✨清炒萵荀$68食完重口味就要食返清淡既蔬菜萵荀薄切後炒一炒好爽脆食到底略油✨飲啤酒個杯好得意！凍少少既時候會想再黎食烤魚🤤仲有要讚下侍應好有禮貌！！…查看更多

離遠見到依間Cafe好靚見今日天氣好好坐下層都唔錯就決定坐低~非常幸運既係坐低無耐先開始多人等位✨龍蝦包配薯條$118如果薯條係粗薯條會更開心🙈龍蝦份量都幾多，個麵包甜甜地同龍蝦好夾可惜影相影耐左攤凍左個包✨煙三文魚牛油果班尼迪士克蛋$108個水波蛋稍微有點overcooked唔夠流心但食落都還可以(有煙三文魚唔會難食)以為得沙律同蛋會唔夠飽，但可能加上牛油果同醬汁都好夠✨Mocha拉花好靚~ps.如果我再黎應該唔會坐門口位啦😂因為係weekend又係打卡cafe好多人係外面行過，又有人影相做左background好唔開心食物都係普普通通…查看更多

平日都好少到荔枝角，今晚剛好有事到荔枝角一趟，就搵到依間睇落好唔錯既cafe因為即興無book到位，同媽媽6點前黎到睇下有無得walk in啦，好好彩係有既！不過得45分鐘時間食🤣6點前仲係tea time！叫左個tea set既珍珠帶子冬蔭功汁蝴蝶粉個冬蔭功整得好好味，雖然係tea但個份量都唔算少仲有跟餐價叫左杯bailey’s朱古力咖啡，不過就無乜酒味小食要左水牛城雞翼，個汁再辣d仲正媽媽要左香煎西班牙豬扒，塊扒好厚！蘋果醋汁好清新令人好開胃小店要多多支持！下次會再黎…查看更多

只從搬返去舊址之後就成日黎變左飯堂😂裝修又靚食物又好味 係元朗數一數二既西餐廳weekend黎到嘆brunch，基本上都坐滿最鍾意依個板燒牛扒白菌及瑞士芝士意大利軟包配洋蔥圈好貼心地切開一半方便進食~意大利軟包索左牛扒既肉汁，啖啖都好好味朋友叫左炭燒美國安格斯牛肉芝士漢堡配薯條薯條好厚切！見到都開心成個漢堡包好大個一口都咬唔晒🤤仲有碟鮮蟹肉扁意粉配蟹膏蝦膏及忌廉汁聽落都覺得好飽😂但的確真材實料，食得到蟹膏蝦膏！叫左杯鮮奶抹茶，有好靚既拉花🥰…查看更多

最近都會少出街食，可以慢慢補食評～本來收工過黎都諗住要排返陣隊，點知好好彩黎荃灣店既人少d好快就有位啦不過要搭枱坐得比較迫，似以前細個食茶記不過唔緊要啦，見隔離食常餐我地又叫左個，重有個煲仔飯常餐先上，正正常常不錯啦～炒蛋幾滑通粉唔過淋唔過鹹煲仔飯先係重頭戲！上到枱熱辣辣！加d豉油再焗一焗有好多飯焦🥰好開心啊食到停唔到平時成日叫減肥既我差d食晒成個，好彩懸崖勒馬…叫男朋友食快d！！不過下次黎會帶多2個朋友一齊坐卡位舒服d～…查看更多

平日都比較少到美孚吃飯今次因為送朋友既關係搵到依間小店試下~感覺係舊式茶餐廳，但企企理理都算乾淨menu都好多選擇，價錢唔貴見到好多人叫餸食菜飯但朋友病左我地都係分開一人一碗麵好d✨雪菜肉絲水餃麵 $39朋友食既佢覺得d雪菜好好味湯底唔會好味精湯餃子又大粒👍🏻✨酸辣鴛鴦餃麵 $48餃子都係好大粒好飽滿！不過鴛鴦餃我無問係咩餃XD兩種都好好味酸辣湯底平均得好好唔會酸得濟/辣得濟感覺就咁飲酸辣湯都夠飽！食唔曬d水餃😣✨油菜 $17✨熱豆漿 $5…查看更多

網上見到依間cafe d相好吸引，環境好似幾舒服咁~就過黎試下咁啦平日既晚上6點已經坐滿8成好彩我地早到唔洗等就有位，7點後已排長龍menu上有日式拉麵便當烏冬、西式意粉、小食、甜品等，而價錢以樓上cafe黎講一d都唔貴咁我地叫左個豚肉咖喱烏冬$68、白汁黑松露煙肉蘑菇意大利麵$72、吉列忌廉蟹肉餅$38落完order後就靜靜地等啦，等下等下 半個鐘蟹肉餅都無個😥問左下係咪漏單後又等了15分鐘，途中我地都有諗過起身走但又好似好衰，終於係等左45分鐘後黎左咖喱烏冬✨其實已經等到極餓…咁拿拿臨食先啦個豚肉好鹹啊！！我都算重口味既人但真係連我都覺得鹹咖哩正常既…但我已經無咩期待之後既食物✨之後蟹肉餅到了，好脆好香口，入面好creamy，成餐最好食✨意粉都正正常常，反而偏淡味…黑松露味不突出，但煙肉同蘑菇份量幾多成餐只係影左個烏冬，因為第一印象差無心機影🥺但見到佢請既應該係d唔太健全既人士，比工作機會佢地，係依點上我好欣賞老闆，希望可以有改善…查看更多

係the one對面有間精緻既泰國菜，如果平日無留意開都好容易會miss左收工後黎到時間尚早唔洗等位整體設計較傳統泰式餐廳新穎漂亮光線充足又有卡位，闊落坐得舒服女生們聚餐或者親朋好友食飯都好適合~menu都係一般泰菜有既野，價錢收費合理係尖沙咀食泰菜不錯之選我地2個大食積叫左一份主菜兩份小食一份炒菜一份甜品！是日無泰北烏汶湯有d可惜~無試過諗住試下✨要左牛船河湯河粉，配料要左海鮮$98有大頭蝦、青口、魷魚圈、蝦仁、魚丸湯底好濃郁味道偏甜，食完唔會口渴應該無乜味精，河粉既份量都幾多，2個人分到兩碗有多！海鮮份量亦都多！又有大大隻大頭蝦！👍🏻✨炸蝦餅$68蝦餅唔似出面d入貨蝦餅，似自製雖然薄薄地唔會好厚，但炸得香脆食落有蝦味好juicy✨炭燒豬頸肉$78豬頸肉同蝦餅相比同佢相比普通少少可能因為炭燒既關係比較乾，但好香炭燒味✨飛天通菜$68菜都炒得唔錯！唔會太油係重點，咬落爽口✨芒果糯米飯$58糯米飯微暖，有一大碟椰漿伴碟，好食可惜依家既芒果唔係最甜…查看更多

西菁街既後面甚少行過去，但自開業就黎食過一次船麵印象不錯，依家知道佢係良心食店就更加要幫襯下啦～27號雖然係工作天但睇黎同我一樣有假放既人都幾多喎！餐廳都有8成滿座 上次試左牛肉船麵，今次就試下冬陰公湯麵啦✨冬陰公湯麵$58包飲品麵底揀左金邊粉，份量適中再試下個湯，眼見都幾辣但因為有椰奶中和其實唔會太辣酸辣酸辣咁好過癮！配料有豆卜青口蝦蟹柳，如果蝦係剝左殼就好啦🌝野飲要左青檸梳打，成枝梳打比我自己落👍🏻…查看更多

難得同朋友著靚靚食飯，想揀一間裝修靚少少既餐廳~依度環境靚而安靜，座位之間空間大坐得舒服而weekend brunch價錢合理既，食物不會太差，服務態度都好滿意~只在週末同公眾假期12-3pm 提供既all you can eat weekend brunch，每人要$350+1任食只有小食同沙律，主菜係四選一，飲品甜品要額外加錢，我地食小食都好夠，就無要甜品基本上小食都試晒，佢跟返你人數咁比你，唔會話浪費，每樣都好食✨比較特別既有Pani Puri，睇名唔知咩黎😅係有個波波，自己塞餡入去食既，特別又好味而主菜部分比較令人失望…✨黑松露意粉好奇怪，d意粉斷開，個意粉醬又水水的無乜味✨火腿有點普通，唔係難食而係有唔抵食既感覺，佢下面d薯蓉好食✨海鮮反而ok既~✨腸仔唔會難食~同埋個堆薯蓉好食！…查看更多

第二次黎食金子半之助，自從上次食過後一直念念不忘想再黎佢既特別之處係用胡麻油去炸，再淋上特製醬汁，到門口已經聞到陣好香既麻油味！開業幾個月人龍無之前咁誇張，但平日晚上黎到都係要等一等位餐廳得3款丼飯，分別係$98既天丼、$118既上天丼同$138既江戶前天丼，3款唔同在於你想食穴子/鱚魚/舞茸，我地今次就試左上天丼同江戶前天丼首先係上天丼，佢既特色係有鱚魚，炸左之後魚肉都仲係嫩滑，而且食材食得出新鮮既之後再撈埋中間既炸溫泉蛋食一流！而江戶川天丼有穴子，仲長過隻碗好誇張！穴子比鰻魚脂肪少d，炸左都無咁油膩但女仔食好似有點太飽了，可以同店家講要少飯因為無食過日本店無得比較，但個人覺得香港店都做得唔錯～已經諗定遲d同朋友再黎食過～…查看更多