TobyYu6867的個人專頁

自從開通左屯馬綫之後一直都好想去九龍城行吓 搵吓嘢食依家放個聖誕長假終於可以做到了今日同男友喺小曼谷泰國美食 (南角道)食咗個好豐富嘅lunch 我哋總共叫咗六樣嘢 ⋯⋯ 😱呢度值得推介 而又係最出名嘅椰汁雞湯我好鍾意佢哋用個小爐仔熱住個湯首先佢有淡淡的椰子清香味之後就係嫩雞 香茅 小蕃茄 香草嘅濃郁味道可惜男友唔鍾意椰汁 / 椰子食品所以我一個人飲晒成碗湯 lu 🤓🙌🏻 大滿足 ～～～除此之外我哋仲叫咗：香茅豬扒拼泰式臘腸飯配甜豉油汁原來泰式臘腸好味過廣式嘅勁多倍O M G 唔夠喉無骨海南雞船粉船粉不過不失海南雞份量都好多唔鍾意食辣嘅朋友可以試試泰式炒雜菜蔬菜同醬汁嘅混合 味道啱啱好唔會太醎 而且芥蘭夠爽豬及雞串燒 各一串 我好鍾意配埋小曼谷嘅沙嗲汁而且豬肉又燒得好香小曼谷原隻芒果糯米飯唔記得咗叫侍應後上呢個甜品如果趁熱食嘅話更加好味椰汁份量同糯米飯嘅配搭非常好 ☺️…查看更多

放假走去太古行吓因為食得太多商場入邊嘅餐廳 食到厭晒所以行咗去太古工廈區嗰度搵食入到AGE 呢度嘅氣氛好似去咗第二個世界咁播住啲法式音樂 燈光非常柔和都有少少 mood 侍應都好好人呢首先 我哋叫咗個：香脆蝦多士配華都夫沙律做前菜多士熱度適中配住菜沙律食係冇咁油膩主菜喺海膽香煎帶子海鮮汁意粉配香蔥蛋醬我食到海鮮汁有少少海膽相當鮮甜意粉入邊仲有少少配菜炒埋一齊真係好正 ～最後有德國酥脆鹹豬手 配薄荷蕃茄汁同芥末餐牌本身係寫酸菜但上碟嘅係香草醬薯角做配菜好彩都算好食 冇失望得出嘅結論係呢間正廈西餐廳可以閒日再嚟食哦睇到 lunch set 幾抵食$90 有找 ～～～…查看更多

假期去到觀塘工廈區覓食成日都會經過中海日升中心但完全唔知有呢一間台灣老字號嘅食鋪聽講話呢度嘅滷味好值得一試咁我就同男友係點咗個午市套餐套餐名叫做「台北夜市人氣組合」有金菇 甜不辣 椰菜 米血榚 雞翼仲有少少酸菜 香蔥 麻油味濃配一碗珍珠米飯Wow ~~~ 一食就諗起自己幾年前喺台中東海夜市街邊掃街天氣涼涼地咁食熱辣辣嘅滷味嗚嗚 而家去唔到旅行唯有喺香港食咁有台灣味嘅好西安慰自己吧呢度除咗滷味好食手工香腸都唔錯$15得四舊仔雖然少咗啲食落喺有意想不到嘅熱同辣！辣到立刻飲返啖凍無糖烏龍茶爽哂 ^_^我諗喺呢度附近嘅打工仔應該會成日走過嚟食價錢唔算太貴又夠飽呢…查看更多

星期日 行完街實在太肚餓是但走咗去食水上人家鄉菜嘅菜館入邊嘅裝修好有特色周圍都掛咗好多漁農帽連吊燈個燈罩都喺呢呢度嘅侍應都算好人見我拎住好大袋野都比我坐低先等埋男朋友一齊就開始食大餐～我哋分別嗌咗：豉椒炒蜆鹹鮮蒸馬友^以上呢兩個餸喺優惠孖寶餐，抵到喊馬友一嚟到餐枱嘅時候就已經好熱夾一夾啲魚肉絕對喺十分鮮嫩食到停唔到口送飯一流 仲有⋯⋯菠蘿拔絲咕嚕肉瑤柱蛋白蟹籽炒飯不過不失唔錯唔錯原來而家食滿 $400 仲送一隻鹽焗奄仔蟹！對我哋來講真喺一個 bonus 啊 😊第一次食呢種蟹原來喺會用個 Gas 爐焗熱隻蟹 仲有個 Timer 計定15分鐘提我哋煲入面仲有一塊香葉一打開蓋 焗蟹個味道好有趣燶燶哋 鹹鹹哋 又香香哋仲有勁多膏！好似大閘蟹咁 ⋯⋯ 正呀如果我第二次想嚟食絕對係因為鮮馬友有同奄仔蟹 ～…查看更多

今日閒日夜晚同男朋友走咗去筲箕灣搵食形薈個商場開咗咁耐都係第一次入去好有新鮮感九井食堂同一層有牛角buffet但係我哋最尾都揀咗呢小餐廳一入到去見到裝修都比較新有好多日式小燈籠 壁畫 同埋 小碟環境都算優美舒適打開餐牌立即俾個雜錦刺身丼定食吸引住不得了 呢個價錢有一舊仔新鮮海膽我哋仲叫咗軟殼蟹沙律 海膽軍艦（1 客 2 件）親子丼定食（入面個茶碗蒸 d 蛋蒸到好滑 食得好舒服）五件軍艦 實在大滿足好飽呢～～～啊！提得一題係佢地仲有個飲品放題成人一個只係$13有汽水 咖啡 凍茶飲三杯熱柚子綠茶都抵哂！！！…查看更多

終於放假啦！！！今日同男朋友喺佐敦恆豐中心地下喺 Lockeroom Express 食平民價西餐！之前食過喺朗豪坊附近嗰間 Lockeroom Dining環境不但有球迷特色而且性價比高果然嚟到 Express 都不負眾望我哋叫咗 1客凱撒沙律水牛城雞翼 4 隻波士頓活龍蝦天使麵 配 白松露忌廉汁冰島鮮蝦菠蘿漢堡 (附炸薯條) 白松露忌廉炒惹菌 配 自家製蒜蓉包 (2件)凍檸茶熱柚子蜜實在好豐富呢要值得一讚嘅喺白松露忌廉汁相當出色好creamy 又有少少松露香味唔會好膩點埋蒜蓉包食 大滿足 ( ´▽｀) 啊！差啲唔記得佢哋有個自助添飲嘅甘筍湯添幾多都得 喺免費㗎雖然飲落剩係得碎濕濕嘅紅蘿蔔味道好濃郁 似喺用咗雞湯搭救 總括嚟講呢間西餐廳都值得一試！…查看更多

今日喺清風街搵抵食兼平靚正午餐去到火五越式牛肉粉餐廳因為男友要戒牛我哋就叫咗香茅美國黑毛豬扒撈檬 招牌小食拼盤 凍鹹檸雪碧 同埋凍奶茶兩個人嘅份量剛剛好呢要值得一提嘅喺鹹檸雪碧唔似其他餐廳淨係比一舊仔鹹檸你用匙羹拮佢哋有攪碎啲鹹檸仔所以每飲一啖都味道均勻 感覺好滿足 又鹹又甜另外食檬粉汁嘅時候檬粉汁入面有少少花生碎撈埋青瓜絲 紅蘿蔔絲 同埋炸蒜一齊食酸酸地又幾開胃真喺好啱而家咁熱嘅天氣食啊！！！小食拼盤更加出乎意料之外有六款小食包括青木瓜沙律 4件大蝦米紙卷 4件手作扎肉米紙卷等等 認真大件夾抵食！！！重點推介炸蝦春卷同埋香草大蝦熱辣辣又香口 食到停唔到口如果平日口痕又想食越菜我下次一定會嚟再試碗越式生牛肉河！😀…查看更多

今日放工同男友入咗大坑食肉骨茶餐廳都易搵差唔多行到大坑最篤篤就見到我地點咗呢度最出名嘅肉骨茶Waiter 好細心地見到有小火爐嘅火熄咗 主動幫我地加熱味道果然同我心入面諗嘅喺一樣好有濃郁嘅藥膳味 入口甘甘地排骨配甜豉油更加好味配一配白飯 剛剛好另外仲叫咗小食拼盤D 蝦餅同春手好脆卜卜十分香口好味一邊飲冰凍鹹檸七 一邊食香脆小食真喺好邪惡但治癒炒貴刁炒得好夠鑊氣如果加少少辣會更加出色如果閒日再入嚟大坑食肉骨皇都唔錯～～～…查看更多

Lunch time 咁啱行過牛頭角宜安街睇吓有咩食見到巷仔有間新開嘅小店原來係賣意粉 漢堡 同 海南雞飯見到價錢都幾抵食咁就試吓首先舖頭嘅內觀好有個性睇得出店主喺擺咗 d 心機喺設計度雖然冇卡位坐但一入到去個感覺好 warm 一個人嚟獨食都還可以係意粉之中黑松露醬配大蝦扁意粉一定係必食推介D 汁啱啱好夠 creamy 又唔會太膩扁意粉既硬度適中配埋個南瓜湯真喺好滿足 ( ´▽｀)下次要試埋漢堡同海南雞飯店主話佢哋每日一早新鮮煮雞埋單時仲見到街坊買海南雞返屋企睇嚟都幾搶手…查看更多

嚟到2019年最尾兩日梗係要善待自己同屋企人食飽飽 寫新一年目標 迎接2020呢一間去馬來西亞 mix 泰國菜同媽媽一齊食好豐富嘅晚餐首先嚟一個泰式拼盤鳳爪好酸甜入味春卷即叫即炸蝦餅彈牙香口緬甸雜菜薯仔d汁拎嚟送飯一流仲有馬拉盞炒通菜檳城炒貴刁值得一讚嘅喺有馬拉街邊小食嗰種風味平時茶餐廳係用咖喱粉炒貴刁呢度好有蛋香 豉油甜味配埋少少海鮮食呢四碟菜真係滿足啊！！！不過我記得銅鑼灣分店係有印度薄餅食唔知點解將軍澳依間冇呢？…查看更多

天氣終於開始凍約朋友收工後打邊爐最好不過！係銅鑼灣地區胡爐都算火鍋 top pick 之中數一數二今次試龍蝦湯卜卜蜆鍋侍應好細心等埋我朋友先開始喺我哋前面炒一炒龍蝦同蜆我仲見到有牛油同洋蔥增加湯底香味煮到咁上下侍應哥哥提我哋先飲湯果然利害個湯鮮甜到放咩食材落鍋都好有濃郁嘅味道一開波落手切牛肉 炸紫菜響鈴喺必點啊！！！仲有炸午餐肉又喺入哂味不過鴨血就正常蔬菜拼盤 d 菜都好新鮮呢再加一大杯啤酒雖然食法好麻甩間唔中豪吓都算 relax 一種吧！…查看更多

幾個月冇去韓國炸雞癮發作一個人走到旺角食炸雞放題梨滿園最新推出咗芝士雞咁就試吓！首先侍應姨姨好好人俾我遞咗兩碟前菜之後就嚟料啦！！！芝士炸雞鐵板上d 芝士熔岩好邪惡啊仲有拉絲~~~~~ 芝士紫菜雞蛋卷都可以試試加埋蕃茄醬同甜芥辣醬真喺唔錯間唔中滿足吓食慾都喺安撫自己嘅一部分仲有甜辣味炸雞甜得嚟又唔太辣味道好似炒年榚隻味好易唔小心食多幾舊呢今次喺夜晚嚟食炸雞放題如果下午茶時段去仲會再平少少叫埋紫菜卷抵食啊！！！…查看更多

以前在台中吃過鼎王記得環境十分舒適吃得很舒服食材新鮮湯底香而不膩第一次在香港打邊爐吃得這樣優雅氣氛很好侍應態度良好 有禮貌不停為你添加鴨血和酸菜鴨血煮得非常入味有口感任食這回事真的覺得划算今次點了鴛鴦鍋麻辣不嗆鼻又吃到香辣的味道啊酸菜酸度剛剛好有蕃茄 豬腩肉做配菜想不到在香港也能有種高質的感覺再點了一碟牛肉 老油條 豬肚 蛋餃 蟹滑浸油條在麻辣鍋真好吃吸收了湯底的精華啊！我想我會再邀請朋友過來試一試呢！！！！！…查看更多

唔知點解譚仔係有一種無法抗拒嘅味道有時係歐洲去旅行食得西餐多會突然好掛住食米線久唔久 我會同同事們一齊食譚仔放題放題意思係要點哂譚仔所有小食例如有尖椒皮蛋 土匪雞翼 蒜泥白肉 樣樣都好惹味呢三樣係必點！！！！！譚仔湯底之中酸辣係食得最「舒服」原因係辣又唔係好大辣嗰隻又可以治下辣癮有時太辛辣食唔到其他嘢 流哂鼻水 食到好辛苦咁就唔好了！！！一人一碗米線再配我最鍾意既墨丸幾碟小食 share 食一杯凍檸茶少冰清哂 認真滿足呢！…查看更多

難得可以早收咁就去咗 The One 食午餐俾自己 me time 一下odelice 一睇就知係法國西餐廳佢嘅環境設計都擺咗好多巴黎元素西餐廳來講佢哋嘅價錢都算大眾化我叫咗個 set lunch 蕃茄雞扒意粉蕃茄好足料 配料豐富雞扒煎得好香脆我一個人好快食哂之後叫多個朱古力醬 crepe 一搽 Nutella 喺任何包類或者甜品真心會食到唔停口 ⋯⋯最後飲埋一杯熱美式咖啡作總結餐廳仲好有心思係碟到放多一塊精美茶餅嘩！今次真係飽到上心口！！！…查看更多