葡富軒

营业中

休息中

位於氹仔嘅葡富軒 環境舒適優美，食物質素高，值得推薦👍🏻🔸酥皮蘑菇忌廉湯一向都好鍾意飲酥皮湯，果然無令人失望，好香牛油味，酥皮好香脆，連埋蘑菇忌廉湯一齊食，口應好creamy 真係好夾👍🏻🔸精選芝士&冷肉拼盤依個冷盤份量好大，芝士都有幾款選擇🧀，可以試哂唔同口感同味道嘅芝士👍🏻 冷肉切得好薄 配埋芝士同多士一齊食 口感豐富 唔會過咸☺️🔸主廚特製蟹肉釀蟹蓋依個簡直無得輸！蟹蓋入面有蟹肉芝士、碎蛋白、碎蛋黃。蟹肉鮮甜☺️ 撈勻後塗係麵包上面一齊食，真係好正 食到唔停口🙌🏻🔸烤乳豬配薯條及沙律 乳豬皮烤得超級香脆 皮脆肉嫩！一啖咬落去，仲食到乳豬嘅油脂香 超正，之後再食返沙律🥗 可以中和返烤乳豬嘅油膩感🔸葡式經典椰汁非洲雞依個餸菜係我地第一次食，味道都幾特別惹味！非洲雞加左花生醬同椰汁作為醬料，味道入哂落雞肉度，帶點微辣 好吸引🤩