葡富軒

营业中

休息中

今次再嚟葡富軒，裝修依然咁簡約舒服，白牆配葡式瓷磚，坐低就覺得好放鬆～二刷試咗幾款招牌菜，真係冇令我失望！芝士意大利麵（蟹肉&蜆）意粉煮得al dente，芝士汁超濃郁但唔會膩，蟹肉鮮甜，蜆肉又大隻，撈埋一齊食真係好正！烤乳豬皮脆到「咔嚓」聲，肉質嫩滑多汁，調味剛剛好，點埋個秘製醬汁更加分！特製蟹肉釀蟹蓋蟹蓋塞滿鮮蟹肉，加咗少少芝士焗到金黃，一啖食落去超滿足，蟹香爆棚！服務依然咁友善，上菜速度都幾快。今次二刷都keep到水準，下次一定會再encore！

呢間葡富軒食過幾次，因為個位置方便，又近銀河同官也街！之前幾次都忘記咗影相，今次終於記得！烤乳豬係我地每次必叫必食！因為我地係食肉獸，葡式烤乳豬同酒樓既吾同，呢d感覺味道有特別調味，塊皮薄d，都一樣脆！另外配咗d薯片！！白酒忌廉煮蜆，白酒味香濃入味，佢個忌廉味同樣好濃，兩個味道放埋一齊非常夾！蜆都幾大粒。龍蝦濃湯一啲都吾求其，仲有2舊龍蝦肉同埋法包，好傳統既一款湯，味道又夠濃！蟹肉釀蟹蓋，呢個主廚特製，個人幾推薦！因為已經拆好哂蟹肉，可以大大啖食，仲可以用法包加蟹肉一齊食！

位於澳門的葡富軒主打傳統葡國菜，環境充滿歐陸風情 🏛️服務親切周到 💁是品嚐地道風味的好去處！ 10分推薦🍄 酥皮蘑菇忌廉湯，酥皮金黃酥脆 🥐輕輕一戳即融入濃郁的蘑菇湯中，忌廉香滑🥛蘑菇鮮味突出，每一口都充滿層次感 💫絕對是必點前菜！ 🦐 葡式海鮮湯飯用料十足 🌟大蝦、青口、蜆肉等海鮮鮮甜彈牙 🦪湯底以番茄 🍅 和香料熬製，酸甜開胃 😋米飯吸飽湯汁後依然保持口感，風味濃郁卻不膩口，令人回味無窮～ 🍗 葡國雞同樣出色👍🏻雞肉嫩滑入味 🐔醬汁以椰奶 🥥黃薑和橄欖 🫒 調製，香濃帶微甜，搭配馬鈴薯 🥔 和黑橄欖，完美展現葡國菜的獨特風味 🇵🇹！ 整體而言，葡富軒菜式地道且用心 ❤️值得一試！ #葡富軒 #澳門美食 #葡國菜 #海鮮湯飯 #酥皮湯 #葡國雞 #澳門必食 😍🍽️

餐廳氛圍溫馨，有葡萄牙風情裝潢，適合朋友聚餐或家庭聚會。菜式擺盤講究，分量適中，海鮮新鮮無腥味，乳豬香氣撲鼻，入口即化。價格合理，性價比高，是想品嚐地道葡國菜的不錯選擇。🤩🤩🩷🩷

今個星期又過咗澳門玩足一日仲食咗餐豐富嘅葡國菜《葡富軒》餐廳裝橫充滿異國風情坐得舒服😌打卡一流ღ白酒蒜蓉炒蝦大蝦新鮮彈牙，白酒提鮮無腥味，蒜蓉香氣逼人，每啖都有微濃酒香同鹹香，食落好開胃ღ馬介休球外層炸到金黃酥脆，入面嘅馬介休口感細滑，魚味鹹香融合薯仔鮮甜，食落外脆內軟，層次分明ღ白酒忌廉煮蜆蜆肉飽滿鮮甜，白酒與淡忌廉醬汁香濃不膩，掛汁一流ღ里脊牛扒牛扒肉質嫩滑帶肉汁，外脆內嫩，牛味香濃ღ葡富軒焦糖布丁布丁滑順綿密，蛋香濃郁，入口即化，味道又唔會太甜ღ(♫ ♪ ♫ ¢яєαмfυи ♫ ♪ ♫ (¯`◕‿◕´¯)ღ

今次試咗呢間葡國菜，真心驚喜！🍤白酒蒜蓉炒蝦一上枱就聞到蒜香，蝦肉爽彈又入味，白酒嘅香氣好突出，必嗌！咁多道菜，我哋最鍾意呢個🍝蟹肉蜆芝士意大利麵呢碟意粉超邪惡哈哈，蟹肉同蜆肉份量都算好足，芝士汁濃郁但唔會太膩，意粉煮得啱啱好，掛汁一流🍮葡富軒焦糖布丁為成餐畫完美句號！焦糖脆脆哋，布丁滑溜蛋香濃，甜度剛好，食完仲想encore！整體來講，環境舒服，服務貼心，食物質素幾高，會再嚟試其他菜式！推薦!

澳門必食特色葡菜，呢間一直都係口袋口單之一，終於有時間過去澳門食❤️🫶🏻馬介休球馬介休球外皮金黃酥脆，內裡則係鮮嫩魚肉。搭配自製醬汁，味道鮮美，鹹香適中🤤🫶🏻炙烤馬介休將馬介休經過炙烤後，魚肉香氣得以充分釋放。外層略帶焦脆，內裡卻保持濕潤，口感層次分明👍🏻🫶🏻葡式炭烤八爪魚葡式炭烤八爪魚將八爪魚經過醃製，再經過炭火上慢慢烤制，八爪魚更加入味。肉質鮮嫩，外皮微焦，帶有炭燒獨特風味😋

同班friend搵食搵到呢間「葡富軒」，位於官也街附近既葡國餐廳，附近仲有唔小打卡位，超推薦，我地點左幾樣，推薦以下菜式：《葡式烤雞》真心正，皮脆肉嫩仲juicy到爆，連胸肉都唔鞋口，地瓜條仲要甜過初戀～《馬介休球》炸到金黃香脆，入面鹹香綿滑，點埋蛋黃醬食真係停唔到口！最驚喜係《炒豬肉配葡蜆》，豬肉入味唔韌，蜆肉鮮甜冇沙，個汁撈薯仔食超夾！ 環境乾淨企理，服務幾好，價錢仲要好合理。溫馨提示：晚市幾旺場，最好打定電話留位啊～

最近因為有好多show要去澳門睇嘅關係，所以去澳門嘅次數變得頻密，今次去銀河個邊睇，晏就去咗附近一間餐廳食葡國菜 lunch，平日唔多人，坐好耐都無人趕。馬介休球一碟有6粒，炸得夠乾身，唔會好油膩。炙烤豬肋排大大份，最岩同人share，用葡萄牙波特酒醬，幾入味，個人幾鐘意佢配粗身蕃薯條，仲有少少沙律菜，balance下。葡式炙燒香腸，呢道菜一上枱就火光紅紅，我以為係炙燒好左先上枱。睇得又食得。葡式里脊牛扒有d似漢堡扒，有幾塊薯仔墊底，仲有隻煎蛋。

今次去到氹仔葡富軒係人氣葡國菜餐廳😍最出名馬介休球，外脆內軟，魚香味道突出，食完仲想Encore。芝士蟹肉花蛤意大利扁麵都好正，芝士醬濃而不膩，海鮮份量足，意粉彈牙。飲返支礦泉水，感覺唔會太heavy。餐廳環境寧靜，服務細心，非常推薦！雖然餐廳細細間，但好有葡國風情，值得回頭！#葡富軒 #氹仔美食 #澳門餐廳 #馬介休球 #芝士蟹肉意粉 #葡國菜推介 #澳門必食 #本地食評 #海鮮扁麵 #葡國小店 #黃怪獸吃喝玩樂

澳門舊城區必試葡國菜風味葡富軒漫步澳門舊城區，餐廳室內裝修暖黃燈光，配上傳統磁磚，拱門與彩繪瓷盤勾勒濃郁南歐風情。精選美食推介葡式芝士海鮮意大利扁麵 濃郁白汁mix葡國芝士，拉絲乳香瀑布！入面有虎蝦、青口、魷魚，被芝士包裹，超邪惡！扁麵掛汁，啖啖飽滿層次，芝士控必點！ 招牌烤乳豬 皮肉卜卜脆，脂肪滲入肉層，肉質軟嫩不柴。蘸上葡式醬汁，清新酸香平衡油脂，好好食！葡式風味烤雞配地瓜條 Piri Piri辣醬是靈魂！雞皮烤得脆口，但肉汁鎖得好女，輕咬已經有微辣蒜香。瞬間清盤！

🐑白酒煮蜆，如果全盛時期船屋嘅白酒煮蜆係100分嘅話，呢度嘅白酒煮蜆大概係30分。不過我都要強調，而家絕對唔係船屋最全盛嘅時期。🐑葡式乳豬，尚算正常嘅，係皮脆肉嫩嗰隻，反而伴碟嘅薯片係好食得太多。🐑葡國雞，唔得，冇煱過嘅，味道方面，同香港連鎖式快餐店差不多啦。🐑酥皮蘑菇湯，唔得，個酥皮，唔夠多層數，又薄又淋，淋到上枱時已經凹咗入去；至於個湯，好稀，冇菇味又冇奶香，唔合格。🐑 Sangria，唉，睇顔色就知唔對路，毫無紅酒色水，而且好濁，口味似飲果汁多啲。

去到澳門嘅舊城區，當然要去食 葡富軒。葡富軒內有2層，環境非常舒適而寬敞，裝潢都呈現着葡萄牙特色。今日試咗☺️酥皮蘑菇忌廉湯😆每次餐廳有酥皮蘑菇忌廉湯，我一定會點因為 酥皮的香脆口感與濃郁的忌廉蘑菇湯形成對比，非常吸引。這家酥皮蘑菇忌廉湯，呈現金黃色澤，口感酥脆，散發著麵粉的香氣。忌廉湯口感滑順，味道濃郁，帶有蘑菇的鮮味。葡式風味烤雞配地瓜條葡式風味烤雞，又稱Piri Piri Chicken，是一道以其獨特的辣醬聞名的葡萄牙料理。風味烤雞表皮酥脆，外焦裡嫩清爽多汁並帶有燒烤風味的雞肉白酒蒜蓉炒蝦這是一款帶著少許的酒香的炒蝦。蝦肉爽脆而彈牙。最貼心嘅係，蝦已經去殼去蝦線，每口都係啖啖肉，超幸福去澳門一定要試吓呢間特色葡國菜餐廳☺️

All dishes are nice and served well, and they all taste and look as delicious as the photos on the menu.It is convenient to visit the restaurant and great for having meals with friends and family.However, it is a bit awkward that we must order our drinks and we cannot even have a glass of tap water. This arrangement is indeed disappointing, particularly on such a hot summer day.We do appreciate the special offer for the drinks after leaving constructive feedback, but it is not seemingly the offe

📍葡富軒 (氹仔舊城區)氹仔舊城區客商街31號地舖黎到澳門當然要食葡國菜啦！今次係氹仔附近見到間別具葡萄牙風味嘅餐廳，決定一於試試🤣-葡式海鮮湯飯呢道葡式海鮮湯飯海鮮配料超豐富，包括有蝦、青口、花蛤、魷魚圈，五顏六色賣相十分吸睛，而香噴噴湯飯飯粒都吸晒海鮮精嘅精華，相當入味，好好食🤤-葡式白酒炒花蛤葡式白酒炒花蛤除左有新鮮飽滿嘅花蛤肉飽滿，仲有淡淡檸檬汁作點綴，清爽嘅感覺作為開胃菜一流😋-葡式烤沙丁魚雖然呢道葡式烤沙丁魚賣相簡單，但沙丁魚炸得十分香脆可口，大人細路都啱食😆-炙烤八爪魚及黑毛豬柳串配波特酒醬意想不到嘅係呢道炙烤八爪魚及黑毛豬柳串，煙韌彈牙嘅八爪魚同油香軟熟嘅黑毛豬，透過微微香醇嘅波特酒醬，搭配得相當得宜又好食，呢道絕對值得一試🤩