唐吉柯德

营业中

休息中

今日喺澳門氹仔舊城區行行吓，發現到一間超級正嘅餐廳，可能因為我自己本身對西班牙菜情有獨鍾，所以見到呢間感覺有少少西班牙風嘅就覺得勁吸引，後來先知原來呢度係澳門唯一一間提供正宗西班牙菜同地道葡葡牙菜嘅餐廳！今日叫左烤葡式香腸，烤得香口又入味，用嚟送酒真係一流！然後當然要叫我好鍾意嘅西班牙式薯仔炒蛋，薯仔同炒蛋係兩樣我覺得勁好食嘅嘢，將佢哋炒埋一齊，真係正！混合沙律夠清新可口，酥炸魷魚啲魷魚好大隻，亦都炸得好酥脆！西班牙式海鮮飯更加係必點，海鮮又新鮮，份量又多，飯嘅軟硬度亦都控制得剛剛好！