氹仔峰景餐廳 (已結業)

其實好多年前已經聽過n咁多個介紹話去峰景餐廳食蟹粥好正, 趁住上個星期成班friend一齊過大海, 我就堅持一定要去食呢間, 結果多年0既好感就俾一餐不知所謂0既晚餐幻滅哂!! 是晚我地一行8人叫左一窩蟹粥, 大蝦粉絲煲, 炸鯪魚球, 秘製雞翼同蒜蓉炒菜心. 第一道就先上蟹粥, 不過亦都係最失望0既一道, 咩鮮甜完全無, 剩係一味死咸!! 我地個個只係食左半碗就棄權勒. 其實我唔介意佢整唔出水準唔夠鮮甜, 但點都唔好俾煲咸到嗱脷0既粥俾人嘆啦!! 連招牌菜都做唔好, 其他餸梗加唔駛講, 味味都係咸得無道理咯! 當晚因為有煙花睇, 所以全場爆滿, 但我真係好奇怪點解其他人好似無咩反應咁, 唔通澳門人好食得咸?

回程要係氹仔搭船, 所有選左呢間我地8:00船, 7點黎到都好多位望住新蒲京同日落既靚景點左細蟹田雞粥, 炒豬雜, 同炸蠔蟹粥好好味~炒豬雜, 我諗都ok,,無異味, 不過其實我唔係好大興趣豬雜所以食得唔多生蠔都ok啦, 唔係好大隻, 不過都唔會唔生鮮兩個人嗌得唔多野食, 不過個粥就真係幾回味食完激死人魚翅麵, 食番好味蟹粥都叫留番個美好印象臨走問一句點搭車, 職員好熱心咁答又話如果落到樓下無的士, 我地搋下手就會幫我地叫車

聽朋友介紹... 專登晚上約10時半坐的士過來...叫了蟹粥, 炸鯪魚球, 田雞煲...蟹粥 - 味道好arificial, 係甜, 不過唔係鮮甜... 味道好濃, 不過唔覺得係蟹味, 唔會再幫襯炸魚球 同 田雞煲 - 正常不會考慮再去另外... 服務唔ok... 唔知係唔係因為佢地趕住收工... (收12點)

寻晚同女友在澳大温完习，念住夜食，本来女友提议去一向都有质素保证的新宝，但系之前有个兄弟同我讲过话峰景都几出名，我地又未吃过，所以呢次去试下。 上到去，可能已经10点，剩系得一台情侣在吃野。我同个女友讲笑话”没人GE？我地唔会比人捉水鱼挂。。。“点知真系中招。 我地叫左三样：峰景蟹粥（$98)，姜葱生蚝煲($56)，蚝油菜心($33)。 峰景蟹粥: 开头拿上来的时候觉得感觉不错，粥低之绵滑是吃过那么多之中算是比较好的，一落口感觉都OK香甜，而且仲见到一点点的蟹黄。但系越吃越唔对路－－越吃到底的部分，越甜，而且甜得很不自然，好明显是用糖勾出来的。而且一大煲粥里面只有半只蟹！！唔通那只蟹是超浓缩铀，可以辐射到成大煲粥？甘就要卖$98！ 姜葱生蚝煲：1、蚝的火候根本就过了，蚝汁已经没晒，缩埋得少少成个蚝仔甘，剩系得个”韧“字；最严重的是，那些蚝吃起来也不新鲜的；2、量少得惊人。其实个名应该叫做”多姜葱少蚝仔煲“，我帮女友毕左几只蚝之后我去装第二碗居然只有一只在我的碗内，全程就在姜葱堆中”寻宝“。估计数埋晒不够15只 蚝油菜心：引

請朋友幫忙訂位, 六點半去到未有太多人.因之前已食太多野, 我地一行四人叫左一個細蟹粥, 米通魚球, 炒菜.兩年前去食過, 果陣大讚, D粥好有蟹味. 但估唔到今次黎, 勁失望, 少蟹之餘無乜蟹味, 甜味唔係一般既鮮甜.米通魚球, 外貎很好, 食落都很脆口, 但有少少"SEND"還很~甜?菜就炒得很好.

剛好過來澳門 , 當然要吃我最愛的蟹粥 , 這次去了朋友推薦的峰景 , 在氹仔坐巴士大約 15分鐘車程. 6點左右就到 , 沒有客人 , 由於人數不多 , 只叫了一小窩來試 , 等了差不多10分鐘 . 真是色香味區全 , 粥好綿 , 蟹膏又多 , 共有 4 隻蟹腳 , 全部也有肉 , 不過 , 粥的甜度真的令人懷疑是否加了糖 . 另外 , 再叫了米通鯪魚球 , 本身不太好鯪魚的 , 但是 , 買相實在太吸引 , 沒有理由不試 . 好脆 , 就好像魚蛋的爽口 , 沒有骨 , 正 ! 之後再加個炒菜 , 好鮮甜 !每碟菜的份量好多 , 我們叫的份量足夠 4 人吃 , 最後剩餘好多 , 我就打包了米通鯪魚球帶回香港給朋友家人試試 !下次再來澳門的話 , 一定帶朋友來試 !

25-27/9澳門之行, 一提到澳門, 老婆就想食蟹粥, 於是上openrice搵料, 剔除一些惡意的食評外, 發覺在澳門的老牌蟹粥, 都有今非惜比的問題, 於是乎就揀一間最吸引我同太座去食的啦.結果就mark低了峰景餐廳.原本到澳門的第一晚行程安排係去食翅及禾蟲, 結果因為打風關係陶陶居休業一天, 所以就改變行程, 到峰景食蟹粥.峰景位置一點都唔難搵, 過完澳氹橋就立即見到, 不過搭車走就麻煩了. 巴士常滿, 空的士又唔到佢果個位.講番食野.我同太座點了一個細蟹粥 - 絕對值得一試, 食得出俾以前的差, 只怕將來會更差, 為何這樣說?1.唔係用水蟹 而係用冇乜肉既肉蟹. 相信只前一定唔係.2.有一種並非海鮮鮮甜的甜味, 我太座懷疑係落了少量冰糖.米通鯪魚球 - 米通好脆, 好有特色, 不過鯪魚肉太散.3.青島大啤食完之後, 老實講絕對值得一試, 叫做見識過囉, 不過我唔會返轉頭再食.因為真係比想像中曳.

米通鯪魚球(超級推介!!) - 彈牙! 熱食又正凍食都好味. 因為食唔晒pack返酒店消夜送紅酒, 仲正呀!! 薑蔥生蠔煲 - 呢個麻麻地, 蠔就好細隻, 但勝在多薑蔥. 味道一般啦. 鑊仔蒸鱔- 都幾大碟, 好新鮮, 味道唔錯. 峰景蟹粥- 招牌蟹粥好鮮甜 免茶水及加一服務費總括黎講, 係應該一試. 記住打去預訂先, weekend去有排你等!

見到openrice咁多人話好食，於是決定今次一定要品嘗一下．之前都是去誠昌，需然也不覺得好味，但又搵唔倒第二間好食，所以去完又去．故此今次對峰景是抱有很大的期望．星期一晚沒有定位，坐的士去，晚上七點不算多人，菜單明顯比誠昌的選擇更少，於是先點了蟹粥和菜，再唸吓叫什麼．粥上得非常快，蟹完全沒有味道，需然樣子是新鮮但味道沒有，奇怪粥非常的甜，甜得有點跨張，明顯是雞粉的味道．生菜也煮得太久，過咸．其餘的菜也不想點了，是關大部份都是蝦和雞，其他肉類十分少．算了，決定走吧，再出去搵食．食客多為澳門人，海景被天橋阻隔，可惜．失望，只能講句名過於實．．．

大概5年前同朋友係澳門食過氹仔誠昌的水蟹粥, 一直都對佢念念不忘, 今次有幸到澳門工幹數天, 當然要去會一會佢啦! 坐上的士跟司機說要去氹仔官也街誠昌食0野,佢就同我講而家的誠昌已經唔再好食喇, 因為店已經賣咗比香港人, 原來的伙記都已離職, 要食翻以前的口味, 就要去峰景餐廳......., 好彩司機沒呃我(除咗兜路),一食落口, 粥依然軟綿如惜, 而且鮮甜無比, 真係太好食了,我食咗成4碗, 如果係香港一定打包再食... 再叫咗一個炸田雞同蒜蓉炒生菜.....炸田雞係喱度的名菜, 係好脆, 但個人覺得個炸槳有d厚, 反而喜歡簡簡單單的炒生菜, 冇花巧, 但夠獲氣, 而且食到生菜的甜同脆, 直得一讚........ 係就係遠d,從利澳酒店去坐咗50蚊的士, 不過好滿足.

D粥好綿冇化水,蟹又新鮮,其他小菜一般但都okay,老細超好笑口,staff都好helpful,可以再試!

一家人(11人)冒名前往晚飯，事先電話留座。上到二樓女侍應用手指指張長枱叫我們坐下來，可能出名掛唔休做，4-5個女侍應好似睇場咁企在收銀機旁。(可能驚打劫要保護收銀機)水蟹粥.....非常OK,不過可能唔係季節,蟹本身都得,就係蟹黃D油水唔夠。椒鹽粉腸幾得,夠粉夠味。鑊仔蒸鰻魚絕對要點名一試,好好..新鮮肥美。其他菜色真係唔多,水準普通都唔緊要,最慘不忍睹係食物重凍過D冷氣,尢其是白灼的食物。

星期日同2位姊妹join左個威尼斯人特價package,第1晚就黎食:-水蟹粥(小),好甜,粥底好綿,好多蟹糕響粥入面,雖然蟹份量得半隻到,但蟹肉好鮮甜,份量都可以,每人都添到幾碗(細碗仔)-椒鹽鮮魷,麻麻,鮮魷無味,但都唔厚粉-蝦,唔記得名,用chilli,蒜頭脆炸而成,好正-蒜蓉生菜,出乎意料,炒得好好食,蒜蓉唔會太多,清碟食完都無口渴,滿意!食左2佰幾,服務幾好,那個男的老闆好nice!

Crab congee, prawns pot and EELnot bad, and quite cheap

行完新開的威尼斯人，真係驚世之作，環境好靚商店密集，漁人碼頭相比下變得空曠單調。搭的士見排哂隊都怕奶野趕不到黎食飯因訂左位，好在出面0的服務員好有條理，係多人排隊不過佢地效率都好快，不一會就到左峰景了﹗來澳門十萬九千次，知呢道出名不過都係第一次來﹗睇餐牌原來呢道可食的送菜不多，主要是蟹、蝦、雞。當然點左最想食既海鮮粥再加多個秘製雞件。海鮮粥即係蟹加蝦粥，蟹是羔蟹，全窩充斥著蟹糕香，粥底開哂花食落好綿，果然名不虛傳，全澳門最好味的蟹粥就在此處﹗秘製雞件是炸鮮雞塊，面灑椒盬入口野味﹗炸粉不厚，入面雞肉不乾身仲有肉汁軟身，用黎送粥一流﹗呢道人不算多，不過講真佢既賣點可望到氹仔橋海景就有少少言過其實，因有成條行車橋在門外頂住個view的﹗如你來過的話你會明我講什麼的﹗