影片
更多
2008-08-09
53 浏览
大概5年前同朋友係澳門食過氹仔誠昌的水蟹粥, 一直都對佢念念不忘, 今次有幸到澳門工幹數天, 當然要去會一會佢啦! 坐上的士跟司機說要去氹仔官也街誠昌食0野,佢就同我講而家的誠昌已經唔再好食喇, 因為店已經賣咗比香港人, 原來的伙記都已離職, 要食翻以前的口味, 就要去峰景餐廳......., 好彩司機沒呃我(除咗兜路),一食落口, 粥依然軟綿如惜, 而且鮮甜無比, 真係太好食了,我食咗成4碗, 如果係香港一定打包再食... 再叫咗一個炸田雞同蒜蓉炒生菜.....炸田雞係喱度的名菜, 係好脆, 但個人覺得個炸槳有d厚, 反而喜歡簡簡單單的炒生菜, 冇花巧, 但夠獲氣, 而且食到生菜的甜同脆, 直得一讚........ 係就係遠d,從利澳酒店去坐咗50蚊的士, 不過好滿足.
张贴