影片
营业时间
今日营业
07:00 - 23:00
星期一至日
07:00 - 23:00
以上资料只供参考，请与餐厅确认详情
相关文章
☸️宝石妈妈美食好介绍☸️宝石妈妈一直都爱去酒楼饮茶架，但宝石妈妈唔钟意一早饮，因为一早饮茶太饱了。所以今次介绍全日都有得一盅两件既好地方。得闲饮茶 Let’s yum cha 有好几间分店，我最钟意去太子分店，好近太子港铁站，钟意几时去去得！今次约了三五知己一齐去，因为咁样先食得多款式呀。得闲饮茶 Let’s yum cha主打传统和特色创意点心，所有点心即叫即蒸，用心制作，点心价钱又平民化。老板曾担任大酒楼的点心部总厨，30多年做点心经验。曾参加香港旅游发局主办的比赛「2011美食之最大赏」﹣荣获至高荣誉金奖、甜品创意大奖、虾饺之王美誉。虾饺系一定要叫的点心，这是饮茶的规矩，亦系对饮茶的专重。之后要叫返个虫草花鱼翅灌汤饺好好怀念以前，当爸爸妈妈叫得灌汤饺，一定系有好事发生了。酱皇蒸凤爪，山竹牛肉球系妈妈至爱，而我最爱的是凤爪汁同牛肉球的喼汁。黑金流沙包绝对系一款武器，因为热辣辣贪快食，一定会焫亲架，就算放冻左都系好好味，但真系要小心，流心包好流好容易滴到衫架。春风得意肠系香脆可口。锅巴什果沙律绝对系童年滋味。千岛酱脆皮萝卜糕系大推，因为我好爱佢个种外脆内软既口味，配左千岛酱既香甜，我一个可以食一碟啰。最后叫左蒜蓉蒸虾饭，用蒸笼蒸，真系干爽而且虾味入晒啲饭入面。正！原来最近大众点评颁发必吃榜荣誉，Yahoo Food ，多间港媒，大陆媒体都有采访虾饺之王。如果饮茶饮到闷闷地，想食不一样的点心，就真系要去得闲饮茶试试啦！✳️得闲饮茶 Let’s yum cha ✳️✳️香港太子运动场道7B号地舖✳️#太子 #太子美食#食好西#美食#聚会#foodie #高质 #香港美食 #pollywings_foods#香港探店 #香港必食#吃吃喝喝的日常 #美食日常#香港美食 #香港旅游攻略#饮茶#点心#一盅两件#炖汤#肠粉#流心包#叉烧包#虾饺#烧卖
继续阅读
夜晚想食点心🥧揾到系太子地铁站附近就有呢间点心店，地理位置好方便。落单系用QR code📱茶位每人$6，无另收加一。我地两个人总共叫左6样野😌点心全部都系即叫即蒸😚𖤘 得奖虾饺王｜ᴴᴷᴰ𝟹𝟼见到呢个名 无办法吾嗌啦！虾饺皮薄烟韧 里面虾肉爽口弹牙😋𖤘 沙嗲金钱肚｜ᴴᴷᴰ𝟹𝟷呢个我超中意！沙嗲汁极浓郁！金钱肚完美地索晒d汁 好入味！😍𖤘 龙虾汤鲜竹卷｜ᴴᴷᴰ𝟹𝟹呢个组合几创新！卖相好吸引🤩鲜竹卷索晒汤汁 咬落去爆晒d汁出黎 劲满足🤤而且虽然佢浸系汤度 但表皮仍然保留到少许脆度👍🏻不过美中不足系 吾系好食到龙虾味.🤔𖤘 蜜汁叉烧肠｜ᴴᴷᴰ𝟸𝟿由细到大 饮茶都必叫肠粉🤣呢度嘅肠粉皮颇透薄，可以从表面睇到里面嘅馅料。而且个叉烧馅都几足料，塞满满的😋𖤘 千岛酱脆皮萝卜糕｜ᴴᴷᴰ𝟹𝟹有别于传统嘅香煎萝卜糕.呢款萝卜糕绝对够创新！加入左柴鱼片同埋千岛酱，即刻变左好似食章鱼小丸子咁！估吾到呢个组合又几match 㖞！𖤘 蒜香虾春卷｜ᴴᴷᴰ𝟸𝟾春卷炸得香脆干身 吾会好油.内馅有虾肉，另外仲有d椰菜。食起上黎除左口感更丰富之外，加入左蔬菜中和一下 感觉无咁腻添！整体点心质素都吾错😋😋下次可以再黎encore试多啲其他款式😌
继续阅读
其实唔觉唔觉太子都有好几间点心店，大部份都几好食，包括今次我要介绍嘅呢一间同样唔错🧡🌟得奖虾饺之王 $36写明得奖咁梗系要叫😆入面真系满满嘅虾肉，爽弹鲜甜，虾饺皮仲带点烟韧😙🌟香菇烧卖 $32虾饺同烧卖系必食之选吧🤪猪肉馅肥瘦适中，香菇嘅鲜香同肉汁嘅甘甜，咬落去馅料好juicy🤩-🌟椰香黄金糕 $22越嚟越少酒楼做呢个啦🙂↕️佢呢度有得食蒸嘅，冇咁油腻🧡一笼三件😚入口软糯中带少少黏性，QQ弹弹好好食🥹🙌🏻椰香好出但唔会太甜，作为甜品或小食都咁正😋🌟千岛酱脆皮萝卜糕 $33呢个可以称得上系中日合璧！好特别！萝卜糕炸到圆柱形状，配上千岛酱同柴鱼碎片，同以前饮豉油或者甜酱嘅感觉非常唔同，酸酸地同萝卜糕都算几夹，而且唔会抢咗萝卜糕嘅味🙌🏻不过如果多啲腊味就好啦😗🌟黑椒牛仔骨蒸饭 $46虽然卖相唔系几靓，但份量十足，我哋两个人每人「不」咗两小碗都仲有饭😆牛仔骨煮得够淋，黑椒味香浓但唔会太辣，啲汁渗落下面嘅饭度，捞饭好好食😚 呢间点心店虽然唔系大集团，但点心质素绝对拍得住酒楼🧡好食过稻香好多😫茶介系每人$6，一啲都唔贵😙
继续阅读
🥟 得奖虾饺之王（$36）虾饺只只饱满，皮薄晶莹通透，馅料足，虾肉大只爽口弹牙，惊喜位系中间包有笋粒，正宗嘅虾饺馅系有笋，估唔到系呢度可以食到🥢 灌汤小笼包（$30）小笼包好饱满，包皮厚薄适中，唔会一夹就穿，而且汤汁多，一咬落去就爆汁，蘸上有姜丝嘅醋一齐食就更加提升鲜味🖤 黑金流沙包（$36）黑金色流沙包好吸睛，包身好松软，入面包左奶香味浓嘅流沙奶黄馅，一咬落去啲奶黄即刻流晒出嚟🍄🟫 野菌素粉果（$26）粉果晶莹通透，形状美观，馅料十足，入面包有粟米，冬菇，红萝卜同芫荽，对于钟意食清淡嘅朋友系一个唔错选择🦞 龙虾汤鲜竹卷（$33）龙虾汤配鲜竹卷呢个组合出面好少见，鲜竹卷外皮酥脆好足料，龙虾汤闻落味道好香但味道唔算好浓🥢 凤爪排骨饭（$42）凤爪大只腍身够惹味，排骨肉质松化又入味，饭粒比较软绵绵，整个饭份量多🥄 虫草花木瓜炖猪骨汤（$30）好似饮紧屋企嘅住家汤咁；饮落有瘦肉嘅鲜味，又唔会盖过虫草花嘅菇菌香；炖汤好足料，无味精；顺带一提，呢款汤只系每月嘅16-31号先有🍳 3.6牛乳太阳蛋（$26）佢系由炖奶同香橙啫喱组成，炖奶用咗3.6牛乳整成，非常嫩滑奶香味浓，略嫌甜左少少但配上味道唔太甜嘅香橙啫喱一齐食就啱啱好，香橙啫喱嘅橙香味比较淡🫖 茶位（$6/位）唔收加一服务费
继续阅读
寻日嚟过见排晒队，今朝一早再嚟「挑战」⋯⋯早嚟唔使排，真系「得闲饮茶」⋯⋯二条友已经好劳力，特登叫多几款试真啲～沙爹金钱肚(优)得奖虾饺之王糯米鸡龙虾汤鲜竹卷春风得意肠千岛酱脆皮萝卜糕3.6牛乳太阳蛋玛卡炖竹丝鸡先嚟春风得意肠～咬落去口感层次好丰富，肠粉皮有水准～好食。招牌虾饺～同样个皮一样出色,入面净虾仁调味啱啱好，系比一般嘅酒楼好。龙虾汤鲜竹卷，卖相同色水都唔错，但个龙虾汤无味，鲜竹卷亦一样，净系个色同「相」可以，无「内涵」。千岛酱脆皮萝卜糕，上网睇果时同上一个鲜竹卷都有啲期望，但现实系当你食第一啖之后，你会谂～又千岛酱又咁厚炸浆入面又系粉～肥死🤣，所以我第二旧系，整走晒啲炸浆至食，发觉原来入面净粉连腊肉都无，而且仲要无味，原本啲味净嚟自个酱同上面啲柴鱼片。糯米鸡，正常味道，入面唔系传统多啲蚝油色果只，而系你见到右下角橙橙红红果只。沙爹金钱肚，都几重沙爹味，正常发挥，唯独啲豆卜，好似事后放落去，个色同一般放底入晒味的不同，都收货。炖汤，好清，味唔浓，唔知系咪因为一早，所以未够火，我个人觉得欠火喉。呢个甜品，我个人几欣赏同钟意，口感有啲似炖奶，真心不错。回头度：6/10食咗八样嘢埋单$270,呢个价钱同今日系星期日，真系好扺 扺食。暂时觉得唔系所有点心都出色，整体合格有余，下次试吓其他。以上纯粹个人食后分享，绝无收取任何报酬或优惠，对以上言行，本人原意承担一切责任。
继续阅读
您可能会有兴趣的...