得閒飲茶

营业中

休息中

星期日差少少十二點去到門口，等兩張枱，好快就有位。蝦餃（$36），餃皮夠彈性，夾起唔易穿，蝦肉餡一般，唔算太爽口。燒賣（$32），豬肉餡紮實，有彈性，不錯。鳳爪（$25），醬汁夠濃味，鳳爪有咬口唔會太腍身，不錯。潮州粉粿（$22），一般，梗係好似差啲嘢咁，但又講唔出。蔗糖馬拉糕（$30），鬆軟，微甜，可以。龍蝦湯鮮竹卷（$33），個汁真係唔錯，將脆卜卜嘅鮮竹卷浸滿湯汁一齊食，味道更豐富，推薦。紫薯流沙煎堆仔（$32），即炸，外層脆脆米，中層紫薯糯米皮，最入面流沙蛋黃，三重口感，而且味道亦不錯，推薦。京蔥香煎菜肉包（$26），即煎，油咗少少但可接受。包底微脆，餡料京蔥味欠奉，一般。茶錢每位$6，免收加一服務費。整體食物質素可以，收費合理，但座位較逼。

🥟 得獎蝦餃之王（$36）蝦餃隻隻飽滿，皮薄晶瑩通透，餡料足，蝦肉大隻爽口彈牙，驚喜位係中間包有笋粒，正宗嘅蝦餃餡係有笋，估唔到系呢度可以食到🥢 灌湯小籠包（$30）小籠包好飽滿，包皮厚薄適中，唔會一夾就穿，而且湯汁多，一咬落去就爆汁，蘸上有薑絲嘅醋一齊食就更加提升鮮味🖤 黑金流沙包（$36）黑金色流沙包好吸睛，包身好鬆軟，入面包左奶香味濃嘅流沙奶黃餡，一咬落去啲奶黃即刻流晒出嚟🍄‍🟫 野菌素粉果（$26）粉果晶瑩通透，形狀美觀，餡料十足，入面包有粟米，冬菇，紅蘿蔔同芫荽，對於鍾意食清淡嘅朋友係一個唔錯選擇🦞 龍蝦湯鮮竹卷（$33）龍蝦湯配鮮竹卷呢個組合出面好少見，鮮竹卷外皮酥脆好足料，龍蝦湯聞落味道好香但味道唔算好濃🥢 鳳爪排骨飯（$42）鳳爪大隻腍身夠惹味，排骨肉質鬆化又入味，飯粒比較軟綿綿，整個飯份量多🥄 蟲草花木瓜燉豬骨湯（$30）好似飲緊屋企嘅住家湯咁；飲落有瘦肉嘅鮮味，又唔會蓋過蟲草花嘅菇菌香；燉湯好足料，無味精；順帶一提，呢款湯只係每月嘅16-31號先有🍳 3.6牛乳太陽蛋（$26）佢係由燉奶同香橙啫喱組成，燉奶用咗3.6牛乳整成，非常嫩滑奶香味濃，略嫌甜左少少但配上味道

「得閒飲茶」原來唔單止係口號😂太子有間「得閒飲茶」真係飲茶架👍🏻👍🏻太子一向都比人感覺係酒吧街其實都有好多唔同種類嘅嘢食今次已經係二訪🥶決定幫佢寫個食評先🍴藥膳雞腳 $36個人認為必食！ ⭐️5-6隻雞腳炆得淋又入味 次次碗湯都一定要飲晒😋暖胃🍴蒜蓉粉絲蒸墨魚仔 $38呢個辣辣地 粉絲仲要索晒啲汁 好惹味🍴千島醬脆皮蘿蔔糕 $33加咗千島醬同木魚碎 甜甜酸酸我當佢係甜品咁食🤣就算凍咗個皮都勁脆朋友話熱辣辣仲正🍴 XO醬菜苗餃 $32作為菜苗餃粉絲既我 基本上食親點心 都一定會嗌不過今次呢個餃皮比較厚身 餡料味道唔太突出 普通左D🍴原籠蒜蓉蒸蝦飯 $54本身鐘意食蝦既我，上次見到隔籬枱個叔叔食得好滋味🙈今次決定叫黎試下點知，蝦既新鮮程度同肉質都係一般上次個肉餅飯仲好食 😩 🍴龍蝦湯鮮竹卷 $33俾佢「龍蝦湯」三個字吸引咗🤭鮮竹卷味道就正常，個人覺得個味就比較淡啲但朋友話支持 因為出面少見🤭兩個人 六樣野 味道唔錯 好滿足茶錢每位 $6 仲要冇加一 推介！

平日放假好想飲茶食點心，人少少同老媽出去搵食啦，當然想食好西啦！上網搵吓邊到食方便，食完又可以去行街街消化吓，見食評唔錯兼有得奬點心，地位置又方便，咁就去試吓！可能係平日去，入面客人多為街坊客，見隔離枱的荷葉蒸飯都好正好大份， 心諗應該無㨂錯食店。掛住食影漏了個香茜牛肉腸，雖然個腸粉皮厚，皮真的超級滑，好好食。總的算不錯了，以街坊價錢食到有水準的點心，最高興是全部點心都係熱辣辣的，實在難得，真的CP值高！可惜廁所太差了，老媽去方便返來通告，佢地個水箱漏水，我都不敢使用！

🍔食物質素：👍🏻👍🏻👍🏻👍🏻💵價錢性價：👍🏻👍🏻👍🏻👍🏻📸打卡指數： 👍🏻👍🏻🪑環境衛生： 👍🏻👍🏻👍🏻👍🏻🤵🏻店員服務： 👍🏻👍🏻👍🏻👍🏻咁岩得閒，所以去左''得閒飲茶''食點心傳統高質點心。想知道又靚又好玩地方?    fai.lok.mode仲會係社交平台分享相片同攝影心得 ______________________________ 第一次黎，都係叫"餐廳推介"就最好，得獎蝦餃之王  ( $34 )可能心理作用，見到佢有得獎過，好似都特別好食，皮薄餡靚，推介。香茹燒賣  ( $28 )燒賣大大粒，肉餡都好實淨，好抵食。春風得意腸 ( $38 )春風得意腸 就係腸粉包住春卷，上面放左少少蟹籽，中間個春卷蝦餡都大隻。龍蝦湯鮮竹卷  ( $31 )本身係因為龍蝦湯汁，所以先叫鮮竹卷，但淨係點龍蝦湯，個鮮竹卷無咩龍蝦湯味，要淨飲龍蝦湯汁先有味。千島醬脆皮蘿蔔榚 ( $30 )雖然好新穎配搭，但感覺唔係好夾，有啲失色係個脆皮炸得少少硬同乾。牛仔骨蒸飯  ( $44 )鍾意食牛的朋友仔要必點，fai.lok一般飲茶食點心，都會叫一個飯，牛仔骨蒸飯就真係好少有，牛仔骨煮得一點都唔韌，肉質鮮嫩

而家都有好多點心舖，想食 #點心 唔一定要去茶樓，見呢間得閒飲茶平日一點幾都仲有人排隊等位，價錢又ok，仲要茶錢只須4蚊位，所以就試下佢～ 唔好以為茶錢咁平就冇得揀茶，都係同平時酒樓一樣可以叫自己想飲既茶，不過都係大路茶款喇😛#得獎蝦餃之王 🦐🏅❣️#蝦餃 皮薄，皮質地唔粉，紋路蒸完都仲係好靚，一口size👍🏻滿滿既蝦夠爽彈，調味岩岩好，果然係得獎之選HKD32#龍蝦湯鮮竹卷 🍲以為係蒸既鮮竹卷，點知原來係將炸左既鮮竹卷放落龍蝦湯度，鮮竹卷預先切半方便食，如果龍蝦湯可以多啲龍蝦味就好喇HKD30#春風得意腸 💐❣️腸粉夠滑唔厚，入面包住炸皮加蝦仲有粟米紫椰菜，仲有蟹籽係面，一邊咬一邊係囗入面爆開🤪，一啖享受滑脆爽甜HKD37#鳳爪排骨飯 🐥🐷🍚好大籠，3-4人分都夠，半肥瘦排骨同鳳爪正常，金鳳米粒粒分明，有荷葉墊底，吸收晒鳳爪排骨既精華，啲飯係重點🤣HKD38#潮州粉果 🥟❣️佢啲餃類既皮都做得幾唔錯，唔厚微煙韌，粉葛香蔥加花生粒正，鐘意既可以點埋辣油～別有一番風味HKD19#咸水角 🥚❣️熱辣辣炸起好香脆，好多時酒樓咸水角會造到皮好厚，但呢度既咸水角皮夠薄，餡料有蝦米豬肉同菜脯，岩晒鐘意香口

得閒飲茶唔係口頭禪，係真架！小編今次同朋友嚟到太子分店，行過見到個名咁得意，就入去食喇，點心嘅性價比仲好高添😆😚龍蝦湯鮮竹卷🦞 $30鮮竹卷賣相吸引，放得十分精緻。龍蝦湯上6小卷吸收湯汁後，外脆內軟好滋味😘懷舊香菇燒賣(4隻) $26燒賣大大粒，真材實料，超級滿足！醬皇蒸鳳爪🐤 $21醬香蒸鳳爪，十分入味，炆得軟腍。原籠牛仔骨蒸飯🦬🥩 $44籠仔飯份量夠，牛仔骨肉厚，加上用荷葉伴底蒸，荷香牛骨味撲鼻。韭黃鮮蝦腸🦐 $29蝦仁鮮甜爽脆，腸粉滑嫩，配上韭黃令整碟蝦腸更加鮮甜😍蟲草花冬菇棉花雞🐔 $30蟲草花做點綴賣相討好，雞件非常嫩滑，魚肚軟腍入味，一碟真係唔夠侯

💛得閒飲茶·我哋超耐無食點心 所以之前禮拜六就專登嚟咗太子食呢一間😌·春風得意腸$36 l 蟲草花花膠灌湯餃$30 l XO醬菜苗餃$29我哋本身就係俾佢個春風得意腸吸引 果然真係幾好食😈佢出邊個腸粉好滑 之後中間有一層薄脆 入邊仲有好多蝦膠 豬肉 粟米粒咁 口感超好😋之後佢個灌湯餃都勁有驚喜 佢個灌湯餃本身就正正常常啦 反而佢個湯係超清 飲落超舒服 而且佢仲有舊有膠質嘅花膠仔同埋超多蟲草花 我地幾鍾意🥰之後佢個菜苗餃都係好食既 佢入面好多菜苗 口感好好 而且個皮唔會太厚 配埋佢個XO醬超惹味🤤🤤·陳村粉蒸排骨$25 l 椰香黃金糕$18 l 龍蝦湯鮮竹卷$30難得見佢有陳村粉 所以我地就嗌左 佢口感唔錯既 就係腸粉同河粉既混合物 不過佢蒸既時候好似無摷散佢先 所以有少少一舊舊🤭不過佢個排骨都ok既 之後佢個黃金糕就正正常常啦 煙煙韌韌咁 有淡淡既椰子味🥥最後個鮮竹卷我自己就覺得麻麻地啦 佢個湯無咩味咁 所以就算索完汁都無好特別咁🤔·#rbyeat#rby港式#rby💛#rby太子·📍太子運動場道7B號地舖📍元朗谷亭街13號傑文樓地舖