Zappy (已結業)

成日都黎銅鑼灣,今次搵到間樓上西餐。真係好容易錯過,太多餐廳啦呢區。呢間野真心正!本身見佢價錢都唔貴,以為質素似樓上CAFE果類。但D食物真係好高質。我叫左個主菜再加88蚊轉餐,有牛肝菌湯,無花果沙律同埋玫瑰JASMINE茶,並唔係D行野。每樣既份量仲好多添呀!每一樣食物都係一道一道咁上。牛肝菌湯好RICH好CREAMY,無花果沙律既無花果好鮮甜,花茶好清香,店員仲提我飲既方式添。而個主菜我叫左個海膽SAUCE牛油果蟹肉意粉,好夠味又好健康。呢度既裝飾好有格調,好田園又好文青,有畫有擺設。地方雖小,但真係一個好寧願既環境,好岩談心,最重要既一點係性價比高,店員有禮。連D水都有檸檬味,唔係TAP WATER既TAP味。讚!