Goobne Chicken (屯門時代廣場北翼)

营业中

休息中

今日有朋友喺外國返嚟，佢其實就係以前喺外國一齊讀書嘅朋友，今次佢仲帶埋個細佬一齊返香港，我第一次見細佬，問佢想食乜嘢，佢就話想食韓國嘢，咁我哋咁啱又喺屯門喎，所以我就提議去屯門時代廣場嗰度食。呢到更加有chi pi chi pi set，$388，可以自己選combo，剛好有我想食嘅嘢：辣椒脆烤雞同pizza。 一坐低我就已經推薦佢哋一定要試辣椒脆烤雞，一上枱嘅時候，細佬雙眼發光，話好彩咁大碟，因為其實都好怕香港好多餐廳都好細份，唔夠佢食，然之後到佢食咗之後，更加好開心咁話呢隻辣椒醬真係用上平時喺外國食開嘅韓式辣椒醬，辣辣地甜甜地，加埋超脆嘅外皮，真係勁好食。之後我哋傾開偈，問佢多數平時晚餐食乜嘢，佢竟然答我為外賣炸醬麵，於是我就提議不如叫個炸醬炒年糕等佢試吓邊度好食啲。佢食完之後都大贊，話呢度個醬嘅質感剛剛好，唔會黐住個嘴，但係又夠濃味，加上年糕口感好好，唔會過硬 ！最後我哋就叫咗一個芝加哥薄餅，始終因為有三個人，就叫咗九吋，食落都剛剛好。雖然冇諗過韓國餐廳嘅薄餅會有幾好食，但係真係比到驚喜我喎，夠多芝士，加埋餅底仲keep到暖暖哋，我覺得都算好有誠意！