Chumchummi (已結業)

九龍貿易中心2樓嘅一個望住正門的位置有呢一間好有文青風格嘅韓國餐廳，侍應都係韓國人，令到間餐廳更有韓國氛圍。正常來到都係為咗佢嘅醬油蟹而來，香港韓國餐廳都幾多下，但可以食到醬油蟹嘅餐廳並不是太多。“醬油蟹套餐”有成隻大大隻嘅蟹同埋一大碗紫菜飯，隻蟹肉厚多膏，見到黃色D膏已經流曬口水，柔軟入味的蟹肉，蟹膏撈埋紫菜飯，滋味無窮。“蔬菜紫菜飯卷+炸雞+調味炸雞”因為有蔬菜做飯卷令到呢餐炸雞有少少健康的味道，加廿蚊就有兩隻餃子令到成件事更加豐富，再來杯 喜歡的Pineapple juice成餐飯就非常之完美啦。