小火焰韓式咖啡廳 (樂富廣場A區) (已結業)

平日行開樂富都留意到新開嘎呢間韓式餐廳，今日終於約埋一堆好友一齊炸雞燒酒啦！鋪頭好闊落，空間超大，裝修好時尚，加埋Kpop音樂，都十分有韓feel。店員安排位置好快手，Menu真系勁多野，前菜、小食、主食連飲品厚厚一大本，好彩QR code落單都方便。韓餐肯定唔少得前菜啦，三色泡菜，個人比較鐘意距地個海帶。醬油蝦+紫菜飯，大蝦質素非常好，食落有啲似日本甜蝦，味道鮮甜。燒豬頸肉配韓式辣醬，別有一番風味，豬頸肉醃制入味，又燒得十分香口。炸雞就肯定有嘎啦，同平時食開嘎炸雞唔同，層皮超級脆，而雞肉又好嫩，唔會柴，點埋醬真系超級優秀。吹脹水牛芝士牛肉真系好得意，溝埋曬一齊，味道好豐富，牛肉唔dry，唔韌。龍蝦炒辣年糕，個人覺得辣左少少，但系味道十分惹味，鐘意食辣嘎朋友應該都會鐘意。甜品芒果窩夫就稍微遜色少少啦，中規中矩吧。值得一提的是，距地飲品真系勁大杯，個人比較鐘意蜂蜜柚子同埋荔枝蘇打。