串噹噹

营业中

休息中

好local 嘅餐廳，冇華麗嘅裝修，但嘢食係好味嘅。地方細細，樓上有個閣仔。一坐低，因為未齊人，首先就叫咗個「避風塘燒賣茄子」食住先，一邊食一邊飲住啤酒，一樂也！今晚嘅主菜就係大家期待嘅「水煮魚」，好夠辣，食到嗰個雪雪聲，啲魚完全冇骨，配菜都好味，薯粉同埋萵筍夠腍又夠辣。另外我哋預先都預訂咗海鮮，夠新鮮，所以其實簡單嘅煮法，已經好好味，鮮甜。我哋都叫咗一啲串燒，例如牛舌、雞翼、雞軟骨，仲有雞泡魚乾，同埋炒咗個牛柳粒。