神石燒牛扒炸物專門店 (已結業)

同元朗人食飯，Yoho mall夠晒方便，連接住西鐵站😁又多嘢行。朋友加咗人工，當然要慶祝啦！揀咗依間新開嘅餐廳🔥🔥舖頭裝修都算幾簡約整潔，仲要播埋mirror既歌，成件事即刻年輕晒😆😆加人工請食飯咁大件事，咁梗係揀個最貴㗎啦😛😛我哋叫咗個「日本A5佐賀和牛二人前」，都真係幾高質🤔🤔係大快朵頤既一個晚餐😁😁點左餐之後，等緊食物上菜嘅時候，可以自己出去拎餐具，水，沙律，湯雖然舖頭唔係超級大，自助取食物嘅區域都有兩個，仲擺放左兩款唔同嘅湯。有雜菜湯 同麵豉湯，兩款都唔錯，唔會太咸。個餐好豐富，好多肉呀😋😋厚切牛舌 有驚喜！ 食落同平時嘅牛舌好唔同，牛肉味香濃，比較軟身，似牛肉，幾好食👍🏼番薯條都唔錯，好香甜，有少少似食緊薯條，但係又有少少似食緊甜品。黑豚，豬扒肉味清甜，好食👍🏼美國極級黑安格斯牛膈肌上枱嘅時候，只係兩面輕輕煮過，兩成熟左右，趁石板仲係熱辣辣，我哋都不甘示弱，將舊肉放上去燒一燒，肉質又幾嫩喎～～牛肉味比牛吞更突出👍🏼👍🏼重頭戲！A5和牛😍😍性價比即刻爆升！首先用牛油刷下熱石 放和牛落去，每面幾秒，就放落口😌😌咬兩下就溶化晒，得100g，我地都食到舔舔脷。我自己就比較鍾意原汁原