更多
2020-11-29
227 浏览
煮左好多日饭，今日想轻松啲，系OpenRice 睇下有咩抵食外卖自取，见到呢间越南菜算平就试下。香葱鸡配油饭($63)鸡胸加全翼位，份量正常，鸡胸都几嫩滑。油饭睇相就知唔匀，似系装好白饭就咁倒啲黄油落去。汁酱齐全，系海南鸡点嘅酱，其实的确系似一个海南鸡油饭多啲，都见唔到香葱嘅😂香茅猪扒汤河粉（ $58 ）汤面分上，但卖相麻麻地，同埋点解可以一块猪扒有咁多骨？有一半都系骨。猪扒调味够，但略鞋。会安小食拼盘（ $54 ）入面有素菜米纸卷，炸虾饼，煎扎肉，同埋蒜香牛油鸡翼。米纸卷皮烟韧，入面都真系好素菜，好清新嘅感觉，要靠点汁先有味😂扎肉同埋虾饼就普通正常货色啦，仲热嘅。蒜香牛油鸡翼蒜味唔突出。整体来讲喺Yoho入面呢个价钱唔算贵，食物质素都算正常，但如果唔介意行多几步喺元朗街头应该会揾到更多更好嘅越南菜。
香葱鸡配油饭($63)鸡胸加全翼位，份量正常，鸡胸都几嫩滑。油饭睇相就知唔匀，似系装好白饭就咁倒啲黄油落去。
汁酱齐全，系海南鸡点嘅酱，其实的确系似一个海南鸡油饭多啲，都见唔到香葱嘅😂
香茅猪扒汤河粉（ $58 ）汤面分上，但卖相麻麻地，同埋点解可以一块猪扒有咁多骨？有一半都系骨。猪扒调味够，但略鞋。
会安小食拼盘（ $54 ）入面有素菜米纸卷，炸虾饼，煎扎肉，同埋蒜香牛油鸡翼。米纸卷皮烟韧，入面都真系好素菜，好清新嘅感觉，要靠点汁先有味😂扎肉同埋虾饼就普通正常货色啦，仲热嘅。蒜香牛油鸡翼蒜味唔突出。
整体来讲喺Yoho入面呢个价钱唔算贵，食物质素都算正常，但如果唔介意行多几步喺元朗街头应该会揾到更多更好嘅越南菜。
张贴
