影片
更多
2021-10-13
962 浏览
今日又同男友黎到元朗搵食, 成日去YOHO都會經過呢間西班牙餐廳, 一直都想試下! 今日又經過就決定食佢啦!店員好細心介紹當日既優惠, 有二人套餐, 亦可以單點, 單點MAIN既話如果再嗌窩夫仲可以有6折!而且紅白酒Sangria仲有第二杯半價既優惠我同男朋友見到MENU既野食好吸引, 所以就決定左單點迷你牛油果蟹肉沙律 $78係MENU上見到係有條辣椒仔既, 食第一啖就驚訝左, 因為真係有辣汁既味 難怪佢唔係蟹肉沙律醬果種, 而係將沙律菜撈埋牛油果粒同蟹肉口感好實在, 因為真係食到有牛油果粒而且有少少辣汁吊一吊沙律菜同牛油果味, 好特別牛肝菌蟹肉意燴飯 $128係menu上見到好creamy既risotto ! 最鐘意食白汁既我就緊係唔會放過啦果然賣相同menu一樣, 都係好creamy好濕潤意大利飯既熟度係岩岩好, 唔會太過生導致咬落去好實好痴牙, 但亦有少少咬口唔會太過軟淋淋蟹肉份量亦唔少, 有好多既蟹肉絲撈左係Risotto到 誠意之選!十二小時慢烤西班牙乳豬伴焦糖菠蘿 $268店員有特別推介呢一味西班牙乳豬, 話好受歡迎, 當然要試試佢. 雖然西班牙乳豬係好出名既西班牙菜,
店員好細心介紹當日既優惠, 有二人套餐, 亦可以單點, 單點MAIN既話如果再嗌窩夫仲可以有6折!
而且紅白酒Sangria仲有第二杯半價既優惠
我同男朋友見到MENU既野食好吸引, 所以就決定左單點
迷你牛油果蟹肉沙律 $78
係MENU上見到係有條辣椒仔既, 食第一啖就驚訝左, 因為真係有辣汁既味
難怪佢唔係蟹肉沙律醬果種, 而係將沙律菜撈埋牛油果粒同蟹肉
口感好實在, 因為真係食到有牛油果粒
而且有少少辣汁吊一吊沙律菜同牛油果味, 好特別
牛肝菌蟹肉意燴飯 $128
係menu上見到好creamy既risotto ! 最鐘意食白汁既我就緊係唔會放過啦
果然賣相同menu一樣, 都係好creamy好濕潤
意大利飯既熟度係岩岩好, 唔會太過生導致咬落去好實好痴牙, 但亦有少少咬口唔會太過軟淋淋
蟹肉份量亦唔少, 有好多既蟹肉絲撈左係Risotto到 誠意之選!
十二小時慢烤西班牙乳豬伴焦糖菠蘿 $268
店員有特別推介呢一味西班牙乳豬, 話好受歡迎, 當然要試試佢.
雖然西班牙乳豬係好出名既西班牙菜, 但真係第一次係食
先講用作配菜既焦糖菠蘿, 用新鮮菠蘿作配菜真係第一次見, 仲要加左一層脆焦糖係面, 酸酸甜甜, 好好味
主角乳豬外皮好脆, 同中式既乳豬好唔同, 中式乳豬外皮脆得黎會比較厚, 而呢到既西班牙乳豬就比較薄, 唔會感覺太油膩
肉質亦偏軟熟
Sangria 350ml (Red / White Wine) $58/1
我地每人一杯Sangria, 第二杯有半價
好多生果肉, 足料 而且好大杯! 雖然係350ml, 但一個人飲岩岩好
最後我地2個人食左around $600, 以地理位置, 食物質素, 服務態度等黎評價, 覺得呢個價錢係合理的, 久唔久食餐好既
张贴
