影片
更多
2023-09-15
117 浏览
打卡可以，食嘢不了！-睇到IG foodie嘅推介，和朋友共3人，在8月尾一日夜晚去食。-食物：「玫瑰」麻辣韓式燉雞 $228黑松露芝士炸醬拉麵配煎蛋 $98辣炒小章魚五花肉 $158White炸雞配脆脆薯格 $178BBB刨冰啤酒-青蘋果味 $98-加埋一，總共$825（人均$275），係完全唔飽，完全冇食到好味嘅野食嘅滿足感，所以食完我地係仲去其他地方食返個pancake平復心情嘅。-炒小章魚五花肉、炸雞配薯格和刨冰啤酒，味道唔錯，份量唔算好大份，價格見仁見智，我覺得叫做少少貴但都算合理。-至於燉雞同炸醬拉麵就真係伏中之伏🆘「玫瑰」麻辣韓式燉雞，好難食，雞件大件，份量幾多，但完全冇味，食落覺得係冰鮮雞髀肉完全冇醃。以本人嘅理解，「玫瑰麻辣」即係應該用牛奶、茄汁、韓式辣醬三種煮成一個有奶味香濃甜辣的濃稠醬汁，但依個燉雞嘅「湯」，好似麻辣湯底包，落多左好多水，非常稀，唔講奶味，連香、辣、咸都冇乜。配菜有薯仔塊、紅蘿蔔塊、韓式粉絲，薯仔同紅蘿蔔都好大舊，而且冇另外先煮過，所以食到食完都未煮熟煮軟，直頭食唔到，而粉絲就係就咁買到嘅正常粉絲，但係放左落咁嘅湯入面煮都冇味。黑松露芝士炸醬拉麵配
-
睇到IG foodie嘅推介，和朋友共3人，在8月尾一日夜晚去食。
-
食物：
「玫瑰」麻辣韓式燉雞 $228
黑松露芝士炸醬拉麵配煎蛋 $98
辣炒小章魚五花肉 $158
White炸雞配脆脆薯格 $178
BBB刨冰啤酒-青蘋果味 $98
-
加埋一，總共$825（人均$275），係完全唔飽，完全冇食到好味嘅野食嘅滿足感，所以食完我地係仲去其他地方食返個pancake平復心情嘅。
-
炒小章魚五花肉、炸雞配薯格和刨冰啤酒，味道唔錯，份量唔算好大份，價格見仁見智，我覺得叫做少少貴但都算合理。
-
至於燉雞同炸醬拉麵就真係伏中之伏🆘
「玫瑰」麻辣韓式燉雞，好難食，雞件大件，份量幾多，但完全冇味，食落覺得係冰鮮雞髀肉完全冇醃。以本人嘅理解，「玫瑰麻辣」即係應該用牛奶、茄汁、韓式辣醬三種煮成一個有奶味香濃甜辣的濃稠醬汁，但依個燉雞嘅「湯」，好似麻辣湯底包，落多左好多水，非常稀，唔講奶味，連香、辣、咸都冇乜。配菜有薯仔塊、紅蘿蔔塊、韓式粉絲，薯仔同紅蘿蔔都好大舊，而且冇另外先煮過，所以食到食完都未煮熟煮軟，直頭食唔到，而粉絲就係就咁買到嘅正常粉絲，但係放左落咁嘅湯入面煮都冇味。
黑松露芝士炸醬拉麵配煎蛋，完全唔值$98，就係炸醬公仔麵，份量都淨係一包嘅量，上面放左芝士同平嘅一罐罐果醬咁賣嘅黑松露醬同一隻煎蛋，可能煮完上菜又放左一放，一pat野唔係好撈得開。
-
環境：
新舖，行Y2K風，一入門口有超大隻嘅熊，入面又有啲籃球機、遊戲機等等，全部都係霓虹燈，鍾意打卡嘅話應該覺得好正，可惜我冇咁嘅興趣。
店入面長期播住超大聲嘅k-pop音樂，大聲到同朋友講野都有困難，我本人係會被嘈到有少少頭痛。
-
服務：
店員唔係好多，都幾忙碌，可能要等一等先會叫到，畢竟音樂太大聲，淨係可以等佢地望到你先得。上菜等都幾有禮貌，同埋我地個燉雞中途冇左火，都好快幫我地換左個爐，服務體驗不錯。
张贴