MX (荃灣廣場) (已結業)

今日特登拎半日假同老公食飯，由於已經三點，所以可以食下午茶餐，係MX見到XO醬撈丁餐幾吸引，就入左去食XO醬撈丁配素翅，熱奶茶$30XO醬味道香濃微辣，撈埋出前一丁食好夾！隨餐附上湯粉、麻粉一包，不過佢已經比左一碗上湯，所以我無落湯粉，一丁麵煮得適中，唔會過淋，如果你覺得硬可以加少少上湯一齊撈素翅都OK大碗，而且好足料，鹹度亦剛剛好，我最欣賞熱奶茶，MX熱奶茶採用黑白淡奶，成杯好重奶味，好滑好好飲XO醬撈丁配炸雞翼，凍檸茶$33老公同我食同一個餐，佢都讚個一丁好味，不過佢揀左炸雞翼，佢話雞翼味道好好，不過略嫌太油同難咬今餐食左$66，都算平靚正