影片
更多
2009-05-08
19 浏览
到了聖誕夜，同另一半過最開心不過，不過喺香港大時大節食飯最偒腦筋，度度都一早比人訂旺，又或者餐廳非常旺場，好似開哂派對咁，冇哂氣氛，中環正是一個好地方，假日例靜嘅中環，節日仍可保留少少西方嘅寧靜。想試呢間美心集團嘅Mezz好耐，見平時中午喺街度舉頭望上去都見坐滿人嘅，1. Blue Royal 藍色貴族 & Angel Gift 天使禮物 (Festive Drink) - 一杯係cocktail，另一杯係mocktail，同樣只係覺得略甜嘅特飲。2. Assorted Bread - Waitress親自手拎一盤麵包籃到你旁邊，比你慢慢揀選，質素幾好，鬆軟。3. Smoked Duck Breast with Avocado and Honey Mustard Dressing 煙鴨胸‧蜜糖芥茉 - 鴨胸拼梨，煙燻嘅濃味夾生果嘅淡味，清新怡人。4. Seared Scallop Vol-au-vent with Salmon Caviar and Green Pepper Sauce 輕煎帶子酥盒‧青椒汁 - 外層酥皮好鬆好脆，再加上大大粒嘅帶子，肉身非常彈口。5. Seafood
想試呢間美心集團嘅Mezz好耐，見平時中午喺街度舉頭望上去都見坐滿人嘅，
1. Blue Royal 藍色貴族 & Angel Gift 天使禮物 (Festive Drink) - 一杯係cocktail，另一杯係mocktail，同樣只係覺得略甜嘅特飲。
2. Assorted Bread - Waitress親自手拎一盤麵包籃到你旁邊，比你慢慢揀選，質素幾好，鬆軟。
3. Smoked Duck Breast with Avocado and Honey Mustard Dressing 煙鴨胸‧蜜糖芥茉 - 鴨胸拼梨，煙燻嘅濃味夾生果嘅淡味，清新怡人。
4. Seared Scallop Vol-au-vent with Salmon Caviar and Green Pepper Sauce 輕煎帶子酥盒‧青椒汁 - 外層酥皮好鬆好脆，再加上大大粒嘅帶子，肉身非常彈口。
5. Seafood Soup 香草海鮮湯 - 料嘅份量雖然唔少，但係唔算靚料，味道調較算過得去。
6. Sweet Potato and Leek Soup 甜薯蒜香湯 - 頗杰，而且稍凍嘅湯，薯仔湯嘅texture唔錯，第二度好少機會品嚐到。
7. Lime Sorbet 青檸雪葩 - 學法國餐食口雪葩清新一吓口腔，好等你食出主菜嘅美味。
8. Roasted Turkey Roll filled with Chestnut and Truffle 焗松露栗子火雞卷 - 份量係極小，聖誕唔係應該食聖誕大餐咩，乜份量小得咁可憐，火雞唔好鞋口，但味道冇咩特別，伴菜都係得三舊baby cabbage。
9. Oven-roasted Rack of Lamb in Consomme with Vegetables 清湯焗羊架‧鮮蔬 - 羊扒唔係應該用Rosemary醃嘅咩?? 唔係用煎焗方法咩?? 仲要用清湯煮，你估係食緊清湯腩咩......好在已經切咗片，事關舊肉都幾韌，唔係可能會仲食得辛苦啲。
10. Champagne Rose Mousse 香檳玫瑰慕絲 - 都算打得幾滑，但味道就唔太討好了。
11. Raspberry Layered Cake with Custard Sauce 紅桑子千層餅‧吉士汁 - 千層餅做得脆但唔鬆，可以話係硬，仲要疊到咁多層，真係一切就肯定散哂，好睇唔好吃，但除結構外，味道真的不錯。
12. Freshly Brewed Coffee or Tea 即磨咖啡或茶 - 普通貨式，只係器皿係靚啲，其實質素同佢地嘅快餐冇咩分別。
Comments: 講真，對呢一餐真係唔太大印象，但服務係酒店級，食物就中規中矩，勝在環境夠靜，可以慢慢談心，唔會驚隔離騷擾，係呢度最大賣點。
张贴
