風味堂 (已結業)

又來都食居酒屋嘅時候啦，太耐冇去日本啦，間唔中都要喺香港感受下日本嘅氣息😙近期大角咀真係好紅，越來越多餐廳嘅進駐，今次呢間都係值得推介嘅一間😎我哋叫咗一個午餐嘅鮮花甲蒜香粉絲鍋，同埋叫左蟹子蟹肉沙律，鱈魚乾，仲有幾串串燒🥰勁豐富，一上碟已經流晒口水首先嚟到嘅係鱈魚乾，炸到脆卜卜，非常適合配搭酒精嘅小食🤪然後花甲粉絲鍋嘅前菜，其中一碟係辣味牛肉，好有咬口，少少辣，幾開胃😋再嚟就係蟹子蟹肉沙律，啲蟹肉份量好多，就算食到最後一啖，都仲有蟹肉🤣仲要勁新鮮，一啲都唔腥聞到花甲粉絲鍋主菜出場啦，冇乜味精，入邊勁多配菜，啲花甲都好好食，夠晒煙韌☺️嚟到居酒屋，最好食嘅梗係啲串燒啦，平時食開啲牛肉串都係差唔多嘅味，今次有兩隻牛肉係令我非常難忘！其中一個就係安格斯牛柳粒，超有牛味，夠晒淋，冇乜筋，另外一個係牛舌腩，牛舌就成日食，牛舌腩真係第一次🤩勁厚身，厚身得來咬落去索索聲，勁有口感，真係必食之選！仲有一樣好有心嘅就係佢啲sake用咗一個冰桶裝住，慢慢飲都keep到個溫度😆成間餐廳嘅氛圍都好正，好適合情侶朋友黎chill😁