火鍋撚 (雲明行) (已結業)

Wow！！ 中環地段竟然有間火鍋專門店，真係少之有少，一定係特登開俾我呢個一年三百六十五日都可以打邊爐嘅我，方便我放工同buddy們去。叫咗個「媽媽滋補老火湯鍋」，打邊爐又想養顏，可以考慮呢個湯底。材料包括咗：淮山，杞子，圓肉，紅棗，蜜棗，陳皮，海底椰煲螺頭鷄。湯鮮甜，雞肉好嫩滑，飲咗幾碗同食埋d鷄肉幾轉。叫咗大嘅本地手切肥牛，肥牛一片一片整齊放係架上，有d整到玫瑰花咁，又有乾冰效果，賣相好得。肥牛厚身，有口感，牛味算濃。黑松露墨魚滑，蜂巢牛肚，牛柏葉等都好正。作為中上環之友，打邊爐達人嘅我，覺得太好了有呢間新店係附近。