Upper Bar & Restaurant (已易手) 新餐厅

小妹好中意食雞翼😍, 最近有同事話旺角有間樓上Bar有雞翼放題😱, 於是今晚就約埋都中意食雞翼嘅朋友仔一齊去試下! 餐廳環境幾大, 設有室外同室內, 小妹同朋友揀左係室外坐, 有微微涼風, 感覺幾舒服!🌟1234....GO🍹甜甜地果味重, 好有夏日感覺🌟Beach Side Peach🍹味道微酸清爽好解渴🌟鹽燒短骨肉眼扒16oz🐂🥩牛扒大大塊, 煎得岩岩好, 上枱時仲見到油份同肉汁係扒上流動, 牛扒外皮微脆, 食落牛味濃郁, 油脂甘香, 口感柔嫩極juicy, 價錢唔貴好抵食!!雞翼放題共有6種唔同口味選擇:🌟松露牛油雞翼🌟櫻花蝦燒雞翼🌟Hot炸雞翼🌟天婦羅炸雞翼配紫菜鹽🌟沙嗲燒雞翼🌟柚子蜜炸雞翼每隻都係即叫即整, 所以上枱果陣都係熱辣辣, 仲有少少油慢慢滲出嚟🤤, 雞翼肉質軟嫩超入味幾juicy, 值得一讚嘅係即使無睇餐牌都食得出係咩口味! 小妹就最中意松露牛油雞翼, 柚子蜜炸雞翼同天婦羅炸雞翼配紫菜鹽!