Wildfire (已結業)

今日同女朋友去赤柱走走, 去到去左赤柱正灘行行先。行到有啲餓之後, 原本諗住去泗益食返件油多士架, 但係去到先知佢逢星期二休息半日...要下次有機會先黎試返。黎到赤柱點可以唔去市集行下呢, 市集唔算大, 而且有瓦遮頭, 所以行得都幾舒服。沿路行埋去赤柱大街, 之後去美利樓二樓既wildfire問下佢個下午茶係幾點, 個侍應話三點開始有, 咁見仲有時間就去乘涼同hea下。三點返返去wildfire, 終於有得食喇!!坐低馬上點左個二人tea set, $79一個人, 一定要兩個人先食得架!!佢啲野都黎得唔算慢, 為左好野食, 等下都抵啦 xp佢成個set都幾豐富, 上層有一個自選8吋既pizza啦, 我地簡左帶子鮮蝦pizza。下層有吞拿魚三文魚卷, 煎雞翼, 炸大蝦, 芝士野菌多士, 忌廉泡夫 同埋 蛋白檸檬撻。我覺得最好食既係三文魚卷, 可能係我本人好中意三文魚既關係。煎雞翼聞落啲味好似品客薯片既bbq味, 但係食落同普通雞翼無異。炸大蝦個皮好脆, 隻蝦又好爽。芝士野菌多士件多士好酥。忌廉泡夫一般。蛋白檸檬撻啲蛋白啲甜度啱啱好混和檸檬達既酸味。而個pizza同一般出面食既pizza大