Amusement Eatery (已結業)

話說今日出咗長沙灣整電話 係附近搵咗間餐廳食個Brunch慢慢等 我嗌咗一個All Day Breakfast 一定要講嘅係佢嘅份量都幾大 尤其以薯角數量分分鐘係平時食西餐跟餐薯角份量嘅兩倍 啱曬我呢啲薯仔怪 All Day Breakfast入面有Egg Benedict 不過就唔係配Muffin 而係配軟包 個荷蘭醬調校得剛剛好 唔會偏酸 大啡菇亦都燒得剛剛好 菇味濃而且好Juicy 薯角炸到脆卜卜但依然食到滿滿蒜蓉 仲落咗啲Cajun Spice 帶少少香辣好惹味 另外仲有基本嘅配菜例如豬肉腸仔 卜卜脆嘅煙肉 同撈咗醋嘅沙律菜飲品方面就叫咗杯南美檸檬梳打 超級Refresh 然後佢哋唔係用普通糖漿作調味 係用蔗糖 所以都相對健康啲 聽店主講呢度嘅主廚喺南美返嚟 所以除咗呢度嘅飲品係南美主題之外 呢度有部分嘅食物都加入咗啲南美嘅元素 算係香港比較少見嘅 都幾特別