豐日本料理 (已結業)

同家人一齊黎食，夜晚十點左右黎到，訂左位既關係所以唔洗等，第二次黎呢度食放題，間鋪雖然係細，但質素真係唔錯。 食物種類亦十分多，有刺身、壽司、熟食，熟食都有成二十至三十款。其中必食推介係炒烏冬、蒜香牛仔粒、牛肉鍋。 炒烏冬非常之好食，鳥冬炒得好香，食完都想叫多次。蒜香牛仔粒，你試過就知道點解推介呢樣啦，用既牛肉唔會係cheap貨，汁又好香，真係非常之好味。牛肉鍋，有肥牛、紅蔔白、冬菇、白菜等材料，湯幾好飲。 刺身同壽司方面，份量係少o的，size真係是所未見的細。不過以一百蚊既價錢都覺得差唔多。而三文魚都唔算差，比好多二線日本餐廳優勝。 飲品方面，只要每人加$10就可以任飲，柑桔檸檬幾好飲，不過今日去賣晒，試左青蘋果綠茶同荔枝汁，前者唔錯，幾香青蘋果呼，但後者十分淡，唔推介。 而且有天婦羅同串燒供應，都十分唔錯。 以百多玩既貸錢食到款式多、服務友善、味道不錯既日本菜放題，算係咁啦。如果要雞蛋裡面挑骨頭，就係鋪頭十分細。不過我就覺得氣氛幾warm。但空調開得太大，有點凍。