大將 (已結業)

原本開開心心帶小朋友去食晏，點知門口帶位嘅waitress 態度十分惡劣，呢間店已經唔係第一次服務態度惡劣，每次門口帶位都黑口黑面。 今次我哋選佐60分鐘放題套餐，服務員已經好唔滿意好唔願意接待我哋，未夠60分鐘就過來催埋單，其實都唔係問題，問題係埋完單過佐一陣就要求我哋要離開，佢要執台，但其實當時冇任何嘅等位情況，我哋亦冇出去再挪嘢食，我哋只不過食鍋入面剩低嘅嘢，佢就要我哋馬上離開，言語間仲出口侮辱我哋，小朋友聽到都好唔開心。一直覺得呢間店味道還可以，不過服務態度就不敢恭維，真係好差嘅一次用餐體驗，估計冇下次，希望可以改善。