Hungry Monkey (海之戀商場) (已結業)

最近荃灣有好多大型燈飾，今晚落海旁附近影影相，之後再行去海之戀食晚飯。海之戀越開越多餐廳，最後選擇了一間鐵板燒餐廳。餐廳環境舒適休閑，有高身bar 枱位置，最入面還有桌球，最適合放工放鬆心情好好享受晚餐。餐廳二人前menu 做緊優惠，$398 已經有齊沙律，前菜，主菜，甜品，超抵吃！17碎半用上蘋果汁、荔枝、柚子、檸檬汁混合而成，味道清新又充滿果香。青蘋果蟹籽沙律青蘋果切成幼絲再拌上蟹柳絲，口感清爽香甜，面頭蟹籽令到整個沙律多添一份鮮味，作為前菜非常適合。蟹膏豆腐蟹膏味道濃郁，豆腐香滑又富豆香，兩者味道非常之夾。海膽醬加拿大龍蝦龍蝦肉肉質爽口結實，鮮甜味十足，海膽醬甘香鮮味，令到鮮味大大提升。鐵板牛柳配芥末籽汁牛柳鮮嫩軟淋，食落有陣陣焦香，肉味香濃，沾上少許他他醬，更加滋味。蠔仔御好燒蠔肉粒粒都脹卜卜，入口鮮味多汁，御好燒煎到金黃色，食落充滿蔬菜清甜味，加上蠔肉的鮮味，超正。朱古力窩夫配馬卡龍窩夫外層偏淋，但不失軟糯口感，朱古力雪糕香甜味濃，味道尚算不錯，反而馬卡龍比較有驚喜，中間饀料是焦糖味雪糕，但又不太甜，味道香甜。