Le Bec Fin (已結業)

2018年尾嘅一餐, 當時餐廳剛開業不久, 離我公司不遠。大廚Nakao Kazuhisa做嘅日法Fusion, 去之前睇IG嘅相已經知道食物方向頗不拘一格。Signature dish有焗法式洋蔥湯同和牛三文治, 前者的確出色, 味道平衡, 但後者用嘅三文治醬太酸而且落得太重手, 基本上只食到酸味。紅蝦意粉肯落本俾足5隻, 味道唔錯但份量太多, 調味太重, 食到後半已經有吃不消嘅感覺。海胆意粉情況也差不多。個人觀感係餐廳菜式比較適合重口味嘅人, 唔太係我杯茶。