影片
更多
2022-12-07
13 浏览
我哋星期六夜晚去，真係全場滿晒，有啲客人諗住Walk in都冇位，所以去之前記得book定位先。由門口到餐廳裏面都係黑白漫畫風主題，喺度打卡都幾有特色，而且食物嘅賣相幾好，特別係甜品好IGable。🌟Shrimp focaccia $138呢款前菜係紅蝦刺身多士，多士表面脆脆地，中間有啲番茄粒，再放上紅蝦刺身。紅蝦刺身新鮮，肉質好爽，蝦頭仲有蝦膏。🌟南瓜湯主菜可加 $18享是日餐湯或沙律，我哋要咗餐湯，今日係南瓜湯，餐湯幾濃稠，同埋會食到啲蔬菜粒。🌟澳洲肉眼扒配紅酒燒汁 $268肉眼扒叫咗五成熟，切開顏色好粉嫩，仲有肉汁唔會鞋，而且切落唔會好多筋，肉眼扒都幾大塊，仲有啲薯仔蔬菜做配菜。🌟慢焗美國安格斯牛胸肋骨 $298肉同骨其實已經分開咗，唔使驚自己切到好論盡。牛胸肋骨嘅表面焗到有啲乾身，但中間嘅位置就比較軟腍，唔會柴。中間唔夠味可以點少少醬汁食。都係有啲蔬菜薯仔作配菜。🌟嚕嚕米-森の家 $128最期待就係佢哋嘅甜品，呢款蘑菇造型真係好可愛。有草莓乳酪，草莓果茸同Crumble。蘑菇嘅外面係一層薄薄嘅朱古力，甜度唔會好高，味道酸酸甜甜，連埋Crumble 一齊食，口感就更加豐富。🌟UL
我哋星期六夜晚去，真係全場滿晒，有啲客人諗住Walk in都冇位，所以去之前記得book定位先。由門口到餐廳裏面都係黑白漫畫風主題，喺度打卡都幾有特色，而且食物嘅賣相幾好，特別係甜品好IGable。
🌟Shrimp focaccia $138
呢款前菜係紅蝦刺身多士，多士表面脆脆地，中間有啲番茄粒，再放上紅蝦刺身。紅蝦刺身新鮮，肉質好爽，蝦頭仲有蝦膏。
🌟南瓜湯
主菜可加 $18享是日餐湯或沙律，我哋要咗餐湯，今日係南瓜湯，餐湯幾濃稠，同埋會食到啲蔬菜粒。
🌟澳洲肉眼扒配紅酒燒汁 $268
肉眼扒叫咗五成熟，切開顏色好粉嫩，仲有肉汁唔會鞋，而且切落唔會好多筋，肉眼扒都幾大塊，仲有啲薯仔蔬菜做配菜。
🌟慢焗美國安格斯牛胸肋骨 $298
肉同骨其實已經分開咗，唔使驚自己切到好論盡。牛胸肋骨嘅表面焗到有啲乾身，但中間嘅位置就比較軟腍，唔會柴。中間唔夠味可以點少少醬汁食。都係有啲蔬菜薯仔作配菜。
🌟嚕嚕米-森の家 $128
最期待就係佢哋嘅甜品，呢款蘑菇造型真係好可愛。有草莓乳酪，草莓果茸同Crumble。蘑菇嘅外面係一層薄薄嘅朱古力，甜度唔會好高，味道酸酸甜甜，連埋Crumble 一齊食，口感就更加豐富。
🌟ULURU二次元立體夢幻蛋糕 $138
白色（草莓果醬＋鮮草莓）
呢個甜品真係好靚，食之前記得影相先。外面嘅黑色線係用朱古力畫嘅，切開中間係蛋糕同草莓果醬相間，仲會有新鮮草莓片。蛋糕都幾濕潤，味道唔會太甜，但呢款甜品就會比較多cream。
🌟ULURU ROSE TEA $52
🌟LAVENDER DREAM $52
兩杯飲品都好大杯，賣相都好靚。Rose Tea有淡淡的玫瑰香味，仲有一朵玫瑰花喺入邊。LAVENDER都會聞到薰衣草香，兩杯飲品嘅甜度都唔高，比較清新。
📍ULURU (灣仔)
灣仔春園街1-11號春暉大廈1樓
张贴
