UCC Vienna Cafe (已結業)

都有兩年無黎喇，完全變晒，係變差左，唉 ﹗以我經驗所得，依間餐廳出貨非常慢，所以一向都有心理準備要等 30-45 分鐘先有野食。睇睇個新 menu 發現菜色少左好多、普通左妤多又變得港式左好多，感覺少左日式既味道同風格，好失望 ﹗咁我洗咩山長水遠行過黎呀，去茶餐廳都有得食啦 ﹗芝士三文魚焗飯，唔係掛？用大陸菠菜？唔係義大利菠菜架？份量都幾少，約有一碗飯左右啦。三文魚乾而鞋，最好味係菠菜。整體味道一般，普通而單調，食到無晒 mood。第一次 order set lunch，好明顯質量比正常為差，而且溫度微暖，似係翻熱食物。唯一可取之處係夠快，最快上餐今次 ﹗快餐收我 HKD70、HKD80 蚊，完全唔值囉。以前一向散叫，質數有保證，但係每次 lunch 時間都要等三四十分鐘先有得食呢 ﹗趕到死 ﹗