上海婆婆336 (iSQUARE國際廣場)

营业中

休息中

今日行經尖沙咀Isquare，平時都係樓下幾層行下，都唔知6樓有咁多餐廳🏤，上到去見到有間食上海野，叫（上海婆婆336），見個名咁得意，我又鍾意食上海菜，所以決定試下。依間鋪真係超大，成半層都係佢，坐得舒服，環境又好。即刻睇下有咩食，話咁快就揀左幾款。花雕醉雞🐔：好香花雕，最重要唔苦，真係好怕好苦既花雕味，d醉雞🐔浸得好入味，一d都唔肥，好有水準。上海小籠包🫓：粒粒都皮薄餡靚，咬開就已經爆曬啲汁出嚟，非常juicy。鬼花酸菜魚🐟：好大碗，重有好多魚片，入面仲有好多配料，有蓮藕/薯粉/黑木耳/薯仔片，最重要係仲有一份即炸嘅油炸鬼，油炸鬼可以浸落酸菜魚湯底食索曬入面嘅湯汁超好食，有一點不得不提佢哋嘅酸菜魚湯底有好香濃嘅花椒味但係冇花椒粒，所以唔會食到成口都有一粒粒花椒，好貼心。榴槤雪糕冰粉🍧：上面一大球榴槤雪糕，下面係涼浸浸嘅冰粉，最上面仲舖咗啲果仁同提子乾增加口感層次，作為一個好完美嘅總結。